EFESIOS 3:4 - Lengua Sur (Enxet) Nuevo Testamento

⁴ Kélyetsetmeyk agkok xa, kólyekpelchágwók sat sekya'ásegkoho ko'o m'a amya'a ekpowásamáxkoho eñama nak Cristo.

EFESIOS 3:4 Referans Kwoze

COLOSENSES 4:3

Hẽlmaxnéses nahan cha'a negko'o xa yakwayam enxoho hegkegwánesesek Wese' egegkok óltennaha m'a appeywa, yakwayam enxoho anhan agkegwának anxének negko'o m'a amya'a megkólya'áseykegko axta eñama Cristo, cháxa keñamak sekha ko'o sẽlpextétamakxa eñama xa amya'a megkólya'áseykegko axta.

1 CORINTIOS 4:1

Kéméxchek kaxének kélwáxok kéxegke nentaha negko'o nempasmeykha aptamheykha Cristo, nenxawáyak axta negko'o yakwayam ólxekmósek énxet'ák ma'a aksok ekpowásamáxkoho apkeláneykekxa axta Dios.

2 CORINTIOS 11:6

Mowanchek eykhe ko'o sekya'asakxa sekpeywa, wánxa agkok yetneyk eyke sekya'ásegwayam ko'o. Cháxa nenxekmósamo nak cha'a negko'o kéxegke xa, eñama m'a ekyókxoho aksok nenlané nak.

1 TIMOTEO 3:16

Nakso' ektaha ektakmela agko' ma'a amya'a ekmámnaksoho senxekmósama axta eñama s'e ektémakxa nak nelpeykesamo Dios: Apheyásamákpók axta énxet Cristo, apmallanmeyk axta eñama apteme espíritu, apwetayak axta nahan Dios apkelásenneykha. kéllegasegkek axta apwesey ekyókxoho yókxexma, kéltemegkek axta megkólya'áseyam keso náxop, kélya'áseykekxeyk axta nahan ma'a néten aphamakxa nak Dios ekha apcheymákpoho.

COLOSENSES 2:2

Ekwaskápeykxók ko'o yakwayam enxoho elxawagkok ekmayheykegkoho apwáxók xa énxet'ák nak, yakwayam enxoho megyexpanchesakpek eñama m'a apkelásekhamakpoho nak, yakwayam enxoho nahan katnehek ekyawe agko' apkelya'ásegwayam, cham'a ekmowána nak kalya'asásegwók ma'a megyahayo axta kólya'asagkohok Dios, cham'a aptaha nak Cristo.

EFESIOS 6:19

Helmaxnéses nahan ko'o xa, yakwayam enxoho hegkések Dios ma'a eyéméxchexa nak atnehek sekpeywa, yakwayam enxoho nahan wawának apakmétek yetlo meyke seyeye, tén han alyekpelchásesamhok énxet'ák ma'a amya'a melya'áseykegko axta, ektaha nak segwagkasamo teyp.

EFESIOS 5:32

Cháxa ektaha nak ekpowásamáxkoho agko' xa, ekxénchek ko'o m'a Cristo tén han ma'a Dios énxet'ák apagkok nak.

EFESIOS 1:9

Egya'asásegwokmek axta anhan ma'a ektémakxa nak apmopmenyého elána' ektaha nak ekpowásamáxkoho, cham'a apkeláneykekxa apagko' axta apmáheyo elána'.

SAN LUCAS 8:10

Aptahak axta apchátegmowágko Jesús se'e: “Apkelya'asásegwokmek kéxegke Dios aksok elyexamaxche eleñama nak ma'a aptémakxa nak Wese' apwányam Dios, wánxa agkok, aksok sekyetcháseykekxoho eyke eltennáseyha m'a pók énxet'ák nak, yakwayam enxoho elano', melwetyehek eyke, yakwayam enxoho nahan ellegak, melyekpelchehek eyke.

1 TIMOTEO 3:9

kéméxchek etnehek ma'a meyenseyam nak amya'a ekmámnaksoho sẽlxekmósama axta negko'o, cham'a magya'ásekmo nak, etnehek nahan megkay'áseyam apwáxok.

1 CORINTIOS 13:2

Ekxénchek agkok ko'o amya'a eñama nak Dios, ekya'ásegkok agkok nahan ma'a Dios apmopmenyého ektaha nak ekpowásamáxkoho, esenhan ma'a sekya'ásegko enxoho ekyókxoho aksok, yetneyk agkok may'áseyam ko'o ekmowána nak kaltakhésha xóp elekhaheyak elyawe nak, wánxa agkok, méko eyke katnehek seyásekhayo, mékoho atnehek ko'o.

SAN MATEO 13:11

Aptahak axta apchátegmowágko Jesús se'e: “Apkelya'asásegwokmek kéxegke Dios aksok elyexamaxche eleñama nak ma'a aptémakxa nak Wese' apwányam Dios; akke elya'asásegwokmok xa énxet'ák nak.

ROMANOS 11:25

Elyáxeg, emenyék ko'o kólya'ásegwomhok se'e aksok ekyexamaxche apkeláneykekxa nak Dios, yakwayam enxoho megkeyxkók kélpeywa kólxének ekha kélya'áseyak; nápakha énxet'ák Israel akke aptamheykegkok mema takha' amya'a, ekwokmoho sat ma'a ekwánxa enxoho apxámokma énxet'ák metnaha judíos apkelyakmagkaso apwáxók.

ROMANOS 16:25

Oltemésesek apcheymákpoho Dios, aptaha nak apmopwána etnésesek ekyennakte megkólya'áseyam kéxegke m'a ektémakxa nak tásek amya'a seltenneykha cha'a ko'o, tén han ma'a nelxekmowásamáxche ekxeyenma nak Cristo. Hawók ektémakxa aksok ekyexamaxche apkeláneykekxa axta Dios xa, cham'a senxekmósa axta, ekpowásamáxkoho axta cha'a nano' axta megkalánamáxchexa axta makham keso náxop,

EFESIOS 3:3

Apxekmósek axta Dios ektémakxa aksok apkeláneykekxa ektaha nak megkótémaxche, ey'asásegwokmek axta ko'o, ekhawo m'a sektahakxa axta sektáxéseso ekyakwate kéxegke.

EFESIOS 3:9

Eyásennakkek axta anhan ko'o Dios yakwayam alya'asásegwók apyókxoho énxet'ák ma'a apmaheyókxa nak elának Dios ektaha nak ekpowásamáxkoho, cham'a aptéma axta cha'a appósamo Dios nano' axta, aptaha nak apkelané ekyókxoho aksok.

COLOSENSES 1:26

cham'a amya'a aptemésesama axta ekpowásamáxkoho Dios nano' axta, cham'a megyahayo axta anhan kataxchek Dios nentámen axta, apxekmósek eyke kaxwo' Dios ma'a ektaha nak énxet'ák apagkok.