EFESIOS 3:17 - Lengua Sur (Enxet) Nuevo Testamento

¹⁷ Elmaxnakkek nahan ko'o Dios seltamho exek kélwáxok kéxegke Cristo eñama xa megkólya'áseyam nak. Keñe sat keytek kéxegke kélwaskapma tén han kóllenxanmohok kélyennaktésamo kélteme kélásekhamaxkoho.

EFESIOS 3:17 Referans Kwoze

COLOSENSES 2:7

kéméxchek kóltehek kéxegke kélyepetcheyo kélagko' ma'a Cristo, tén han kóltehek kélasenneykekxa kélagko' eñama m'a megkólya'áseyam nak, ekhawo ektahakxa axta kélxekmóso kéxegke, kólmések nahan cha'a ekxeyenma kélwáxok Dios.

1 SAN JUAN 4:16

Cháxa keñamak negya'ásegwokmo negko'o segásekha'awo Dios xa, magya'ásekmok nahan. Dios apteme eñamakxa m'a negásekhayo nak, negko'o ektahakxa enxoho nelásekhamaxkoho, negyepetcheyo antehek Dios, hegyepetkohok nahan Dios.

SAN JUAN 14:23

Aptahak axta apchátegmowágko Jesús se'e: —Enxet ektahakxa enxoho seyásekhayo ko'o, elyahakxohok ma'a ektémakxa nak sekpeywa; yásekhohok sat nahan ma'a Táta, ólchexyok sat nahan negko'o yakwayam antehek negyepetcheyo xa énxet nak, Táta tén han ko'o.

GÁLATAS 2:20

háwe ko'o kaxwo' sekha ahagko', Cristo eyke aphak ewáxok ko'o. Keso sektémakxa nak ko'o neyseksa sekha makham, ektemegkek cha'a ko'o m'a ektémakxa nak may'áseyam Dios Apketche, aptaha axta seyásekhayo, apchahayók axta anhan apmatñama ko'o eñamakxa.

ROMANOS 5:5

Mehegmések nahan cha'a negko'o ekyakhapweykmoho egwáxok xa nelhaxneykha nak, hakte awanhek axta negko'o appekkenma egwáxok Dios segásekhayo eñama m'a Espíritu Santo segmésama axta.

APOCALIPSIS 3:20

Kóllano, átog ko'o enmáha selwónencha'a kéxegke, kéxegke ektahakxa enxoho kéllegé sekpeywa, keñe kólmeykesek átog, keñe sat ko'o atxek kañe' kélxagkok, apasmok sat nahan kélto taxnam kéxegke.

2 CORINTIOS 6:16

Mopwanchek nahan Dios tegma appagkanamap apagkok etnehek apxegexma m'a aksok kéleykmáseso nak. Hakte negko'o nenteme Dios megyetsapma tegma appagkanamap apagkok, ekhawo aptémakxa axta appeywa s'e: “Axek sat ko'o nepyeseksa xa énxet'ák nak, aweynchamha sat nahan. Ko'o sat atnehek Dios apagkok xa énxet'ák nak, keñe sat ko'o atnehek énxet'ák ahagkok xa énxet'ák nak.”

1 SAN JUAN 4:4

Etchek selásekhayo nak, kéxegke kélteme nak Dios énxet'ák apagkok, kélmalanchek axta anhan nepyeseksa xa énxet'ák apkelmopwancha'a amya'a nak, hakte apmeyhok apagko' Espíritu apyetna nak kéxegke, kaxnók espíritu apha nak apwáxok énxet'ák apkeleñamakxa apagko' nak keso náxop.

COLOSENSES 1:27

Apmenyék axta Dios elyekpelchásesók ma'a ektaha nak énxet'ák apagkok, cham'a ekwánxa nak ekxámokma aksok eltakmela apagkok, cham'a ektemésesama axta cha'a ekpowásamáxkoho énxet'ák metnaha nak judíos. Apheyk kélwáxok kéxegke Cristo, cháxa megkólya'áseykegko axta kéxegke xa, aptaha nak han eñamakxa nelhaxneykha m'a negeymáxkoho peya nak anxawak.

COLOSENSES 1:23

Cháxa keñamak eyéméxko nak kóltehek kéxegke kélwaskápeykekxoho eñama ekpasmo m'a megkólya'áseyam nak, meyke kélyenseyam ma'a kélhaxneykha ekyetna nak kéxegke eñama kéllegé m'a tásek amya'a kéltenneykha nak. Cháxa amya'a kéltenneykencha'a nak ekyókxoho yókxexma xa, sekpasmoma nak han ko'o xa ektémakxa kéltenneykha, ko'o Pablo.

SAN JUAN 17:23

Ektemegkek ko'o sekyepetcheyo xa énxet'ák nak, keñe exchep aptaha sépetcheyo ko'o, yakwayam enxoho etnahagkok ekmámnaksoho agko' wánxa xama xa énxet'ák nak, keñe sat elya'ásegwók énxet'ák apheykha náxop aptaha seyáphaso ko'o exchep, tén han elya'ásegwók apkelásekhayo exchep ma'a ektaha nak énxet'ák apagkok, ekhawo ektémakxa nak seyásekhayo ko'o exchep.

SAN LUCAS 6:48

exhok ma'a énxet apkeláneya axta tegma apkexakhama axta xóp, axta appekkenak ekyennaktéso tegma apowhak ma'a meteymog ekyetnama axta kañe' xóp. Tekkek axta yegmen wátsam, tegwokmek axta cha'a elyakyahayam xa tegma nak, wánxa agkok, axta eyke kaktásak, hakte tásek axta apkelánamap tegma.

SAN MATEO 13:6

wánxa agkok, xama axta ektepa ekhem, kelmetchek axta, kelyameygkek axta anhan, hakte méko axta kepmenák.

GÁLATAS 5:6

Nentemék agkok negko'o negyepetcheyo Cristo, méko katnehek ekha enxoho sẽlkahaso kélyenyekhamol'a egyempehek esenhan ma'a méko enxoho. Akke tásek keytek negko'o m'a magya'áseyam nak, cham'a magya'áseyam sentemésesamol'a ekha nelásekhamaxkoho.

SAN JUAN 6:56

Enxet ektahakxa enxoho apto ahápetek ko'o, tén han ektahakxa enxoho apya éma ahagkok ko'o, hépetkohok sat cha'a ko'o, eypetkohok sat nahan cha'a ko'o xa.

1 CORINTIOS 8:1

Kaxwo' peyk axének ko'o ektémakxa m'a nento kélmésol'a aksok kéleykmáseso. Nakso' ektémakxa nak cha'a amya'a s'e: negyókxoho yetnak negko'o negya'ásegwayam ektaha nak ekmámnaksoho; wánxa agkok, hegyánchesesagkohok eyke negeymáxkoho xa negya'ásegwayam nak, keñe m'a nelásekhamaxkoho nak kayánchesamhok cha'a senteméseso mólchexeymáxkoho.

1 CORINTIOS 3:6

Ko'o axta seneykekxa, keñe axta Apolos aptaha apkexpakhéyak yegmen, Dios axta eyke aptaha apwánegkeso xa negkeneykekxa nak.

2 CORINTIOS 13:5

Kólyetsátekxa hana kéxegke kélagko' kéltémakxa, yakwayam enxoho kólya'ásegwomhok ekyennakwokmo kélteme megkólya'áseyam; nakso' kexaha ekyenná kélteme megkólya'áseyam; kólyekpelchaxkoho kélagko'. ¿Yagkólyekpelchágwokmok kéxegke apha kélwáxok Jesucristo? ¿Enxoho axta eykel'a kóllanak kéxegke apkeltamhókxa axta kóllának Dios?