EFESIOS 3:16 - Lengua Sur (Enxet) Nuevo Testamento

¹⁶ Elmaxnakkek ko'o Dios Egyap seltamho epekkenchesek kélwáxok kéxegke kélmowána, tén han ma'a kélwaskápeykekxoho eñama nak apméso Espíritu apkeñama nak Dios, eleñama nak ma'a ekheykegkaxa nak ekxámokma agko' aksok apagkok eltakmela eleñama nak néten.

EFESIOS 3:16 Referans Kwoze

COLOSENSES 1:11

Nelmaxnakkek negko'o Dios neltamho etnésesek kéxegke ekha kélyennakte eñama m'a apmopwána eyeymáxkoho nak; yakwayam enxoho kólewának kólenmaxaxkohok kéxegke ekyókxoho aksok, yetlo kélwaskápeykekxoho tén han kéllenxányam,

FILIPENSES 4:13

Ewanchek ko'o ayeykhak ma'a ekyókxoho aksok nak, hakte Cristo aptaha sepasmo ko'o.

2 TIMOTEO 4:17

Wánxa agkok, Wese' egegkok axta eyke epasmak ko'o, egkések axta sekyennakte, yakwayam enxoho wawának alenxanmohok seltenneykha tásek amya'a, tén han añeksek tásek amya'a m'a énxet'ák melya'áseyak nak Dios. Cháxa setnésesakxa axta semyawa Wese' egegkok keto' sekmatñamakxa xa.

2 CORINTIOS 4:16

Ekeso eñamakxa mólháxexchágwokmo nak negko'o. Peykhe kamassegwók negko'o s'e ektémakxa nak negyókxa, keñe m'a espíritu ekyetna nak egwáxok ektamhágko cha'a axnagkok ekyókxoho ekhem.

EFESIOS 6:10

Elyáxeg eltamhok ko'o kóltehek kaxwo' ekha kélyennakte neyseksók kélyepetcheyo Wese' egegkok, eñama m'a ektémakxa nak ekyawe agko' apmopwána.

2 CORINTIOS 12:9

wánxa agkok, aptahak axta aksa seyáneya Wese' egegkok se'e: “Ko'o seyásekhayo akke yetnak xép, wánxa m'a; hakte xekmowáséxkók ko'o sekmowána m'a énxet'ák apkelyelkamákpoho nak.” Emenyék ko'o keyxkohok sekpeywa axének ektémakxa nak sekyelkamáxkoho, yakwayam enxoho keytek ko'o m'a Cristo apmopwána nak.

FILIPENSES 4:19

Dios ahagkok sat egkések ma'a ekyókxoho aksok eyéméxchexa nak kéxegke, hakte xámok ekyetna aksok eltakmela m'a Dios eñama m'a Cristo Jesús.

ROMANOS 7:22

Yespakkek cha'a ko'o ewáxok apkeltémókxa nak antehek Dios,

1 CORINTIOS 16:13

Kólleyxmakha cha'a, kólyennaktes kélteme megkólya'áseyam; nágkólé, kólwaskápekxoho.

ROMANOS 9:23

Apmokók axta eyke nahan henxekmósek Dios ektémakxa nak ekyawe apcheymákpoho, cham'a segemleykxoho axta, nano' axta senláneseykekxa egwáxok yakwayam hegwakxohok xa apcheymákpoho nak.

COLOSENSES 1:27

Apmenyék axta Dios elyekpelchásesók ma'a ektaha nak énxet'ák apagkok, cham'a ekwánxa nak ekxámokma aksok eltakmela apagkok, cham'a ektemésesama axta cha'a ekpowásamáxkoho énxet'ák metnaha nak judíos. Apheyk kélwáxok kéxegke Cristo, cháxa megkólya'áseykegko axta kéxegke xa, aptaha nak han eñamakxa nelhaxneykha m'a negeymáxkoho peya nak anxawak.

EFESIOS 3:8

Ko'o eyke sekteme kónegók ahagko' nepyeseksa m'a elyáxeg'a ektaha nak Dios énxet'ák apagkok, cham'a apteme nak kóneg; Egkések axta eyke aksa ko'o Dios ektakmela sektamheykha yakwayam atnehek seltennáseykha amya'a ektakmela m'a énxet'ák metnaha nak judíos cham'a amya'a ekxeyenma nak ekxámokma agko' aksok eltakmela eleñama nak Cristo.

EFESIOS 1:18

Elmaxnakkek cha'a ko'o Dios seltamho elya'ásásegwók kéxegke, yakwayam enxoho kólya'ásegwomhok kéxegke m'a ektémakxa nak kélhaxneykha, cham'a kélhaxneykha apmésa axta kéxegke Dios, tén han kólya'ásegwomhok ekwánxa ektakmela agko' ma'a aksok appagkanchesama nak Dios yakwayam egkések ma'a ektaha nak énxet'ák apagkok,

SAN MATEO 6:13

Nágyoho aksa hegáhapwak negko'o segyekkónma, wánxa agkok, hegeys negko'o m'a kelyekhama'.’

EFESIOS 1:7

Segásekhayo ekyawe agko' axta keñamak Dios segmasésesa m'a ektémakxa axta nelmomaxche eñama m'a apyegkenma axta éma apagkok Apketche, meyakmagkásekxak nahan nentémakxa nak mólya'asáxma.

HEBREOS 11:34

apmasések axta anhan ma'a táxa eyálewe ekyawe axta, xegkesek axta etekyók xa énxet'ák nak, apkelyennákxók axta eyke m'a apkelyelkamákpoho axta, apmelyéha'ak axta anhan neyseksa kempakhakma, apkelmallanmeyk axta nepyeseksa apkelenmexma.

1 SAN PEDRO 3:4

wánxa agkok, akke tásek kañék kélteme kéltakmalma kéxegke m'a kélwáxok, cháxa nentémakxa ektakmela megkamassegwayam nak xa, cham'a sentemésesamol'a ekyelkamáxkoho egwáxok tén han ektakmeleykha egwáxok, cháxa ekleklamo nak apwáxok Dios nenteme nentakmalma eñama xa ektéma nak.

EFESIOS 2:7

Apkelanak axta Dios xa, yakwayam enxoho kataxchek ma'a egmonye sat, ekyetna ekyawe agko' segásekhayo negko'o, tén han exekmósek aptaha segméso naksa m'a ektémakxa nak segemleykekxoho eñama Cristo Jesús.

ROMANOS 2:29

Akke ekteme ekmámnaksoho nenteme judío m'a ekweykmoho nak kaño' agko' egwáxok, kélkahásek agkok apyempehek xama énxet, kawomhok nahan kaño' agko' apwáxok: háwe ektekkeso weykcha'áhak eknaktáxésamaxche xa, Espíritu eyke aptekkeso. Enxet ekyetnakxa enxoho xa kélkahaso ekweykmoho nak kaño' agko' apwáxok, kalkohok apwáxok Dios aptahakxa, keñe megkalchehek apwáxók ma'a énxet'ák.

EFESIOS 3:15

cham'a apmésama nak apwesey apyókxoho ektaha nak énxet'ák apagkok apheykha nak néten tén han keso náxop.

COLOSENSES 2:2

Ekwaskápeykxók ko'o yakwayam enxoho elxawagkok ekmayheykegkoho apwáxók xa énxet'ák nak, yakwayam enxoho megyexpanchesakpek eñama m'a apkelásekhamakpoho nak, yakwayam enxoho nahan katnehek ekyawe agko' apkelya'ásegwayam, cham'a ekmowána nak kalya'asásegwók ma'a megyahayo axta kólya'asagkohok Dios, cham'a aptaha nak Cristo.