EFESIOS 3:10 - Lengua Sur (Enxet) Nuevo Testamento

¹⁰ Temegkek axta xa yakwayam enxoho elya'ásegwók ekyókxoho ektémakxa apya'áseykegkoho Dios ma'a, Dios apkelásenneykha ekha nak apkelmopwancha'a, tén han ma'a ekha nak kélyaheykekxoho m'a néten eñama apxekmóso m'a Dios énxet'ák apagkok nak.

EFESIOS 3:10 Referans Kwoze

1 SAN PEDRO 1:12

Wánxa agkok, apkelya'asásegweykmek axta eyke Dios megkapheweykmo yakwayam kapasmok ektémakxa axta apkeltenneykha xa énxet'ák nak, kéxegke eyke yakwayam kapasmok xa ektémakxa axta apkeltenneykha, cháxa kéllegasama axta kéxegke xa eñama apkellegaso m'a énxet'ák apkeltennáseykencha'a axta tásek amya'a yetlo Espíritu Santo apmopwána, cham'a Espíritu kéláphaso axta apkeñama néten. Cháxa apkeltémo axta anhan étak Dios apkelásenneykha xa.

EFESIOS 6:12

Hakte mólnápexchek negko'o énxetók xamo', akke nennápexchek ma'a kelyekhama' elásenneykha eleñama nak tekhenxet, cham'a ekha nak elmowána, ekha nak han kélyaheykekxoho, cham'a eláneykencha'a nak keso náxop ekyaktésamakxa nak exma.

1 CORINTIOS 2:7

Akke nenxénak negko'o m'a negya'ásegwayam ekpowásamáxkoho eñama nak Dios, cháxa appósamo axta Dios apkepmenyého elának xa, eyeynamókxa m'a amonye apkelané axta keso náxop, yakwayam enxoho hegwatámhok negko'o m'a ektémakxa nak apcheymákpoho.

ROMANOS 11:33

¡Xámok agko' aksok eltakmela eleñama nak Dios, magwanchek agya'asagkohok ekwánxa, tén han ma'a ektémakxa nak apya'áseykegkoho, cham'a ektémakxa nak han ekha apyekpelchémo, méko kawának kaxének ektémakxa enxoho aksok apmáheyo elának, méko nahan keykpelkohok apmáheyókxa nak etnehek!

EFESIOS 1:21

Aptemésesek axta anhan Dios Cristo meyke ekhémo neyseksa m'a ekyókxoho aksok ekha nak elmowancha'a, tén han ma'a ekha nak kélyaheykekxoho, tén han ma'a aksok eláneykencha'a nak keso náxop, tén han ma'a aksok kelwese'e nak, aptemésesek axta anhan Dios Cristo megkaxnémo m'a ekyókxoho aksok ekhágko nak keso negwánxa nak, tén han ma'a egmonye sat.

EFESIOS 1:3

Oltemésesek sat apcheymákpoho Dios, Jesucristo Wese' egegkok Apyap, hakte egmések axta negko'o Dios ekyókxoho ektémakxa aksok eltakmela m'a néten, neyseksók nenteme negyepetcheyo Cristo.

1 CORINTIOS 1:24

Keñe m'a énxet'ák ektaha nak apkelwóneykha Dios, aptemésesama Mesías apxekmóso Dios apmopwána, tén han ma'a ektémakxa nak han apya'áseykegkoho Dios, nepyeseksa énxet'ák judíos esenhan nepyeseksa m'a énxet'ák metnaha nak judíos.

1 SAN PEDRO 3:22

cham'a Jesucristo apmeyeykekxo axta néten, aphákxeyk nahan ma'a ekpayhókxa nak apkelya'asamakxa Dios. Temék kaxwo' elyaheykekxoho Dios apkelásenneykha m'a Cristo, tén han ma'a aksok magweté nak ekyókxa ekheykencha'a nak tekhenxet, cham'a ekha nak kélyaheykekxoho, cham'a ekha nak han elmowancha'a.

COLOSENSES 1:16

Cristo nahan keñamak apkeláneya Dios ekyókxoho aksok ekhéyak nak néten, tén han aksok ekhéyak nak keso náxop, cham'a aksok negwetayo nak, tén han ma'a magwetayo nak, tén han apkeláneya m'a aksok ekha ekmowána ekheykha nak néten eláneykencha'a nak keso náxop, cham'a ekha nak kélyaheykekxoho, ekha nak han elmowancha'a. Cristo nahan keñamak elánamáxko ekyókxoho aksok, Cristo nahan yakwayam etnehek apagkok.

1 TIMOTEO 3:16

Nakso' ektaha ektakmela agko' ma'a amya'a ekmámnaksoho senxekmósama axta eñama s'e ektémakxa nak nelpeykesamo Dios: Apheyásamákpók axta énxet Cristo, apmallanmeyk axta eñama apteme espíritu, apwetayak axta nahan Dios apkelásenneykha. kéllegasegkek axta apwesey ekyókxoho yókxexma, kéltemegkek axta megkólya'áseyam keso náxop, kélya'áseykekxeyk axta nahan ma'a néten aphamakxa nak Dios ekha apcheymákpoho.

EFESIOS 1:8

Enxekmósek axta negko'o ekwánxa segásekhayo Dios, egmések axta ekxámokxoho ektémakxa negya'ásegwayam tén han negyekpelchágwayam.

ROMANOS 8:38

Ekya'ásegkok eyke ko'o méko kawának hegyenyókasek ma'a ektémakxa nak Dios segásekhayo. Yawanchek ma'a ektémakxa nak nétsapma, tén han ma'a ektémakxa nak negyennakte, mopwanchek nahan ma'a Dios apkelásenneykha nak, yawanchek nahan ma'a aksok ekha nak elmowancha'a, yawanchek nahan sónegwánxa nak, yawanchek nahan ma'a aksok ekyetna nak egmonye,

EFESIOS 1:23

Dios énxet'ák apagkok ekteme Cristo apyókxa, ekteme nahan eksawhomo m'a ektémakxa nak apyókxa Cristo. Cristo nahan apteme ektemegwánxa néxa ekxámokma ekyókxoho aksok.

COLOSENSES 2:10

Sawhomáxkók kéxegke kélxawáya m'a aksok eleñama nak Dios eñama kélyepetcheyo m'a Cristo, aptaha nak apkemha apmonye neyseksa ekyókxoho aksok ekha nak elmowancha'a, tén han ma'a ekha nak kélyaheykekxoho.

COLOSENSES 2:15

Cristo axta keñamak apmasésesa Dios ektémakxa axta elmowancha'a m'a aksok ekha nak elmowancha'a, tén han ma'a ekha nak kélyaheykekxoho, apnaklákxeyk axta nápakta'awo' apxámokxoho énxet'ák, cham'a apkékesákxo axta apnaklákxo aptemésesa elmomaxche apxekmowásawo aptaha apmallanma.