EFESIOS 2:5 - Lengua Sur (Enxet) Nuevo Testamento

⁵ ékeso eñamakxa segmeyáseykxo nak ekyennakte egnenya'ák xamo' Cristo, cham'a nentémakxa axta makham máxa eghapák eñama m'a nentémakxa axta mólya'asáxma. Apmések axta aksa kéxegke Dios kélwagkásamáxche teyp eñama m'a ektémakxa nak segemleykekxoho.

EFESIOS 2:5 Referans Kwoze

ROMANOS 3:24

Wánxa agkok, entemésesek eyke negko'o Dios nelpéwomo eñama segásekhayo, cham'a aptéma axta nahan segméso naksa, eñama m'a segyanmaga axta Cristo Jesús.

EFESIOS 2:8

Kélwagkásexchek axta kéxegke teyp eñama m'a apméso naksa axta kéxegke Dios ma'a ektémakxa nak segemleykekxoho, eñama m'a kélteme nak megkólya'áseyam. Háwe eyke kélweté kélagko' kéxegke xa, kélxawé axta eñama Dios apméso.

ROMANOS 5:10

Entemésesek axta negko'o nelásekhamaxchekxoho Dios eñama m'a apketsapma axta Apketche, cham'a nentémakxa axta makham nenmexeykha Dios, sat eyke ekyagwánxa agkok yakwayam ólwagkasaxchek teyp keso nelásekháxchekxoho nak kaxwo' Dios.

ROMANOS 5:8

Wánxa agkok, enxekmósek axta eyke negko'o Dios ektémakxa segásekhayo, cham'a nentémakxa axta makham negko'o mólya'asáxma, apketsekkek axta Cristo segyanmaga negko'o.

LOS HECHOS 15:11

Wánxa agkok, akke agya'ásekmok negko'o nenxaka aksa nelwagkásamáxche teyp eñama m'a segásekhayo nak Wese' egegkok Jesús, ekhawo nahan xa énxet'ák nak.

EFESIOS 2:1

Máxa kélhapák axta kéxegke nano', eñama m'a kéltémakxa ekmaso axta, tén han eñama m'a megkólya'asáxma axta,

ROMANOS 8:2

hakte ẽlhexyawáseykxeyk axta negko'o m'a segánamakxa eñama nak Espíritu, segmésamol'a cha'a ekyennakte egnenyek eñama negyepetcheyo Cristo Jesús, cham'a sẽlmoma axta m'a ektémakxa nak ekmowána mólya'asáxma, tén han sẽlhexyawáseykxo neyseksa m'a ektémakxa nak ekmowána nétsapma.

TITO 2:11

Enxekmósek axta negko'o Dios ektémakxa segméso naksa segemleykekxoho, cham'a segemleykekxoho elwagkasama nak cha'a teyp apyókxoho énxet.

EFESIOS 5:14

hakte elseyexma kapekkenekxak yáxñakxoho. Ekeso eñamakxa ektéma nak amya'a s'e: “Exatakha, xeyep ektaha nak apteyenma, exnekxa néten nepyeseksa énxet'ák ektaha nak apkeletsapma, Cristo sat yelsásesexma exchep.”

ROMANOS 4:16

Ekeso eñamakxa nenxawaya axta aksa meyke ekyanmaga m'a appekkencháseykekxa axta appeywa Dios Abraham tén han ma'a aptawan'ák neptámen, yakwayam enxoho megkamassegwomek kéláyo, eñama segwetaso magya'áseyam. Háwe eyke ekwánxa agkok appekkencháseykekxa appeywa Dios ma'a énxet'ák apkelyaheykekxoho nak ektémakxa segánamakxa, akke nahan ma'a énxet'ák apteme nak melya'áseyam, ekhawo ektémakxa axta mey'áseyam Abraham. Cháxa ektahakxa axta aptaha Abraham egyap negyókxoho xa,

2 CORINTIOS 13:14

Keytek sat cha'a kélnepyeseksa kéxegke m'a ektémakxa nak segméso naksa Wese' egegkok Jesucristo m'a segemleykekxoho nak, tén han ma'a Dios segásekhayo nak, exek sat nahan cha'a kélwáxók Espíritu Santo kélyókxoho kéxegke.

TITO 3:5

Háwe axta eñama sẽlwagkaso teyp eñama nenlané m'a aksok ektakmela nak, axta eyke keñamak ma'a nelmayóseka axta senlányo. Entemésásekxeyk axta eghaxnagcha'ák eñama m'a segyakpasáseyak axta yegmen, nenxakak axta anhan axnagkok ekyennakte egnenyek eñama Espíritu Santo.

ROMANOS 5:6

Xama axta magkegwagko negko'o ólwagkasaxchek teyp, apketsekkek axta Cristo ekyanmaga m'a énxet'ák elmasagcha'a nak apkeltémakxa, cham'a ekwokmo axta ekhem yakwánxa katnehek xa.

ROMANOS 16:20

keñe sat kañehémhok etnesásekxak Dios kónegók agko' Satanás, keñe sat kéxegke kóltemekxak néten, cham'a Dios aptaha nak segméso meyke ektahakxa egwáxok. Wese' egegkok Jesús sat epasmok kéxegke.

SAN JUAN 6:63

Espíritu apteme segméso ekyennakte egnenyek. Mékoho eyke katnehek axakko' enxoho negyókxa. Espíritu m'a seltennasa exchek kéxegke tén han ma'a ekyennakte egnenyek nak.

SAN JUAN 5:21

Apnakxétekháseykmek cha'a ko'o Táta m'a apkeletsapma axta, egkéshok nahan cha'a elyennakte apnenya'ák, hawók nahan aptémakxa nak Apketche apkelmeyáseykegko cha'a elyennakte apnenya'ák ma'a apmokókxa enxoho egkések.

APOCALIPSIS 22:21

Wese' egegkok Jesús sat etnehek apméso naksa kélyókxoho kéxegke m'a ektémakxa nak segemleykekxoho.

SAN LUCAS 15:24

Hakte apketsepmeyk axta s'e hatte nak, apxátekhágwokmek eyke kaxwo'; apxegáneykmek axta anhan, negwetákxeyk eyke kaxwo'.’ Apkeláneygkek axta anhan ektámáxche elpayhekxo apwáxók.

COLOSENSES 2:13

Máxa kélhapák axta kéltemék kéxegke nápakto' Dios nano' axta eñama m'a megkólya'asáxma axta, tén han eñama m'a megkólkahásamáxche axta kélyenyekhamol'a egyempehek; apmések eyke kaxwo' kéxegke Dios ekyennakte kélnenyek xamo' Cristo, cham'a Dios aptaha nak meyakmagkáseykekxa ekyókxoho ektémakxa mólya'asáxma.