EFESIOS 2:17 - Lengua Sur (Enxet) Nuevo Testamento

¹⁷ Apwa'ak axta Cristo yakwayam hensókásegmak amya'a ektakmela eñamakxa nak meyke ektahakxa egwáxok negyókxoho nak, ekhawo nak han kéxegkáxa kélheykencha'a axta makhawók Dios, tén han ma'a énxet'ák apheykha axta keto' Dios.

EFESIOS 2:17 Referans Kwoze

LOS HECHOS 10:36

Apkelpakhetchesek axta Dios Israel aptawan'ák neptámen, apkeltennásek axta amya'a meyke ektahakxa egwáxok eñama nak Jesucristo, aptaha nak Wese' meyke ekhémo negyeseksa negko'o.

LOS HECHOS 2:39

Hakte kéxegke appekkencháseykekxa appeywa Dios xa, tén han ma'a kélketchek, tén han ma'a apyókxoho apheykha nak makhawo'; cham'a apmokókxa enxoho Dios Wese' egegkok ewónmakha énxet.

ROMANOS 5:1

Ẽltemésesegkek negko'o nelpéwomo eñama magya'áseyam, nelásekháxchekxók nahan negko'o Dios, eñama m'a Wese' egegkok Jesucristo.

2 CORINTIOS 5:20

Negko'o nenteme nenxeyenma amya'a eñama nak Cristo, máxa cha'a katnehek ma'a Dios apagko' enxoho apkeltémo kóltehek kéxegke xa, eñama m'a nenxeyenma nak negko'o. Ekeso eñamakxa neltamho nak negko'o kólásekhekxohok Dios yetlo nenxeyenma apwesey Cristo.

SAN LUCAS 2:14

“¡Apcheymákpoho sat kóltemésesek Dios apha nak ma'a néten! ¡Keytek sat meyke ektahakxa egwáxók keso náxop nepyeseksa m'a énxet'ák appasmoma nak cha'a Dios!”

SAN MATEO 10:13

Enxet'ák eyéméxchexa enxoho keytek meyke ektahakxa egwáxok apxanák, katnehek sat ma'a, keñe m'a megkapayhawo nak keytek meyke ektahakxa egwáxok apxanák, megkeytek sat meyke ektahakxa egwáxok ma'a.

ROMANOS 10:14

¿Háxko eyke katnehek ewónmakha apwesey Cristo m'a énxet'ák metnama nak makham melya'áseyam? ¿Háxko eyke nahan katnehek etnehek melya'áseyam ma'a énxet'ák megkóltennáseykencha'a enxoho apwesey Cristo? ¿Háxko katnehek eña' méko enxoho eltennáseykencha'a amya'a eñama Dios?

EFESIOS 4:21

cham'a eyámnaksoho enxoho kéllegaya kéxegke kéltenneykha amya'a ekxeyenma nak Cristo, cham'a eyámnaksoho enxoho anhan eltámeyeykegko kéxegke eñama Cristo m'a ektémakxa nak amya'a ekmámnaksoho.

SAN LUCAS 15:8

“Yetneyk agkok nahan xama kelán'a diez sawo selyakye, xeganakmek agkok xama m'a sawo selyakye nak, megkatnehek megkálewaso chálewaso, káxñeksek nahan kañe' tegma, katakmelcheshok nahan étamso ekwokmoho ekwetákxo.