EFESIOS 2:13 - Lengua Sur (Enxet) Nuevo Testamento

¹³ Kaxwo' eyke kéltemék kéxegke kélyepetcheyo Cristo Jesús eñama m'a apyegkenma axta éma apagkok. Makhawók axta kélheykha kéxegke Dios, kéltemesásekxeyk eyke kaxwo' keto' Dios kéxegke.

EFESIOS 2:13 Referans Kwoze

LOS HECHOS 2:39

Hakte kéxegke appekkencháseykekxa appeywa Dios xa, tén han ma'a kélketchek, tén han ma'a apyókxoho apheykha nak makhawo'; cham'a apmokókxa enxoho Dios Wese' egegkok ewónmakha énxet.

1 CORINTIOS 6:11

Cháxa apkeláneykegko axta nápakha énxet'ák apkeleñama kélnepyeseksa kéxegke xa, wánxa agkok, kéltemésesegkek eyke kaxwo' kéláxñeyo kéxegke, kéltemésesegkek nahan kéxegke Dios apkelpagkanma, kéltemésesegkek nahan kélpéwomo eñama apwesey m'a Jesucristo Wese' egegkok tén han eñama m'a Espíritu apkeñama nak Dios egagkok.

APOCALIPSIS 5:9

Axta anhan apkelmeneykmásak negmeneykmaso axnagkok ektéma nak se'e: “Xép payhawók emok xa weykcha'áhak kélpexteteykekxoho nak, xép nahan payhawók elkok ma'a yampápa kélapma nak, hakte apmatñegkek axta exchep ekyanmaga mólya'asáxma, yegkenamaxchek axta nahan éma apagkok apkelmoma m'a apyókxoho pók aptémakxa énxet'ák nak yakwayam etnésesek Dios énxet'ák apagkok, cham'a mók ektémakxa nak apyempe'ék, tén han ma'a mók ektémakxa nak apkelpakmeyesma.

LOS HECHOS 26:18

Eyáphásek xép nepyeseksa xa énxet'ák nak, yakwayam enxoho elyekpelchásesamhok, tén han kamaskok apkelteyáseyncha'a ekyaktesakxaxma, wánxa aksa elteyésha m'a neyseksa elseyexma nak, yakwayam enxoho anhan kamaskok ekyetna ekmowána Satanás nepyeseksa xa énxet'ák nak, wánxa aksa elyetlakxak ma'a Dios; yakwayam enxoho etnahagkok mehey'áseyam ko'o, keñe anhan elxawagkok ma'a meyakmagkáseykekxa nak Dios apkeltémakxa melya'asáxma, tén han exkak yakwayam epáxakwók ma'a Dios énxet'ák apagkok apkelpagkanamap nak.

EFESIOS 2:12

kaxénwakxoho kélwáxok kélheykencha'a axta kéxegke meyke Cristo nano' axta, axta kólpáxakxók kéxegke énxet'ák Israel, axta nahan kaweykekxohok kéxegke m'a ekhémo mók nelpakhetchásamáxkoho Dios nak, axta nahan kaweykekxohok kéxegke m'a sempekkencháseykekxa axta appeywa Dios. Kélheykha axta kéxegke keso náxop meyke Dios, tén han meyke elhaxneykha kélwáxok.

EFESIOS 1:7

Segásekhayo ekyawe agko' axta keñamak Dios segmasésesa m'a ektémakxa axta nelmomaxche eñama m'a apyegkenma axta éma apagkok Apketche, meyakmagkásekxak nahan nentémakxa nak mólya'asáxma.

GÁLATAS 3:28

Méko kaxwo' negyeykhamaxche egmók, megkeyxek nenteme enxoho judío esenhan griego, megkeyxek nahan nenteme enxoho negmomaxche esenhan ma'a magmomaxche nak, énxet esenhan ma'a kelán'a, hakte kélyókxoho kéxegke kélteme wánxa xama kélteme nak kélyepetcheyo Cristo Jesús.

2 CORINTIOS 5:17

Negko'o ektahakxa enxoho negyepetcheyo Cristo, axnagkok nentémakxa katnehek, massegwokmek ma'a nentémakxa nano' axta, axnagkok nentémakxa eyke kaxwo' yetnak.

1 SAN PEDRO 3:18

Hakte apketsekkek axta anhan Cristo eñama m'a ektémakxa nak negko'o mólya'asáxma, wánxa nahan xama apketsapma, meyke teyp. Tásek axta aptémakxa Cristo, wánxa agkok, aplegágkok axta eyke aptaha segyanmaga negko'o nenteme nak ekmaso nentémakxa, yakwayam enxoho enaklakxak kéxegke m'a aphamakxa nak Dios. Apketsekkek axta ekhawo ektémakxal'a ótsapok nenteme nak énxet, wánxa agkok apxátekhágwokmek axta eyke eñama apteme apkeñamakxa apagko' ma'a néten.

HEBREOS 9:18

Ekeso eñamakxa kélyepetchesa axta ekyegkenamaxche éma elánexko m'a émha amonye nak ekhémo mók nelpakhetchásamáxkoho Dios.

1 CORINTIOS 1:30

Dios axta apyepetcháseykekxa kéxegke Cristo Jesús, aptemésesek axta anhan Cristo yakwayam etnehek segya'asásegwayam, tén han aptemésesama yakwayam etnehek sẽlteméseso nelpéwomo negko'o, keñe nahan antehek nempagkanchásamáxche Dios, tén han sẽlchexakkasama m'a nelsexnánémaxche axta eñama m'a segyanmaga axta.

ROMANOS 8:1

Méko kaxwo' yakwayam kának kóllegásesagkohok ma'a énxet'ák apyepetcheyo nak Cristo,

LOS HECHOS 22:21

Wánxa agkok, aptahak axta seyáneya Wese' egegkok se'e: ‘Exeg sat kaxwo', wáphaksek sat xép ma'a mók apkelókxa eyátépexa nak.’ ”

LOS HECHOS 15:14

Ẽltennáseyha exchek negko'o Simón appehewákxo kaxwo' apkelásekhayo Dios ma'a énxet'ák metnaha nak judíos yakwayam enxoho etnésásekxak apkelánamákpoho énxet'ák apagkok xa énxet'ák nak.

SAN JUAN 10:16

Yetneyk nahan ko'o nekkések megkatnaha nak apkeleñamakxa s'e kañe' apxagkok nak; kéméxchek eyke anaklantak nahan ma'a. Elyahakxohok sat nahan sekpeywa ko'o m'a. Xama apyáktamakxa sat katnekxa, xama sat nahan etnehek ma'a ektaha nak apkeltakmelcheso.

1 CORINTIOS 12:13

Hawók nahan sentémakxa nak negyókxoho xa, ẽlyakpasásegkek axta yegmen yakwayam antemekxak xama negyókxa eñama apmopwána m'a aptaha nak apwánxa xama Espíritu, megkeyxek ma'a nenteme nak judíos tén han ma'a metnaha nak judíos, tén han ma'a nenteme nak negmomaxche esenhan ma'a magmomaxche nak; negyókxoho axta nenxakak yakwayam exek egwáxok xa Espíritu nak, ektémol'a agyenek ma'a negyamol'a.

EFESIOS 1:1

Ko'o Pablo sekteme Jesucristo seykha amya'a apagkok eñama Dios apmopmenyého. Enxet'ák apheykha tegma apwányam Efeso ektáxesásak ko'o s'e weykcha'áhak nak, cham'a apkelánamákpoho nak Dios énxet'ák apagkok, cham'a melya'áseyam nak han Cristo Jesús.

EFESIOS 2:2

hakte kélyetlamchek axta kéxegke ektémakxa nak keso náxop, kélláneyak axta anhan kéxegke m'a ekyespagkamakxa nak kelyekhama' wese', eláneykencha'a nak aksok ekha elmowancha'a ekheykha tekhenxet, cham'a elyáteyagkoho nak énxet'ák aptaha nak melyaheykekxoho Dios.

EFESIOS 2:6

Ennakxátekhásekmek axta negko'o Dios xamo' Cristo, eghésakxeyk axta nahan xamo' Cristo m'a néten.

EFESIOS 2:10

hakte Dios axta aptaha senlané negko'o; enlanak axta negko'o eñama m'a Cristo Jesús yakwayam enxoho anlának ma'a nentamheykha ektakmela nak, ekhawo m'a apkeláneykekxa apagko' axta Dios ma'a nano' axta.