EFESIOS 2:12 - Lengua Sur (Enxet) Nuevo Testamento

¹² kaxénwakxoho kélwáxok kélheykencha'a axta kéxegke meyke Cristo nano' axta, axta kólpáxakxók kéxegke énxet'ák Israel, axta nahan kaweykekxohok kéxegke m'a ekhémo mók nelpakhetchásamáxkoho Dios nak, axta nahan kaweykekxohok kéxegke m'a sempekkencháseykekxa axta appeywa Dios. Kélheykha axta kéxegke keso náxop meyke Dios, tén han meyke elhaxneykha kélwáxok.

EFESIOS 2:12 Referans Kwoze

GÁLATAS 4:8

Kelmomchek axta kéxegke aksok ekha elmowancha'a ekheyásamáxkoho nak dios, cham'a megkólya'áseykegkaxa axta Dios.

COLOSENSES 1:21

Axta kólyepetcheyók kéxegke Dios nano' axta, kenmexeykha axta kélwáxok kéxegke Dios eñama m'a aksok ekmaso kélláneyak axta.

1 SAN PEDRO 1:3

Oltemésesek hana apcheymákpoho Dios, Jesucristo Wese' egegkok Apyap, entemésesek axta negko'o eghaxnancha'ák Dios eñama m'a ekyawe ektakmeleykha nak apwáxok henlano', eñama nahan ma'a apxátekhágwayam axta Jesucristo. Cháxa segmésa nak nelhaxneykha ektaha nak ekmámnaksoho agko' xa,

1 TESALONICENSES 4:13

Ẽlyáxeg, egmenyék negko'o kólya'asagkohok kéxegke ektémakxa m'a énxet'ák apkeletsapma axta, yakwayam enxoho megkallapwomagkek kéxegke ekhawo ektamheykegkaxa nak ma'a énxet'ák melhaxanma nak yakwayam exnamhok xamo' Dios.

EFESIOS 4:18

melya'ásegkok nahan aksok. Megkaweykekxohok nahan axnagkok nentémakxa eñama Dios xa énxet'ák nak, hakte méko nahan apkelya'áseyak eñama m'a elyennakte apwáxók.

1 TESALONICENSES 4:5

háwe m'a negyeykhásamáxkoho nak negmáheyo anlának aksok, tén han ma'a aksok ekmaso negyespagko nak, ekhawo aptamheykegkaxal'a énxet'ák melya'áseyak nak Dios.

SAN JUAN 15:5

“Ko'o sekteme anmen yámet, kéxegke eyke kélteme aktegák xa anmen yámet nak. Enxet ektahakxa enxoho apkelenxáneykmoho apteme sépetcheyo ko'o, xámok katnehek apkelané aksok ektémol'a ekxákma ekyexna anmen yámet, cham'a sektaha enxoho ko'o xa sekyepetcheyo. Megkólwanchek kéxegke kóllának xama aksok méko enxoho ko'o.

HEBREOS 6:18

Nelxawágkek negko'o nelwaskápeykekxoho, negko'o nentaha axta negketamso yakwayam hegmeyók Dios, nentaha nak han magya'áseyam ma'a nelhaxneykha segméso axta Dios, eñama xa ánet aksok megkamowána nak kayakmagkasók ektémakxa, cham'a mehẽlyexancháseykegkohol'a Dios exének.

ROMANOS 9:8

Cháxa segya'asásegwokmo nak negko'o megkañama nenteme Dios apketchek ma'a ektémakxa enxoho nempeywa; akke apteme Dios apketchek ma'a énxet'ák apxeyenma axta Dios etnehek apketchek, cháxa apkelxénamakpo nak cha'a aptaha nakso' Abraham aptawan'ák neptámen xa.

1 SAN PEDRO 3:15

wánxa agkok, kólteme aksa kéláyo m'a Wese' egegkok Cristo apha nak kélwáxok kéxegke. Kólpenchesho cha'a kéltahakxa yakwayam kólátegmowagkok ma'a énxet ektahakxa enxoho apkelmaxneyeykha ektémakxa m'a kélhaxneykha nak kéxegke.

LOS HECHOS 28:20

Cháxa keñamak seláneyeyncha'a nak kéxegke xa, yakwayam enxoho alweta', tén han alpakhetchesaxkoho, hakte cháxa nelhaxanma nak negko'o agweta' nentaha nak énxet'ák Israel xa, ékeso eñamakxa sekwa'a nak ko'o yetlo kélnakteté emék cadenas s'e:

LOS HECHOS 3:25

Kéxegke kélteme kélxaweykekxa xa appekkeneykekxa axta appeywa Dios, apkelxeyenma axta m'a énxet'ák ektaha axta apkellegaso Dios appeywa, kéxegke anhan kélxaweykekxa m'a ekhémo mók nelpakhetchásamáxkoho nak Dios, ektaha axta apkelanéso Dios ma'a ẽlyepmeyk nano'. Hakte aptemegkek axta Dios apkenagkama Abraham se'e: ‘Apkeleñémo sat kóltemésesagkok apyókxoho énxet'ák apheykha nak keso náxop eñama m'a aptawan'ák neptámen nak xép.’

1 SAN JUAN 3:3

Negyókxoho ekyetnakxa enxoho xa nelhaxanma nak, nentemesásamáxkoho egagko' antehek negáxñeyo, ekhawo m'a ektémakxa nak megkeypetchegweykmoho Jesucristo xama aksok ekmanyása.

1 SAN PEDRO 1:21

Cristo nahan keñamak kéltaha megkólya'áseyam kéxegke Dios, cham'a Dios aptaha axta apxátekháseyam Cristo, aptaha axta anhan apméso apcheymákpoho; cháxa keñamak kéltéma nak kéxegke megkólya'áseyam Dios xa, tén han ma'a ektémakxa nak elhaxneykha kélwáxok.

HEBREOS 11:34

apmasések axta anhan ma'a táxa eyálewe ekyawe axta, xegkesek axta etekyók xa énxet'ák nak, apkelyennákxók axta eyke m'a apkelyelkamákpoho axta, apmelyéha'ak axta anhan neyseksa kempakhakma, apkelmallanmeyk axta nepyeseksa apkelenmexma.

1 TIMOTEO 1:1

Ko'o Pablo, sekteme Jesucristo seykha amya'a apagkok, sektaha nak han selapháseykha eñama apkeltémo Dios segwagkasamo nak teyp, tén han apkeltémo m'a Jesucristo Wese' egegkok, aptaha nak han negayókxa negko'o.

2 TESALONICENSES 2:16

Nelmaxnakkek negko'o Wese' egegkok Jesucristo, tén han Dios Egyap, neltamho etnésesek kéxegke ekmayheykegkoho kélwáxok, tén han etnésesek kéxegke ekha kélwaskapma, yakwayam enxoho katnehek ektakmalma m'a ekyókxoho kéltahakxa enxoho kélpeywa, tén han ma'a kéllanakxa enxoho, cham'a Dios aptaha nak segásekhayo eñama m'a ektémakxa nak ektakmeleykha apwáxok, tén han segmésama negko'o ektakmelwayam egwáxok megkatnegwayam enéxa, tén han segmésama negko'o ektakmela nak nelhaxneykha.

COLOSENSES 1:27

Apmenyék axta Dios elyekpelchásesók ma'a ektaha nak énxet'ák apagkok, cham'a ekwánxa nak ekxámokma aksok eltakmela apagkok, cham'a ektemésesama axta cha'a ekpowásamáxkoho énxet'ák metnaha nak judíos. Apheyk kélwáxok kéxegke Cristo, cháxa megkólya'áseykegko axta kéxegke xa, aptaha nak han eñamakxa nelhaxneykha m'a negeymáxkoho peya nak anxawak.

COLOSENSES 1:5

cham'a kélásekhayo ektekkesesama nak kélhaxneykha yakwayam kólxawak ma'a aksok kéltakmelchesesama nak kéxegke m'a néten. Kéllegayak kéxegke kéltenneykha xa nelhaxneykha nak, cham'a kélleg'a axta kéltenneykha amya'a ekmámnaksoho, ektaha nak amya'a ektakmela agko'.

SAN JUAN 10:16

Yetneyk nahan ko'o nekkések megkatnaha nak apkeleñamakxa s'e kañe' apxagkok nak; kéméxchek eyke anaklantak nahan ma'a. Elyahakxohok sat nahan sekpeywa ko'o m'a. Xama apyáktamakxa sat katnekxa, xama sat nahan etnehek ma'a ektaha nak apkeltakmelcheso.

SAN JUAN 4:22

Megkólya'ásegkok kéxegke m'a kélpeykesamo nak; negko'o eyke negya'ásegkok ma'a nelpeykesamo nak, hakte judíos keñamak ma'a nelwagkásamáxche teyp nak.

SAN LUCAS 1:72

tén han apxeyenma elemlekxohok ma'a ẽlyepmeyk nano', tén han apxeyenma megkalwagkámhek ma'a ekhémo mók nelpakhetchásamáxkoho nak Dios, ektaha nak ekpagkanamaxche.

LOS HECHOS 2:39

Hakte kéxegke appekkencháseykekxa appeywa Dios xa, tén han ma'a kélketchek, tén han ma'a apyókxoho apheykha nak makhawo'; cham'a apmokókxa enxoho Dios Wese' egegkok ewónmakha énxet.

EFESIOS 2:19

Ekeso eñamakxa ekmassa nak kéltaha kéxegke pók énxet'ák, massék kélheyncha'a kéxegke megkatnahakxa xapop kélagkok, kaxwo' eyke wákxók kéxegke m'a apkeltémakxa nak Dios énxet'ák apagkok, kéltemék nahan Dios apnámokkok.

HEBREOS 8:6

Apxakak axta eyke aptamheykha Jesús yakwayam etnehek apkemha apmonye appasmo apkelmaxnéseso Dios énxet'ák apagkok, megkaxnawok ma'a ektémakxa axta apkeltamheykha énxet'ák, cham'a Jesús aptaha nak han apyepetcháseykekxa Dios énxet'ák, eñama m'a ekhémo mók nelpakhetchásamáxkoho Dios ektaha nak apkeláneykekxa Jesús megkaxnawo nak ma'a mók axta, ektaha nak ektekkeso m'a ektakmela appekkeneykekxa axta appeywa Dios.