EFESIOS 2:11 - Lengua Sur (Enxet) Nuevo Testamento

¹¹ Kéxegke megkóltaha nak Judíos, apkeltéma nak énxet'ák judíos “meyke kélkahaso”, (cham'a énxet'ák judíos apkelkahásesamol'a apyempehek énxet, apkeltamhomakpekxoho nak apancha'awók “ekha kélkahaso apyempehek”),

EFESIOS 2:11 Referans Kwoze

COLOSENSES 2:11

Kélkaháseyxchék axta kéxegke eñama kélyepetcheyo Cristo, háwe eyke m'a ektémakxal'a hẽlkahaksek kélyenyekhamol'a egyempehek, akke m'a sẽlyenyókaso nak nentémakxa mólya'asáxma. Cháxa sẽlkahaso eñama nak Cristo xa.

COLOSENSES 2:13

Máxa kélhapák axta kéltemék kéxegke nápakto' Dios nano' axta eñama m'a megkólya'asáxma axta, tén han eñama m'a megkólkahásamáxche axta kélyenyekhamol'a egyempehek; apmések eyke kaxwo' kéxegke Dios ekyennakte kélnenyek xamo' Cristo, cham'a Dios aptaha nak meyakmagkáseykekxa ekyókxoho ektémakxa mólya'asáxma.

COLOSENSES 3:11

Massegkek kaxwo' nenteme negyeykhamaxche egmók, megkeyxek nenteme enxoho griego esenhan nenteme enxoho judíos, megkeyxek nahan ma'a ekha enxoho sẽlkahaso kélyenyekhamol'a egyempehek, esenhan ma'a méko enxoho sẽlkahaso, megkeyxek nahan nenteme enxoho neñama mók nekha, megkeyxek nahan nenteme enxoho magya'áseyak aksok, megkeyxek nahan ma'a nenteme nak negmomaxche esenhan ma'a magmomaxche nak; Cristo eyke apwánxa apagko' meyke ekhémo, apheyk nahan kélwáxok Cristo kélyókxoho nak.

COLOSENSES 1:21

Axta kólyepetcheyók kéxegke Dios nano' axta, kenmexeykha axta kélwáxok kéxegke Dios eñama m'a aksok ekmaso kélláneyak axta.

FILIPENSES 3:3

Hakte negko'o nenteme m'a ekmámnaksoho sẽlkahaso kélyenyekhamol'a egyempehek, negko'o nelpeykesamol'a cha'a Dios eñama senteméseso m'a Espíritu apagkok nak. Kelpayheykxek nahan egwáxok negko'o nentaha Cristo Jesús énxet'ák apagkok, mantahak cha'a negko'o negáyo m'a kéltemésesamakxal'a cha'a egyempehek.

EFESIOS 5:8

Axta kólya'áseykegkok kéxegke Dios, máxa axta entemék kélheykencha'a enxoho ekyaktesakxaxma, wánxa agkok kéltemék eyke kaxwo' kélyepetcheyo Wese' egegkok, ékeso eñamakxa kélheyncha'a nak neyseksa elseyexma, kólteme kéxegke m'a apkeltémakxa nak énxet'ák apheykha nak neyseksa elseyexma.

GÁLATAS 6:12

Enxet'ák apkelyáteyeykegkoho nak cha'a kéxegke kóllának ma'a kélkahaso kélyenyekhamol'a egyempehek, hákho aptamhéyak xa apmenyék yepmenyéhok énxet'ák, yakwayam enxoho anhan megkólmenxenmakha eñama apkeltenneykha m'a apketsapma axta Cristo néten aksok ektegyéso.

1 CORINTIOS 12:2

Kélya'ásegkók kéxegke megkóltémakxa axta makham megkólya'áseyam Cristo, kélhayók axta ekmoma kélwáxok kéleykmáseso meyke ekpeywa ektemésesama kélxegányam kéxegke.

1 CORINTIOS 6:11

Cháxa apkeláneykegko axta nápakha énxet'ák apkeleñama kélnepyeseksa kéxegke xa, wánxa agkok, kéltemésesegkek eyke kaxwo' kéláxñeyo kéxegke, kéltemésesegkek nahan kéxegke Dios apkelpagkanma, kéltemésesegkek nahan kélpéwomo eñama apwesey m'a Jesucristo Wese' egegkok tén han eñama m'a Espíritu apkeñama nak Dios egagkok.

GÁLATAS 2:15

Negko'o nenteme énxet'ák judíos eyeynamókxa m'a sekxo' nempaleykmo, háwe negko'o m'a énxet'ák metnaha nak judíos aptaha nak melya'asáxma.

ROMANOS 2:26

Apkelanak agkok énxet meyke kélkahaso m'a eltémókxa nak antehek segánamakxa, máxa sat kóltemésesek ma'a énxet ekhal'a kélkahaso, neyseksa meyke kélkahaso.

ROMANOS 2:27

Enxet apkelyaheykekxoho nak eltémókxa antehek segánamakxa, cham'a megkólyenyekháseso nak apyempehek kólkahaksek, etnehek sat apyekpelchémo m'a énxet apya'áseykegkoho nak ektémakxa segánamakxa tén han ma'a ekha nak kélkahaso kélyenyekhamol'a egyempehek, wánxa agkok melyahakxók eyke m'a eltémókxa nak antehek segánamakxa.

ROMANOS 11:17

Nápakha énxet'ák judíos axta kélyakténak ektémol'a kólyaktének yámet ekweseyl'a olivo, keñe axta kélyepetchesa exchep ma'a kélyakténakxa axta, xép aptaha axta aphawo m'a yámet olivo émhal'a naxma. Cháxa ektahakxa axta apyepetcha'a exchep egkepmenák ma'a ektémakxal'a yámet olivo.

EFESIOS 2:2

hakte kélyetlamchek axta kéxegke ektémakxa nak keso náxop, kélláneyak axta anhan kéxegke m'a ekyespagkamakxa nak kelyekhama' wese', eláneykencha'a nak aksok ekha elmowancha'a ekheykha tekhenxet, cham'a elyáteyagkoho nak énxet'ák aptaha nak melyaheykekxoho Dios.

SAN MATEO 20:7

Aptahak axta apkelátegmowágko s'e. ‘Méko eyke segmésama nentamheykha.’ Keñe axta aptaha apkeláneya s'e: ‘Kólmohok nahan kéxegkáxa kóltemeykha m'a seneykekxexa nak anmen yámet.’