EFESIOS 2:10 - Lengua Sur (Enxet) Nuevo Testamento

¹⁰ hakte Dios axta aptaha senlané negko'o; enlanak axta negko'o eñama m'a Cristo Jesús yakwayam enxoho anlának ma'a nentamheykha ektakmela nak, ekhawo m'a apkeláneykekxa apagko' axta Dios ma'a nano' axta.

EFESIOS 2:10 Referans Kwoze

FILIPENSES 2:13

Hakte Dios aptaha aptekkeseso kéxegke m'a kélmámenyého nak kóllának kéltémakxa ektakmela, aptaha nak han appasmo kéxegke yakwayam kólsawhohok kélteme kélyaheykekxoho m'a ektémakxa nak apmopmenyého.

COLOSENSES 1:10

yakwayam enxoho kólewának kóltehek ma'a eyéméxchexa nak etnahagkok Wese' egegkok énxet'ák apagkok, kóllának cha'a m'a ekleklamókxa nak apwáxok antehek Wese' egegkok, tén han kóltehek ma'a ekyókxoho nentémakxa ektakmela nak, tén han kólyekpelchágwomhok agko' ma'a Dios.

2 CORINTIOS 5:17

Negko'o ektahakxa enxoho negyepetcheyo Cristo, axnagkok nentémakxa katnehek, massegwokmek ma'a nentémakxa nano' axta, axnagkok nentémakxa eyke kaxwo' yetnak.

2 CORINTIOS 9:8

Apwanchek egkések kéxegke Dios ekyókxoho ektémakxa aksok eleñama nak néten yetlo apyeykháseseykmoho, yakwayam enxoho keytek cha'a kéxegke m'a ekyókxoho aksok eyéméxchexa nak, keñe anhan kayeykhágwomhok kéxegke aksok, yakwayam enxoho kólpasmok ma'a ekyókxoho ektémakxa nak nentamheykha ektakmela.

EFESIOS 4:24

kóltemekxa nahan kéxegke axnagkok kéltémakxa ektémol'a antaxnekxak nentaxno aphaxnagkok, cham'a elánamáxche nak eñama Dios apmopmenyého, cham'a ekwetamaxkohol'a anhan nentaha nentémakxa ekpéwomo, tén han nentémakxa eyáxñeyo eñama m'a amya'a ekmámnaksoho eñama nak Dios.

FILIPENSES 1:6

Nakso' ektemesásak ko'o peya esawhohok aptamheykha Dios, cham'a apchénawo axta apkelana aptamheykha ektakmela kélnepyeseksa kéxegke, ekwokmoho m'a ekhem apkexyekmo sat makham Jesucristo.

2 TIMOTEO 3:17

yakwayam enxoho yepwának elának ekyókxoho nentémakxa ektakmela m'a ektaha nak Dios énxet apagkok, tén han epenaksohok agko' ma'a apkeláneykekxa nak aptahakxa.

EFESIOS 4:1

Ekmések ko'o sekpeywa kéxegke keso sekha nak kaxwo' sẽlpextétamakxa seltamho kóltehek kéxegke m'a eyéméxchexa nak antehek negko'o ektaha axta sẽlwoneykha Dios, ekhawo m'a ektahakxa axta apkelwónencha'a Dios kéxegke.

2 TIMOTEO 2:21

Kéméxchek negko'o antehek eyáxñeyo nentémakxa, manlanyek ma'a ekyókxoho nentémakxa ekmaso nak, yakwayam enxoho hegmések ektakmela nentamheykha Wese' egegkok, tén han hentemésesek nempagkanamaxche, tén han etnehek segásenneykekxa. Nentemék agkok xa, Dios sat hegasenneykxak yakwayam anlának ekyókxoho ektémakxa nentamheykha ektakmela nak.

TITO 2:14

Apmeyásamakpók axta apagko' yakwayam emátog, negko'o eñamakxa, yakwayam enxoho hẽlwagkasek teyp neyseksa ekyókxoho nentémakxa ekmaso nak, tén han hentemésesek ektakmela nentémakxa, yakwayam enxoho nahan antehek énxet'ák apagkok, tén han agámenyéhok anlának ma'a aksok eltakmela nak.

EFESIOS 1:4

Dios axta sẽlyeseykha negko'o eñama Cristo, eyeynamókxa m'a sekxo' axta ekmáheyo kalanaxchek keso náxop, yakwayam enxoho antehek nempagkanchásamáxche Dios, tén han antehek meyke nensexnánémaxche nápakto' Dios. Segásekhayo axta keñamak Dios

1 TIMOTEO 6:18

Yána sat etnehek ektakmela apkeltémakxa xa énxet'ák nak, yána sat nahan kayeykhágwomhok apkeláneyak ma'a apkeltamheykha ektakmela nak, tén han etnehek memyagweykekxa egkések aksok pók, cham'a ekyetnakxa enxoho aksok apagkok.

TITO 3:14

Yána sat nahan kaltámeyagkok apkeláneyak nentamheykha ektakmela m'a énxet'ák nentémo xamo' nak magya'áseyam, yakwayam enxoho kaltámeyagkok appasmo m'a énxet ekyetnakxa enxoho eyéméxchexa aksok, yakwayam enxoho kapasmok énxet ma'a apkeltémakxa nak.

HEBREOS 10:24

Antegyaha hana ektémakxa yakwánxa antehek ólpasmaxkohok negko'o, yakwayam enxoho kayágwomhok ekyetna negko'o nelásekhamaxkoho, tén han kayágwomhok nenlané m'a aksok eltakmela nak.

TITO 3:8

Ekmámnaksoho agko' xa, emenyék ko'o elenxanmohok apxeyenma exchep xa, yakwayam enxoho elanagkok apkeltamheykha ektakmela m'a énxet'ák apteme nak melya'áseyam Dios. Cháxa ektaha nak nentamheykha ektakmela xa, awanchek nahan hempasmok negyókxoho nak.

COLOSENSES 3:10

kéltemék kéxegke axnagkok kéltémakxa nentémol'a antaxnekxak nentaxno aphaxnagkok: cham'a axnagkok nentémakxa nak, aptemesásegko nak cha'a axnagkok Dios, yakwayam kaxnágwakxohok ma'a aptémakxa nak, ektaha axta anhan apkelané, yakwayam enxoho agya'ásegwomhok ektakmela agko' ma'a aptémakxa nak Dios.

TITO 2:7

etne exchep xa ektakmela aptémakxa, cham'a ekyókxoho aksok apkelanakxa enxoho, yakwayam enxoho elyetlakxak aptémakxa exchep xa wokma'ák nak. Apkelxekmósek agkok xép wokma'ák, etakmelchesho cha'a apkelxekmóso, ná etne aksa aptemesáseykha aksa apkelxekmóso,

1 CORINTIOS 3:9

Negko'o nenteme nelpasmomáxkoho nenláneya nentamheykha eñama nak Dios, kéxegke eyke kélteme kélhawo m'a namyep aptamhágkaxa nak Dios, kélhawók nahan kéxegke m'a tegma apkelana nak Dios.

1 SAN PEDRO 2:12

Kóltakmelchesaxkoho kéxegke nepyeseksa m'a énxet'ák melya'áseyak nak Dios; keñe sat étak ektakmela kéltahakxa kéxegke xa énxet'ák nak, eltemésesek sat nahan apcheymákpoho Dios, cham'a ekwokmo sat ekhem yakwánxa yának Dios óltennaksek negyókxoho ektémakxa aksok nenlané, sagkek eykhe makham apkelxeyenma kéxegke xa énxet'ák nak, máxa elmasagcha'a kéltémakxa aptemesásak.

TITO 3:1

Eltennés énxet'ák yakwayam enxoho etnehek apkelyaheykekxoho m'a kelwese'e apkeláneykha nak yókxexma, yána sat cha'a elyahakxohok kéltemésesakxa enxoho, yána nahan etnahagkok cha'a apmayheykegkoho elanagkok ma'a nentamheykha ektakmela nak.

1 SAN JUAN 2:6

Apxénchek agkok enxama aptaha apyepetcheyo Dios, kéméxchek etnehek ma'a aptémakxa axta Jesucristo.

SAN MATEO 5:16

Kóllenxánem nahan kéxegkáxa kalsásamhoxma nápakta'awo' énxet'ák ma'a elseyexma kélagkok nak, yakwayam enxoho elpeykeshok Dios Egyap apha néten apyókxoho énxet'ák, cham'a ekwetáxko enxoho kéltémakxa ektakmela kéxegke.

SAN JUAN 3:21

Keñe m'a énxet'ák ektaha nak apkelyetlo amya'a ekmámnaksoho ey'ókxak cha'a xa elseyexma nak, yakwayam enxoho kataxchek ekhawo Dios apmopmenyého m'a ekyókxoho aksok apkeláneyak nak.

ROMANOS 8:29

Apkelpagkanchek axta Dios ma'a énxet'ák ektaha axta apkelyekpelchémo nano' axta, yakwayam enxoho exnágwakxohok ma'a Apketche, yakwayam enxoho etnehek apwányam nepyeseksa apkelyáxeg ma'a Apketche.

LOS HECHOS 9:31

Méko axta eyke ektahakxa apwáxók apchakneykekxexa énxet ekyókxoho yókxexma Judea, tén han ma'a Galilea, tén han ma'a Samaria. Yáwegkek axta apkelya'ásegwayam eñama nak Dios. Apcháyo axta anhan aptamheykegkok Wese' egegkok Jesús. Espíritu appasmo axta keñamak apxámagko énxet apteme melya'áseyam Jesús.

2 CORINTIOS 5:5

Dios axta senláneseykekxa negko'o xa, hakte Dios axta anhan segméso negko'o Espíritu Santo, yakwayam katnehek ekmámnaksoho peya anxawak negko'o m'a aksok peya nak hegmések Dios.

1 TIMOTEO 5:25

Hawók nahan ektémakxa m'a nenlané nak nentamheykha ektakmela, tásek katnehek ekwetamaxche. Keñe m'a aksok ektakmela nenlané megkótemaxche nak, yawanchek sat cha'a kakpósaxkohok.

1 TIMOTEO 2:10

tásek katnahagkok ektakmela ektémakxa kelán'ák, ekhawo m'a eyéméxchexa nak katnehek kelán'ák ektaha nak ekpagkanchásamáxche Dios.

1 TIMOTEO 5:10

Kéméxchek nahan kólya'asagkohok ektakmela axta ektémakxa, tén han ma'a ektakmela enxoho éktegkeso étchek, tén han ma'a ekteme enxoho elápeykha ektaha apkelwayam axagkok, tén han ma'a elyenyesesamo enxoho apmagkok énxet'ák apteme nak melya'áseyam, tén han ma'a ekpasmoma enxoho m'a énxet'ák apkellegeykegkoho nak, tén han elenxáneykmoho enxoho elané m'a ekyókxoho ektémakxa nak nentamheykha ektakmela.

1 SAN JUAN 1:7

Negheyk agkok negko'o neyseksa elseyexma, ekhawo m'a ektémakxa nak Dios apha neyseksa elseyexma, antehek nahan negko'o móxpánchásamáxche, hegmasésesek nahan ekyókxoho nentémakxa mólya'asáxma m'a Jesucristo éma apagkok, aptaha nak Dios Apketche.

LOS HECHOS 9:36

Heyk axta nahan xama kelán'a ekteme axta megkay'áseyam Wese' egegkok ma'a tegma apwányam Jope ekwesey axta Tabitá apkeltéma axta griego appeywa Dorcas. Tásek axta ektémakxa xa kelán'a nak, pasmomchek axta cha'a énxet ekha nak eyéméxchexa aksok.

GÁLATAS 6:15

Méko katnehek ekyetna enxoho sẽlkahaso kélyenyekhamol'a egyempehek, esenhan ma'a méko enxoho; akke ektakmela agko' ma'a sentemesáseykekxa nak eghaxnagcha'ák Dios.

ROMANOS 8:1

Méko kaxwo' yakwayam kának kóllegásesagkohok ma'a énxet'ák apyepetcheyo nak Cristo,

EFESIOS 2:2

hakte kélyetlamchek axta kéxegke ektémakxa nak keso náxop, kélláneyak axta anhan kéxegke m'a ekyespagkamakxa nak kelyekhama' wese', eláneykencha'a nak aksok ekha elmowancha'a ekheykha tekhenxet, cham'a elyáteyagkoho nak énxet'ák aptaha nak melyaheykekxoho Dios.

EFESIOS 1:1

Ko'o Pablo sekteme Jesucristo seykha amya'a apagkok eñama Dios apmopmenyého. Enxet'ák apheykha tegma apwányam Efeso ektáxesásak ko'o s'e weykcha'áhak nak, cham'a apkelánamákpoho nak Dios énxet'ák apagkok, cham'a melya'áseyam nak han Cristo Jesús.

EFESIOS 2:6

Ennakxátekhásekmek axta negko'o Dios xamo' Cristo, eghésakxeyk axta nahan xamo' Cristo m'a néten.

EFESIOS 2:13

Kaxwo' eyke kéltemék kéxegke kélyepetcheyo Cristo Jesús eñama m'a apyegkenma axta éma apagkok. Makhawók axta kélheykha kéxegke Dios, kéltemesásekxeyk eyke kaxwo' keto' Dios kéxegke.

EFESIOS 2:15

Cristo apmasésakmo m'a ektémakxa axta segánamakxa eñama judíos, ekha axta eltémókxa antehek, tén han ma'a kéltémókxa nak antehek. Aptemesásekxeyk axta Cristo apyepetcheyo pók énxet'ák judíos, tén han ma'a énxet'ák metnaha nak judíos, aptemesásekxeyk axta wánxa xama énxet'ák aphaxnancha'ák eñama apyepetcheyo Cristo. Cháxa aptahakxa axta Cristo apmasésa ektémakxa axta nelenmexamaxche xa.