EFESIOS 1:8 - Lengua Sur (Enxet) Nuevo Testamento

⁸ Enxekmósek axta negko'o ekwánxa segásekhayo Dios, egmések axta ekxámokxoho ektémakxa negya'ásegwayam tén han negyekpelchágwayam.

EFESIOS 1:8 Referans Kwoze

APOCALIPSIS 5:12

Axta aptahak apkelyennaktésawo apkelpeywa s'e: “¡Payhawók exkak apmopwána Nekkések Apketkok apmatñama axta, payhawók nahan exkak ekxámokma aksok apagkok, payhawók nahan exkak apya'áseykegkoho, payhawók nahan exkak apyennakte, payhawók nahan kóltehek kéláyo, payhawók nahan kóltemésesek apcheymákpoho payhawók nahan kólpeykesho'!”

COLOSENSES 2:3

Cristo apteme ekyetnamakxa m'a ekyókxoho ektémakxa nak negya'ásegwayam tén han ma'a negyekpelchágwayam nak.

EFESIOS 3:10

Temegkek axta xa yakwayam enxoho elya'ásegwók ekyókxoho ektémakxa apya'áseykegkoho Dios ma'a, Dios apkelásenneykha ekha nak apkelmopwancha'a, tén han ma'a ekha nak kélyaheykekxoho m'a néten eñama apxekmóso m'a Dios énxet'ák apagkok nak.

ROMANOS 5:15

Magwanchek eyke aghéshok aptémakxa ekmaso Adán ma'a aksok segméso naksa axta negko'o Dios. Xama énxet aksok ekmaso apkelané axta keñamak apxámokma cha'a apkeletsapma énxet; wánxa agkok, méko eyke kaxhok ma'a aksok segméso naksa axta Dios meyke ekyanmaga eñama m'a xama énxet apwesey nak Jesucristo, cham'a ekpasmoma nak han apxámokxoho énxet.

EFESIOS 1:11

Ẽlyéseykha axta negko'o Dios sekxo' agko', yakwayam enxoho anxawak aksok sẽlpagkancheso yakwayam hẽlmések, eñama nenteme negyepetcheyo m'a Cristo, ekhawo m'a ektémakxa nak apmopmenyého apagko' elának Dios, aptaha nak cha'a apkelané ekyókxoho aksok ektakmelakxa enxoho apkelano.

1 CORINTIOS 2:7

Akke nenxénak negko'o m'a negya'ásegwayam ekpowásamáxkoho eñama nak Dios, cháxa appósamo axta Dios apkepmenyého elának xa, eyeynamókxa m'a amonye apkelané axta keso náxop, yakwayam enxoho hegwatámhok negko'o m'a ektémakxa nak apcheymákpoho.

ROMANOS 11:33

¡Xámok agko' aksok eltakmela eleñama nak Dios, magwanchek agya'asagkohok ekwánxa, tén han ma'a ektémakxa nak apya'áseykegkoho, cham'a ektémakxa nak han ekha apyekpelchémo, méko kawának kaxének ektémakxa enxoho aksok apmáheyo elának, méko nahan keykpelkohok apmáheyókxa nak etnehek!

SAN MATEO 11:19

keñe nahan apwa'a m'a aptaha nak Apketche énxet aptómo nak apto, apyamo nak han vino, apxénákpek nahan aptaha megyéso etwok apto, tén han megyéso ének vino, tén han apxénákpo aptaha apkelásekhayókxa m'a énxet elmasagcha'a nak apkeltémakxa, tén han ma'a énxet'ák apkelma nak selyakye yakwayam egkések wese' Roma. Wánxa agkok, Dios apya'ásegwayam axta eyke keñamak ekwetamaxko ektéma ekyókxoho xa.”

EFESIOS 1:7

Segásekhayo ekyawe agko' axta keñamak Dios segmasésesa m'a ektémakxa axta nelmomaxche eñama m'a apyegkenma axta éma apagkok Apketche, meyakmagkásekxak nahan nentémakxa nak mólya'asáxma.

EFESIOS 1:9

Egya'asásegwokmek axta anhan ma'a ektémakxa nak apmopmenyého elána' ektaha nak ekpowásamáxkoho, cham'a apkeláneykekxa apagko' axta apmáheyo elána'.