EFESIOS 1:5 - Lengua Sur (Enxet) Nuevo Testamento

⁵ sempagkanma negko'o yakwayam hentehek apketchek eñama m'a Jesucristo, ekhawo m'a ektémakxa axta apmopmenyého elána'.

EFESIOS 1:5 Referans Kwoze

EFESIOS 1:11

Ẽlyéseykha axta negko'o Dios sekxo' agko', yakwayam enxoho anxawak aksok sẽlpagkancheso yakwayam hẽlmések, eñama nenteme negyepetcheyo m'a Cristo, ekhawo m'a ektémakxa nak apmopmenyého apagko' elának Dios, aptaha nak cha'a apkelané ekyókxoho aksok ektakmelakxa enxoho apkelano.

1 SAN JUAN 3:1

Kóllano hana, awanhek segásekhayo Dios Egyap, ékeso eñamakxa neltamhomaxko nak negko'o Dios apketchek, nentemegkek nahan negko'o Dios apketchek. Ekeso eñamakxa mehẽlyekpelchama nak han negko'o énxet'ák ektaha nak apkeleñamakxa apagko' keso náxop, hakte melyekpelchék ma'a Dios Egyap.

SAN JUAN 1:12

Keñe m'a énxet'ák ektaha axta apchápeykha, ektaha axta anhan apteme mey'áseyam, apxénchek axta ekpayhawo etnahagkok Dios apketchek,

ROMANOS 8:23

Háwe ekwánxa agkok ellegágkoho m'a, nellegágkok eyke nahan negko'o xa, nenxawáyak eykhe m'a Espíritu aptaha nak apmonye nenxawé, amonye nenxawé m'a aksok peya nak anxawa'. Awanhek negko'o nenlegeykegkoho neyseksa nelhaxanma kawók ekhem yakwánxa hẽltemésesek Dios apketchek, cham'a yakwánxa sat hẽlyenyókasek ma'a ektémakxa nak negyókxa.

GÁLATAS 3:26

hakte megkólya'áseyam Cristo Jesús keñamak kéltaha kélyókxoho kéxegke Dios apketchek,

2 CORINTIOS 6:18

ko'o sat nahan atnehek Kélyap kéxegke, keñe sat kéxegke atnehek étchek, aptahak appeywa m'a Wese' egegkok ekha nak apyennakte.”

APOCALIPSIS 21:7

Enxet ektahakxa enxoho apmalanma, exkekxak sat ekyókxoho xa aksok kélpagkancheso nak, Dios apagkok sat ko'o hetnehek xa énxet nak, keñe sat ko'o atnehek hatte xa énxet nak.

EFESIOS 1:9

Egya'asásegwokmek axta anhan ma'a ektémakxa nak apmopmenyého elána' ektaha nak ekpowásamáxkoho, cham'a apkeláneykekxa apagko' axta apmáheyo elána'.

SAN JUAN 11:52

háwe axta apwánxa apagkok énxet'ák judíos apmáheyo etnehek apyanmaga Jesús, axta eyke nahan peyk yanchásekxak ma'a apyókxoho Dios apketchek ektaha nak apkexpakneykha keso náxop.

2 TESALONICENSES 1:11

Cháxa keñamak nelmaxnésesa nak cha'a kéxegke xa, nelmaxnakkek cha'a Dios neltamho kaxének apwáxok ekpayhawo m'a apkelwóneykencha'a axta kéxegke, neltamhok nahan elának Dios eñama apmopwána m'a ekyókxoho aksok eltakmela kélmámenyého nak kóllának kéxegke, tén han elának ma'a ektémakxa nak kéllané kéxegke kéltamheykha eñama m'a megkólya'áseyam nak.

SAN LUCAS 10:21

Yetlókók axta ekpayheykekxa agko' apwáxok Jesús eñama apméso m'a Espíritu Santo. Aptahak axta s'e: “Ektemésesek ko'o exchep apcheymákpoho Táta aptaha nak Wese' néten tén han Wese' keso náxop, hakte apxekmósek xép aksok ma'a énxet'ák ekmasextoho nak makham apkelya'áseyak, cham'a aksok mexekmósama axta exchep ma'a énxet'ák ekha nak apkelmopwána, tén han ma'a ekha nak apkelya'áseyak. Nakso' Táta, cháxa apkepmenyého axta katnehek xép xa.

1 CORINTIOS 1:21

Dios, aptaha nak ekha apya'áseykegkoho, apkeltamhok axta mékpelchehek Dios énxet'ák apheykha keso náxop eñama m'a apkelya'áseykegkoho apancha'awo nak; xénchek axta eyke apwáxok elwagkasek teyp ma'a énxet'ák apteme nak apcháyo eñama m'a appeywa nak, neyseksók eykhe eyánemaxche amya'a ekyéháxma xa amya'a nak.

SAN JUAN 20:17

Aptahak axta apcháneya Jesús se'e: —Náhepaknegwoho, hakte mamyákxak ko'o makham ma'a aphakxa nak Táta. Katakhoho, kaltennásekxa sat elyáxeg peya amyekxak ko'o kaxwo' ma'a aphakxa nak Táta, aptaha nak kélyap kéxegke, aptaha nak han Dios ahagkok tén han Dios kélagkok kéxegke.

SAN MATEO 11:26

Táta, nakso', cháxa ektahakxa axta apmopmenyého exchep xa.

SAN LUCAS 11:32

Yaknaha sat nahan ma'a énxet'ák apheykencha'a axta tegma apwányam Nínive ekhem nelyekpelchamáxchexa sat, cham'a kéltaha sat kélyekpelchémo énxet'ák apheyncha'a nak keso negwánxa nak, elsexnenak sat nahan énxet'ák; hakte apkelyakmagkasegkek axta apwáxók énxet'ák apheykha axta tegma apwányam Nínive, cham'a apkellegaya axta apkeltenneykha Jonás, akke exnawok Jonás aksok ekyetna nak se'e.

FILIPENSES 2:13

Hakte Dios aptaha aptekkeseso kéxegke m'a kélmámenyého nak kóllának kéltémakxa ektakmela, aptaha nak han appasmo kéxegke yakwayam kólsawhohok kélteme kélyaheykekxoho m'a ektémakxa nak apmopmenyého.

1 CORINTIOS 1:1

Ko'o Pablo, elwóneyha axta ko'o yakwayam atnehek Jesucristo seykha amya'a apagkok eñama Dios apmopmenyého.

SAN MATEO 1:25

Axta eyke epatheteykegkok sekxo' José m'a María, ekwokmoho ektegkesa étche apkenna', cham'a aptemésesama axta José apwesey Jesús.

SAN LUCAS 12:32

“Nágkólé' aksa kéxegke kéltaha nak seknaktóso nekkések; kélkántawók eykhe kéxegke, wánxa agkok, apmokók eyke egkések kéxegke aptémakxa nak Wese' apwányam ma'a Dios, aptaha nak Kélyap, eñama m'a apkelásekhayo nak.

LOS HECHOS 13:48

Xama axta apkelleg'a énxet'ák metnaha judíos xa, kelpayhekxeyk axta apwáxók, apkelxénchek axta amya'a eñama nak Dios ektaha ektakmela; axta elya'ásekmok ma'a apyókxoho kélpagkancheso axta yakwayam elxawagkok ekyennakte apnenya'ák.

COLOSENSES 1:19

Hakte leyawók axta apwáxok Dios keytek Cristo m'a ekyókxoho aptémakxa nak Dios.

HEBREOS 2:4

Dios axta anhan senxekmóso negko'o ektaha ekmámnaksoho xa, yetlo apkelané m'a aksok magkenatcheso nak agweta', tén han yetlo apkelané m'a aksok eltakmela nak, tén han yetlo apkelané m'a ekyókxoho ektémakxa nak aksok sempelakkaso nak agweta', tén han eñama m'a Espíritu Santo, aptaha nak segméso cha'a megkaxnémo mók negmowána, ekhawo m'a ektémakxa axta apmopmenyého elának Dios.