EFESIOS 1:22 - Lengua Sur (Enxet) Nuevo Testamento

²² Apnegkenchek axta Dios ekyókxoho aksok kóneg apmagkok Cristo, Apmések axta Dios Cristo m'a ektaha nak énxet'ák apagkok, yakwayam enxoho etnehek apkemha apmonye neyseksa ekyókxoho aksok.

EFESIOS 1:22 Referans Kwoze

COLOSENSES 1:18

Cristo nahan apteme apkemha apmonye nepyeseksa Dios énxet'ák apagkok, ektaha nak han apyókxa. Aphegkek axta Cristo sekxo' agko', apmonye axta anhan apxátekhágwayam nepyeseksa énxet'ák apkeletsapma nak, yakwayam enxoho etnehek Cristo apkemha apmonye neyseksa m'a ekyókxoho aksok nak.

COLOSENSES 2:10

Sawhomáxkók kéxegke kélxawáya m'a aksok eleñama nak Dios eñama kélyepetcheyo m'a Cristo, aptaha nak apkemha apmonye neyseksa ekyókxoho aksok ekha nak elmowancha'a, tén han ma'a ekha nak kélyaheykekxoho.

HEBREOS 2:8

Ekyókxoho aksok axta apnegkenchásak kóneg apmagkok.” Xama axta apnegkenchesa ekyókxoho aksok kóneg apmagkok, axta yeykmok xama aksok apnegkenchesa kóneg apmagkok. Wánxa agkok, akke agwet'ak makham negko'o énxet etnehek apkeláneykha ekyókxoho aksok.

COLOSENSES 2:19

Melyepetcheyók Cristo xa énxet'ák nak, cham'a Cristo aptaha nak apkemha apmonye, aptaha nak han cha'a apwánegkeso apyókxa, cham'a apchágko enxoho ekto, cham'a apyepetchásekxo enxoho cha'a mók, ekhawo m'a ektémakxa nak apmopmenyého Dios.

EFESIOS 5:23

Hakte énxet ekha nak aptáwa, apteme apkemha apmonye agkok ma'a aptáwa, ekhawo ektémakxa nak Cristo apteme apkemha apmonye nepyeseksa Dios énxet'ák apagkok. Cristo nahan apteme apkelwagkaso teyp ma'a ektaha nak Dios énxet'ák apagkok, hakte cháxa Cristo apyókxa xa.

1 CORINTIOS 11:3

Wánxa agkok, eltamhok eyke ko'o kólya'asagkohok kéxegke Cristo apteme apkemha apmonye apagkok énxet, keñe m'a énxet ekha nak aptáwa apteme apkemha apmonye agkok ma'a aptáwa, ekhawo ektémakxa nak han ma'a Cristo apteme apkemha apmonye apagkok ma'a Dios.

LOS HECHOS 20:28

Kólleyxmakha kéxegke, kóltakmelches ma'a ekyókxoho apchakneykekxexa nak, cham'a aptemésesamakxa nak kéxegke Espíritu Santo kélláneykegkaxa, yakwayam enxoho kóltakmelchesek Dios énxet'ák apagkok, aptaha axta anhan apkelma eñama m'a apyenkenma axta éma apagkok.

EFESIOS 3:21

¡Apcheymákpoho sat kóltemésesek Dios nepyeseksa m'a ektaha nak Dios énxet'ák apagkok eñama m'a Cristo Jesús, megkatnegwayam enéxa! Katnahagkok sat.

1 TIMOTEO 3:15

yakwayam enxoho ey'asagkohok xép ma'a nentémakxal'a nepyeseksa Dios énxet'ák apagkok, ektaha nak Dios megyetsapma énxet'ák apagkok, cham'a énxet'ák appasmoma nak apmasma m'a amya'a ekmámnaksoho nak, cham'a sekyeykhasa enxoho yakwánxa awatak xa.

SAN MATEO 16:18

Keñe ko'o sekxéna exchep aptaha Pedro, neltéma nak meteymog. Axamásekxak sat ko'o énxet'ák ahagkok ekyetnakxa xa meteymog nak; yawanchek sat nahan kamasesók nétsapma xa.

COLOSENSES 1:8

Ensántegkesek axta anhan negko'o amya'a Epafras ekyetna kélásekhayo kéxegke, cham'a kélásekhayo aptekkeseso nak kélwáxok Espíritu.