EFESIOS 1:17 - Lengua Sur (Enxet) Nuevo Testamento

¹⁷ Elmaxnakkek ko'o Dios Jesucristo Wese' egegkok Apyap, ekha nak apcheymákpoho, seltamho egkések kéxegke Espíritu yakwayam elya'ásesagkohok kéxegke m'a aksok senxekmósamo nak Dios, yakwayam enxoho kólyekpelchágwomhok ektakmela agko' kéxegke m'a aptémakxa nak Dios.

EFESIOS 1:17 Referans Kwoze

2 SAN PEDRO 1:3

Egmések axta negko'o Dios ekxámokxoho aksok eyéméxchexa nak negko'o yakwayam enxoho antehek negyetlo Cristo tén han antehek nempagkanchásamáxche Dios eñama m'a apmopwána nak, cham'a segyekpelchásesakmo axta Dios ma'a Jesucristo, cham'a Jesucristo aptaha axta segwóneykha negko'o eñama m'a ektémakxa nak apcheymákpoho, tén han eñama m'a ektémakxa nak ektakmela aptamheykha.

2 SAN PEDRO 3:18

Wánxa agkok, emenyék ko'o kólya'ásegwomhok ektakmela agko' ma'a Wese' egegkok Jesucristo segwagkasamo nak teyp, tén han seyámenyého kólyánchesagkohok kélma kéxegke m'a segásekhayo eñama nak Wese' egegkok. ¡Apcheymákpoho sat cha'a kóltemésesek Wese' egegkok keso kaxwo' nak, tén han megkatnegwayam enéxa! Katnahagkok sat.

EFESIOS 1:3

Oltemésesek sat apcheymákpoho Dios, Jesucristo Wese' egegkok Apyap, hakte egmések axta negko'o Dios ekyókxoho ektémakxa aksok eltakmela m'a néten, neyseksók nenteme negyepetcheyo Cristo.

SAN JUAN 17:3

Enxet'ák ektahakxa enxoho apya'áseykegkoho exchep aptaha wánxa xama Dios, tén han apya'ásegkoho enxoho m'a Jesucristo aptaha axta apcháphaso exchep, keytek sat ekyennakte apnenya'ák megkatnegwayam enéxa.

SAN MATEO 11:27

“Egkések axta ko'o Táta ekyókxoho aksok. Méko keykpelkohok Dios Apketche, wánxa m'a Apyap; méko nahan keykpelkohok ma'a Apyap, wánxa ékpelkohok ma'a Apketche, tén han elyekpelkohok ma'a énxet'ák apkepmenyexa enxoho Apketche ékpelchásesamhok aptémakxa Apyap.

1 CORINTIOS 2:10

Cháxa segya'asásegwokmo axta Dios eñama Espíritu Santo xa, hakte Espíritu Santo apteme apsawhomo apkelanyo xa ekyókxoho nak, ekweykmoho m'a ektémakxa nak elchetamso apwáxok Dios ektaha nak ekpowásamáxkoho.

EFESIOS 3:5

Axta kólhayok elyekpelkohok énxet'ák xa amya'a ekpowásamáxkoho nak, cham'a nano' axta, wánxa agkok, apxekmósek eyke kaxwo' Dios ma'a seykha amya'a apkelpagkanamap nak, tén han ma'a énxet'ák ektaha nak apkellegaso appeywa eñama m'a Espíritu apagkok nak.

SAN JUAN 20:17

Aptahak axta apcháneya Jesús se'e: —Náhepaknegwoho, hakte mamyákxak ko'o makham ma'a aphakxa nak Táta. Katakhoho, kaltennásekxa sat elyáxeg peya amyekxak ko'o kaxwo' ma'a aphakxa nak Táta, aptaha nak kélyap kéxegke, aptaha nak han Dios ahagkok tén han Dios kélagkok kéxegke.

LOS HECHOS 6:10

Wánxa agkok, mopwancha'ak axta eyke apkelátegmowágko, hakte apkeltennáha axta Esteban yetlo apya'áseykegkoho eñama apméso m'a Espíritu Santo.

SAN MATEO 6:13

Nágyoho aksa hegáhapwak negko'o segyekkónma, wánxa agkok, hegeys negko'o m'a kelyekhama'.’

SAN JUAN 14:26

Espíritu Santo sat eyke elxekmósek kéxegke ekyókxoho aksok, elya'asásegwakxohok sat nahan ma'a ekyókxoho sektémakxa nak selanagkama kéxegke, cham'a Espíritu aptaha nak Apmasma kéxegke, peya nak yáphásesek kéxegke Táta eñama ko'o sekwesey.

2 CORINTIOS 12:1

Yawanchek hempasmok ma'a eyeymáxkoho nak nempeywa anxénaxchekxohok egagko'. Axének sat eyke ko'o aksok sekwetayo nak tén han ma'a aksok selxekmósamo nak eñama Wese' egegkok.

SAN LUCAS 21:15

hakte ko'o sat agkések kéxegke kélpeywa yetlo kélya'áseykegkoho, mopwanchek sat yátegmowagkok kéltahakxa kélpeywa m'a kélenmexma, mopwanchek sat exének ektaha megkamámnaksoho kélpeywa.

1 CORINTIOS 12:8

Espíritu nahan keñamak apxawáya cha'a enxama yakwayam epakmétek yetlo apya'áseykegkoho; keñe nahan pók énxet'ák apkelxawáya yakwayam elpakmétek cha'a yetlo ekyawe apkelya'áseyak.

1 CORINTIOS 2:8

Cháxa melya'áseykegko axta kelwese'e náxop xa, kaxtemek axta apkelya'áseyak, megkólyepetchesek axta aksok ektegyéso Wese' egegkok ekha nak apcheymákpoho.

ROMANOS 15:6

yakwayam enxoho kaxhok mók nenteméseso apcheymákpoho Dios negyókxoho nak, cham'a Jesucristo Wese' egegkok Apyap.

SAN JUAN 16:3

Elanagkok sat énxet'ák xa, hakte mehẽlya'ásegkok negko'o, melya'ásegkok nahan ma'a Táta, mehey'ásegkok nahan ko'o xa.

SAN MATEO 16:17

Aptahak axta Jesús apcháneya s'e: —Apkeleñémo exchep Simón, Jonás apketche, hakte megkañamak nepyeseksa énxet'ák xa apya'áseyak nak, wánxa apya'asáseykegkoho m'a Táta, apha nak néten.

SAN MATEO 11:25

Keñe axta aptaha anhan appeywa Jesús se'e: “Eltemésesek ko'o apcheymákpoho exchep Táta aptaha nak Wese' néten, tén han Wese' keso náxop, hakte apxekmósek xép aksok ma'a énxet'ák ekmasextoho nak makham apkelya'áseyak, cham'a aksok mexekmósama axta exchep ma'a énxet'ák ekha nak apkelmopwána, tén han ma'a ekha nak apkelya'áseyak.

APOCALIPSIS 7:12

Aptahak axta apkelpakmeta s'e: “¡Katnahagkok sat! Kólpeykeshok sat cha'a Dios egagkok, kóltemésesek sat nahan cha'a apcheymákpoho, exénakpok sat nahan ekha apya'áseyak, kólmések sat nahan cha'a ekxeyenma kélwáxok, kóltehek sat nahan cha'a kéláyo, exénakpok sat nahan cha'a ekha apmopwána, tén han ekha apyennakte megkatnegwayam enéxa. ¡Katnahagkok sat!”

TITO 1:1

Ko'o Pablo sekteme Dios apkeláneykha tén han sekteme Jesucristo seykha amya'a apagkok, cham'a aptaha nak seyápháseykha yakwayam enxoho atnésesagkok melya'áseyam ma'a ektaha nak Dios apkelyéseykha, yakwayam enxoho nahan elya'ásegwomhok amya'a ekmámnaksoho eñama s'e ektémakxa nak negáyo negko'o,

SANTIAGO 2:1

Elyáxeg, kéxegke kéltaha nak megkólya'áseyam Wese' egegkok Jesucristo ekha nak apcheymákpoho, nágkólteméses aksa apyeykhamap kóllanok kélmók, tén han ma'a pók énxet'ák nak.

1 CORINTIOS 14:6

Elyáxeg, megkapasmek kéxegke selpakhetchesa enxoho mók ektémakxa amya'a magya'áseyak nak, cham'a sektaha enxoho meyk'a kéxegke, yakwayam eykhe axének ma'a ektaha nak segméso Dios yakwayam anxének, yakwayam eykhe nahan axének ma'a negya'ásegwayam ektaha nak ekmámnaksoho, yakwayam eykhe nahan altennaksek kéxegke m'a amya'a eñama nak Dios, yakwayam eykhe nahan altennaksek kéxegke m'a mók xama nelxekmowásamáxche nak.

SAN LUCAS 12:12

hakte wokmek sat agkok yakwánxa kólpakmétek, Espíritu Santo sat egkések yakwánxa kóltehek kélpeywa.”

SAN LUCAS 2:14

“¡Apcheymákpoho sat kóltemésesek Dios apha nak ma'a néten! ¡Keytek sat meyke ektahakxa egwáxók keso náxop nepyeseksa m'a énxet'ák appasmoma nak cha'a Dios!”

2 TIMOTEO 2:25

tén han egkések appeywa yetlo megkeymáxkoho apwáxok ma'a énxet'ák sẽlenmexeykha nak, eleyxmakha aksa elyakmagkasesek apwáxók Dios, tén han elyekpelchásesamhok ma'a amya'a ekmámnaksoho nak,

ROMANOS 1:28

Mopmenyék elyekpelkohok Dios xa énxet'ák nak. Ekeso eñamakxa apkexaya axta aksa Dios yakwayam kayeykhágwomhok ekmaso elchetamso apwáxók, yakwayam enxoho anhan elanagkok ma'a aksok megkeyméxko nak anlána'.

LOS HECHOS 7:2

Aptahak axta Esteban apchátegmowágko s'e: “Elyáxeg, tén han apkelwányam nak, heleyxho hana sekxo': Apxekmowasékpók axta Dios egagkok ekha apcheymákpoho m'a egyap negko'o Abraham, cham'a aphamakxa axta Abraham Mesopotamia, amonye aphayam ma'a yókxexma Harán.

EFESIOS 4:13

ekwokmoho nentaha meyke nelexpanchásamáxche eñama m'a magya'áseyam nak, tén han eñama m'a negyekpelchágwayam nak Dios Apketche. Keñe sat keynnakwók negko'o nenteme magya'áseyam, aghágwakxohok agko' sat ma'a aptémakxa nak Cristo.

FILIPENSES 3:15

Negyókxoho ekyennakwayam nak nenteme magya'áseyam, kéméxchek katnehek elchetamso egwáxok xa ektaha nak, wánxa agkok, yetneyk agkok kéxegke mók ekxénakxa kélwáxok, Dios sat nahan elya'asásegwók kéxegke xa ektéma nak.

SAN MATEO 20:33

Aptahak axta apkelátegmowágko énxet'ák meyke apakta'ák se'e: —Egmenyék negko'o agwetekxaxma.