EFESIOS 1:13 - Lengua Sur (Enxet) Nuevo Testamento

¹³ Ekhawo ektahakxa axta anhan kéxegkáxa, kéltemék axta kélyepetcheyo Cristo, kélkahásexchek axta anhan kéxegke magkenatcheso kéltaha Dios énxet'ák apagkok eñama kélxawé m'a Espíritu Santo apxeyenma axta egkések Dios, cham'a kélleg'a axta amya'a ekmámnaksoho ekxénáxko ekyetna kéxegke kélwagkásamáxche teyp, tén han ma'a kéltaha axta megkólya'áseyam Cristo.

EFESIOS 1:13 Referans Kwoze

2 CORINTIOS 1:22

Ẽlkahásek axta anhan negko'o m'a apkelkahaso nak, empekkenchesek axta negko'o egwáxok Espíritu Santo, yakwayam katnehek nakso' nenxawé aksok peya nak anxawa'.

EFESIOS 4:30

Nágkóllapwagkas aksa Espíritu Santo apkeñama nak Dios, cham'a kélkahásamáxko nak kéxegke yakwayam enxoho kólyekpelchaxkohok kélteme nak Dios énxet'ák apagkok, cham'a ekwa'a sat ekhem yakwánxa hẽlwagkasek teyp.

2 TIMOTEO 2:19

Wánxa agkok, appekkenchek axta eyke Dios xama aksok ektaha nak ekyennakwákxexa, ekyetna nak eknaktáxésamaxche s'e: “Ekpelkohok cha'a Wese' egegkok ma'a énxet'ák ektahakxa enxoho apagkok”, “kéméxchek nahan ényók nentémakxa ekmaso apyókxoho énxet ektaha nak apkelwóneykha Wese' egegkok apwesey.”

1 TESALONICENSES 2:13

Ekeso eñamakxa negmésa nak cha'a negko'o ekxeyenma egwáxok Dios, hakte xama axta kélleg'a kéxegke amya'a eñama Dios neltenneykha negko'o, ekmámnaksoho axta kéltemesásak kéxegke ektaha eñama Dios ma'a amya'a neltennásencha'a axta kéxegke, axta kaxénak kélwáxok ektaha apkeltenneykha apagko' la'a énxet. Nakso' agko' ektaha amya'a eñama Dios xa ektekkesama nak kéltémakxa ektakmela kéxegke kélteme nak megkólya'áseyam.

ROMANOS 4:11

Kélkahasegkek axta Abraham magkenatcheso apxeyenma Dios aptaha appéwomo eñama mey'áseyam. Cháxa ektahakxa axta aptaha Abraham apyap apyókxoho énxet'ák apteme nak melya'áseyam, méko eykhe m'a kélkahaso nak; cháxa ektahakxa nak han apxéna Dios aptaha apkelpéwomo xa énxet'ák nak.

TITO 2:11

Enxekmósek axta negko'o Dios ektémakxa segméso naksa segemleykekxoho, cham'a segemleykekxoho elwagkasama nak cha'a teyp apyókxoho énxet.

GÁLATAS 3:14

Temegkek axta xa, yakwayam enxoho kawakxohok apméso Dios aksok eltakmela eleñama néten ma'a énxet'ák metnaha nak judíos, eñama m'a Cristo Jesús, cham'a apkeltennasama axta Dios Abraham apmáheyo elána' xa; yakwayam enxoho nahan anxawak negko'o Espíritu apxeyenma axta hegmések Dios, eñama m'a magya'áseyam nak.

ROMANOS 1:16

Mamegkayhek ko'o axének tásek amya'a, hakte cháxa Dios apmopwána xa, yakwayam enxoho elwagkasakpok teyp apyókxoho énxet apteme nak melya'áseyam, eyeynamókxa m'a énxet'ák judíos, wokmók eyke nahan ma'a énxet'ák metnaha nak judíos.

LOS HECHOS 2:33

Egmések axta negko'o Espíritu Santo, cham'a natámen apya'áseykekxa axta néten Dios ma'a Jesús, tén han ma'a aphésakxo axta ekpayhókxa nak apkelya'asamakxa, tén han ma'a natámen axta apméso Apyap Espíritu apxeyenma axta hegmések negko'o xa. Cháxa kélwetaya nak kéxegke, tén han ma'a kéllegaya nak.

SAN JUAN 14:26

Espíritu Santo sat eyke elxekmósek kéxegke ekyókxoho aksok, elya'asásegwakxohok sat nahan ma'a ekyókxoho sektémakxa nak selanagkama kéxegke, cham'a Espíritu aptaha nak Apmasma kéxegke, peya nak yáphásesek kéxegke Táta eñama ko'o sekwesey.

SAN JUAN 1:17

Moisés axta keñamak ekteyapma m'a segánamakxa, Cristo axta eyke keñamak segweyktámho negko'o m'a segásekhayo tén han ma'a ekmámnaksoho nak.

SAN LUCAS 24:49

Wáphásesek sat kéxegke m'a apxeyenma axta egkések kéxegke Táta. Kólhakha sat kéxegke s'e tegma apwányam Jerusalén ekwokmoho kélxaka kélmowána eñama nak néten.

1 SAN PEDRO 2:10

Háwe axta kéxegke Dios énxet'ák apagkok nano' axta, kaxwo' eyke kéltemék kéxegke Dios énxet'ák apagkok; axta kamopyósak apkelányo Dios kéxegke nano' axta, kaxwo' eyke kélyósekak apkelano kéxegke Dios.

ROMANOS 6:17

Negmések negko'o ekpayheykekxa egwáxok Dios, kéxegke ñokxa kélyahákxoho ekmámnaksoho agko' ma'a ektahakxa axta kélxekmowásamáxche, kéxegke kéltaha axta elma mólya'asáxma nano' axta.

LOS HECHOS 1:4

Apkeltennásek axta apkeltámeséyak megkeyméxko elántépok ma'a Jerusalén, cham'a aphamakxa axta makham Jesús nepyeseksa. Aptahak axta apkeláneya s'e: —Kólleyx sat sekxo' katnehek ma'a apxeyenma axta egkések kéxegke Táta, cham'a seltennasa axta kéxegke.

SAN JUAN 15:26

“Apxegakmek sat agkok ma'a Apmasma kéxegke peya nak wáphásesek, aptaha nak Espíritu apmámnaksoho apkeñama nak ma'a aphakxa nak Táta, sat etnehek apxeyenma sekwesey ko'o m'a.

LOS HECHOS 13:26

“Elyáxeg, kéxegke kéltaha nak Abraham aptawan'ák neptámen, tén han kéxegke kéltaha nak kéláyo Dios megkóltaha nak Judíos: cháxa amya'a sẽlápháseso axta negko'o xa.

SAN JUAN 6:27

Nágkóltemeykha aksa yakwayam kóltegyek ma'a nento eksawhomáxkohol'a, akke tásek kóltemeykha yakwayam kóltegyek ma'a nento ekyennaktésamo nak egnenyek ektaha nak han megkamassegwayam. Cháxa nento peya nak egkések kéxegke ektaha nak Apketche énxet xa, hakte apkelkahásek axta Dios Egyap xa.

SAN LUCAS 11:13

Kélya'ásegkok agkok kélméso aksok eltakmela kélketchek, kéxegke kéltaha nak ekmaso kéltémakxa, ¡eyagwánxa agkok apmopwána egkések Espíritu Santo énxet ektahakxa enxoho apkelmaxnagko m'a Kélyap apha nak néten!

APOCALIPSIS 7:2

Ekwet'ak axta anhan pók Dios apchásenneykha apkeñama m'a ekteyapmakxa ekhem, apmeykha axta kélkahaso eñama nak Dios memassegwayam. Apyennaktések axta appeywa xa Dios apchásenneykha nak, apkelpakhetchesa m'a hawók nápakha Dios apkelásenneykha apkelxaka axta apmopwancha'a yakwayam etwasha keso náxop, tén han ma'a wátsam ekwányam nak. Aptahak axta apkeláneya s'e:

SANTIAGO 1:18

Egmések axta negko'o Dios ekyennakte egnenyek eñama m'a amya'a apagkok ektaha nak ekmámnaksoho, cháxa apkepmenyého axta Dios hegmések negko'o xa, yakwayam enxoho antehek negko'o máxa émha amonye ekyexna kélpagkanchesamol'a Dios, neyseksa m'a aksok apkelané axta Dios.

HEBREOS 2:3

¿Háxko sat antehek ólegketaxchek negko'o mantakmelchesa enxoho m'a nelwagkásamáxche teyp ektaha nak ektakmela agko'? Wese' egegkok Jesús apagko' axta ektaha aplegaso apmonye xa nelwagkásamáxche teyp nak, axta senxekmóso negko'o ektaha ekmámnaksoho m'a énxet'ák ektaha axta apkellegé.

2 TIMOTEO 3:15

Kaxénwakxoho apwáxok, aptémakxa apketkok axta exchep apya'áseykegkoho ektémakxa nak eknaktáxésamaxche tásek amya'a, cham'a ekmowána nak kalxekmósagkok xép tén han kawagkasek teyp eñama apteme mey'áseyam ma'a Cristo Jesús.

2 TIMOTEO 2:15

Elenxanmoho sat xép etnehek ma'a aptémakxal'a énxet ekha aptamheykha ekleklamol'a apwáxok Dios, cham'a megkagkésol'a apmegkakto xama aksok apkelané, cham'a aptakmelchesamol'a apkelxekmóso apnámokkok amya'a ekmámnaksoho nak.

EFESIOS 4:21

cham'a eyámnaksoho enxoho kéllegaya kéxegke kéltenneykha amya'a ekxeyenma nak Cristo, cham'a eyámnaksoho enxoho anhan eltámeyeykegko kéxegke eñama Cristo m'a ektémakxa nak amya'a ekmámnaksoho.

2 CORINTIOS 6:7

eñama anhan ma'a neltenneykha nak amya'a ekmámnaksoho, tén han eñama ekyetno negko'o m'a Dios apmopwána nak. Negmáha cha'a negko'o m'a ekpéwomo nak nentémakxa ektémol'a agmaha negmeykha, yakwayam nak agmaha nennapéxchexa enxoho, tén han antehek negahakkásamáxche.

SAN JUAN 3:33

Yetneyk agkok xama énxet apteme mey'áseyam aptahakxa appeywa, nakso' etnésesek ektaha ekmámnaksoho m'a aptémakxa nak appeywa Dios;

SANTIAGO 1:21

Kólyenyaw kéxegke m'a ekyókxoho nentémakxa ekmanyása nak, tén han ma'a nentémakxa ekmaso negwet'a nak ekyágwokmoho kaxwo', kólma yetlo megkeymáxkoho kélwáxok ma'a amya'a kélpekkenchesama axta kélwáxok kéxegke, hakte awanchek kalwagkasek teyp kéxegke xa amya'a nak.