EFESIOS 1:12 - Lengua Sur (Enxet) Nuevo Testamento

¹² Apkeláneyak axta Dios xa, yakwayam enxoho óltemésesek apcheymákpoho Dios eñama m'a ektémakxa nak ekyawe agko' apcheymákpoho, negko'o nenteme axta egmonye'e nelhaxneykha Cristo.

EFESIOS 1:12 Referans Kwoze

EFESIOS 1:6

Ekeso eñamakxa neltemésesa nak cha'a negko'o apcheymákpoho Dios, eñama m'a segméso naksa axta ektémakxa nak segemleykekxoho, cháxa keñamak nahan sempasmo nak negko'o Dios xa, eñama m'a Apketche aptaha nak apchásekhayo.

2 TESALONICENSES 2:13

Agmések sat cha'a negko'o ekxeyenma egwáxok Dios kéxegke eñamakxa, elyáxeg ektaha nak apkelásekhayo Wese' egegkok, hakte apkelyésáha axta kéxegke Dios sekxo' agko', yakwayam kólxawak kélmonye'e kélwagkásamáxche teyp eñama m'a Espíritu aptaha nak apteméseso kélpagkanamaxche kéxegke, tén han eñama kélteme megkólya'áseyam ma'a amya'a ekmámnaksoho nak.

EFESIOS 3:21

¡Apcheymákpoho sat kóltemésesek Dios nepyeseksa m'a ektaha nak Dios énxet'ák apagkok eñama m'a Cristo Jesús, megkatnegwayam enéxa! Katnahagkok sat.

SANTIAGO 1:18

Egmések axta negko'o Dios ekyennakte egnenyek eñama m'a amya'a apagkok ektaha nak ekmámnaksoho, cháxa apkepmenyého axta Dios hegmések negko'o xa, yakwayam enxoho antehek negko'o máxa émha amonye ekyexna kélpagkanchesamol'a Dios, neyseksa m'a aksok apkelané axta Dios.

EFESIOS 2:7

Apkelanak axta Dios xa, yakwayam enxoho kataxchek ma'a egmonye sat, ekyetna ekyawe agko' segásekhayo negko'o, tén han exekmósek aptaha segméso naksa m'a ektémakxa nak segemleykekxoho eñama Cristo Jesús.

SAN JUAN 14:1

“Nágkatneykha kélwáxok. Kólteme megkólya'áseyam Dios, kólteme nahan mehelya'áseyam ko'o.

1 SAN PEDRO 1:21

Cristo nahan keñamak kéltaha megkólya'áseyam kéxegke Dios, cham'a Dios aptaha axta apxátekháseyam Cristo, aptaha axta anhan apméso apcheymákpoho; cháxa keñamak kéltéma nak kéxegke megkólya'áseyam Dios xa, tén han ma'a ektémakxa nak elhaxneykha kélwáxok.

2 TIMOTEO 1:12

Cháxa keñamak seklegágkoho nak ko'o kaxwo' ekyókxoho xa aksok nak, wánxa agkok mamegkayhek eyke ko'o axének, hakte ekya'ásegkok ko'o m'a aptaha nak seyayókxa; nakso' nahan ektemesásak ko'o ekyetna apmopwána hetakmelchesesek ekweykmoho néxa ekhem ma'a sektamheykha apkeltamho axta alána'.