EFESIOS 1:10 - Lengua Sur (Enxet) Nuevo Testamento

¹⁰ Dios sat yanchásekxak ekxámokxoho aksok ekhéyak nak néten tén han keso náxop, yakwayam katnehek wese' agkok ma'a Cristo ekhawo xa ektémakxa nak apmáheyo elának Dios. Katnehek sat xa ektémakxa nak aksok apmáheyo elának Dios, cham'a ekwokmo sat ekhem.

EFESIOS 1:10 Referans Kwoze

COLOSENSES 1:20

Apmenyék axta Dios katnekxak eyásekheykekxoho ekyókxoho aksok ekhéyak nak keso náxop, tén han ekhéyak nak ma'a néten eñama m'a Cristo. Apkelanak axta Dios xa negásekheykekxoho nak, eñama m'a ekyegkenamaxche axta éma apagkok Cristo néten aksok ektegyéso.

GÁLATAS 4:4

Xama axta ekwokmo ekhem, apcháphásek axta Apketche Dios, apteyekmo axta eñama kelán'a ektegkeso, apkelyaheykekxók axta m'a eltémókxa nak antehek Moisés segánamakxa apagkok.

SAN MARCOS 1:15

Aptahak axta apkeltenneykha s'e: “Wokmek kaxwo' ekhem ekxénamaxchexa nak katnehek, chágketwa'ak kaxwo' ma'a aptémakxa nak Wese' apwányam Dios. Kólyakmagkas kélwáxok, kólma yetlo megkólya'áseyam se'e amya'a ektakmela nak.”

HEBREOS 1:2

Kaxwo' eyke keso negwánxa nak, eyágketwokmo nak ektemegwánxa néxa ekhem, ẽlpakhetchesek negko'o Dios eñama m'a Apketche nak appeywa, hakte Cristo axta keñamak apkeláneya Dios ekxámokxoho aksok, cham'a Cristo, appagkanchesa nak Dios yakwayam elmeyásekxak ekyókxoho aksok.

COLOSENSES 1:16

Cristo nahan keñamak apkeláneya Dios ekyókxoho aksok ekhéyak nak néten, tén han aksok ekhéyak nak keso náxop, cham'a aksok negwetayo nak, tén han ma'a magwetayo nak, tén han apkeláneya m'a aksok ekha ekmowána ekheykha nak néten eláneykencha'a nak keso náxop, cham'a ekha nak kélyaheykekxoho, ekha nak han elmowancha'a. Cristo nahan keñamak elánamáxko ekyókxoho aksok, Cristo nahan yakwayam etnehek apagkok.

1 SAN PEDRO 1:20

Nano' axta kélpagkancheso Cristo katnehek xa ektaha nak, cham'a amonye axta elánamáxche keso náxop, wánxa agkok apwa'ak axta eyke Cristo keso negwánxa nak, eyágketexa nak ektemegwánxa néxa, yakwayam epasmok kéxegke.

EFESIOS 3:15

cham'a apmésama nak apwesey apyókxoho ektaha nak énxet'ák apagkok apheykha nak néten tén han keso náxop.

APOCALIPSIS 5:9

Axta anhan apkelmeneykmásak negmeneykmaso axnagkok ektéma nak se'e: “Xép payhawók emok xa weykcha'áhak kélpexteteykekxoho nak, xép nahan payhawók elkok ma'a yampápa kélapma nak, hakte apmatñegkek axta exchep ekyanmaga mólya'asáxma, yegkenamaxchek axta nahan éma apagkok apkelmoma m'a apyókxoho pók aptémakxa énxet'ák nak yakwayam etnésesek Dios énxet'ák apagkok, cham'a mók ektémakxa nak apyempe'ék, tén han ma'a mók ektémakxa nak apkelpakmeyesma.

EFESIOS 1:22

Apnegkenchek axta Dios ekyókxoho aksok kóneg apmagkok Cristo, Apmések axta Dios Cristo m'a ektaha nak énxet'ák apagkok, yakwayam enxoho etnehek apkemha apmonye neyseksa ekyókxoho aksok.

1 CORINTIOS 11:3

Wánxa agkok, eltamhok eyke ko'o kólya'asagkohok kéxegke Cristo apteme apkemha apmonye apagkok énxet, keñe m'a énxet ekha nak aptáwa apteme apkemha apmonye agkok ma'a aptáwa, ekhawo ektémakxa nak han ma'a Cristo apteme apkemha apmonye apagkok ma'a Dios.

HEBREOS 11:40

apkeláneykxeyk axta Dios aksok ektaha nak ektakmela agko', hakte negko'o axta xeyenmak apwáxok, yakwayam enxoho kóltemésesek apkelpéwomo xa énxet'ák nak eñama segyepetcheyo negko'o.

COLOSENSES 3:11

Massegkek kaxwo' nenteme negyeykhamaxche egmók, megkeyxek nenteme enxoho griego esenhan nenteme enxoho judíos, megkeyxek nahan ma'a ekha enxoho sẽlkahaso kélyenyekhamol'a egyempehek, esenhan ma'a méko enxoho sẽlkahaso, megkeyxek nahan nenteme enxoho neñama mók nekha, megkeyxek nahan nenteme enxoho magya'áseyak aksok, megkeyxek nahan ma'a nenteme nak negmomaxche esenhan ma'a magmomaxche nak; Cristo eyke apwánxa apagko' meyke ekhémo, apheyk nahan kélwáxok Cristo kélyókxoho nak.

EFESIOS 2:15

Cristo apmasésakmo m'a ektémakxa axta segánamakxa eñama judíos, ekha axta eltémókxa antehek, tén han ma'a kéltémókxa nak antehek. Aptemesásekxeyk axta Cristo apyepetcheyo pók énxet'ák judíos, tén han ma'a énxet'ák metnaha nak judíos, aptemesásekxeyk axta wánxa xama énxet'ák aphaxnancha'ák eñama apyepetcheyo Cristo. Cháxa aptahakxa axta Cristo apmasésa ektémakxa axta nelenmexamaxche xa.

1 CORINTIOS 10:11

Temegkek axta nahan nepyeseksa ẽlyepmeyk nano' ekyókxoho xa ektéma nak, yakwayam enxoho agya'asagkohok negko'o. Naktáxésamaxchek axta anhan xa, yakwayam enxoho hẽlaksek negko'o nentaha nak negheykha keso ektemegwánxa nak néxa.

SAN MATEO 25:32

Yaknekxak sat apyókxoho pók aptémakxa énxet aphakxa. Yexpánchesek sat énxet aptémol'a apkeláneykha nekkések yexpánchesek nekkések apkelpaxkamap yát'ay.

HEBREOS 9:10

hakte aksok nentamakxa eyke aksa xa, tén han ma'a negyamol'a, tén han ma'a segmasésesamol'a ektémakxa nak aksok sempeysegkeso, cháxa ektaha nak ekyetno yókxexmók xa aksok nak, kélmeykencha'awol'a ekwokmoho apyakmagkasesa ektémakxa Dios.

EFESIOS 3:2

Kélya'ásegkok eyke kéxegke aptaha Dios seyásennagko yakwayam alának se'e sektamheykha nak, yakwayam apasmok kéxegke, eñama m'a ektémakxa nak seyemleykekxoho Dios.