APOCALIPSIS 6:9 - Lengua Sur (Enxet) Nuevo Testamento

⁹ Xama axta ekwokmo cinco apleklo yampápa kélapma Nekkések Apketkok, ekwet'ak axta ko'o m'a énxet'ák aptekyawa axta eñama apkellegaso Dios appeywa kóneg ma'a ekwatnamáxchexa axta cha'a aksok nawha'ák ekyanmaga mólya'asáxma.

APOCALIPSIS 6:9 Referans Kwoze

APOCALIPSIS 20:4

Ekwet'ak axta ko'o taháno ektakmalma yetlo apheykha néten ma'a apkelxawágko axta kélyaheykekxoho yakwayam etnehek apkelyekpelchémo apyókxoho énxet'ák. Ekwet'ak axta nahan ko'o aphagák ma'a ektaha axta kélyaktencháseyak apyespa'ák eñama meyenseyam apkeltenneykha Jesús apwesey tén han ma'a amya'a eñama nak Dios. Axta elpeykesamok aksok nawhak eklo xa énxet'ák nak, axta nahan elpeykesamok ma'a kéleykmáseso kélheyásekegkoho nak aksok nawhak eklo, axta nahan yahayók keytek elkahaso aksok nawhak eklo m'a ekpayhakxa nápát, esenhan ma'a apmek. Ekwet'ak axta nahan ko'o apnakxétekhágwokmo xa énxet'ák nak. Kelwese'e axta aptamhágkok xamo' Cristo ekweykmoho mil apyeyam.

SAN JUAN 16:2

Kólántekkesek sat kéxegke apchakneykekxa nak judíos, keñe sat kammok nahan ekhem yakwánxa nak yának elának énxet ma'a ekleklamókxa nak apwáxok antehek Dios, cham'a apkennapa enxoho kéxegke xa énxet'ák nak.

APOCALIPSIS 1:9

Ko'o Juan sektaha nak may'áseykmoho xamo' kéxegke Cristo, Jesús sekyepetcheyo keñamak sewákxoho nahan ko'o xa sekteme señama nepyeseksa Dios énxet'ák apagkok tén han sewákxoho seklegeykegkoho xamo' kéxegke, tén han sewákxoho m'a ektémakxa nak kélwaskápeykekxoho, yakwayam enxoho alenmaxaxkohok seklegeykegkoho ko'o. Elhésekmek axta ko'o yókxexma étkok ekwesey Patmos, eñama seklegaso m'a amya'a eñama nak Dios, cham'a aptemésesama axta ekmámnaksoho Jesús.

APOCALIPSIS 2:13

Ekya'ásegkok ko'o apha exchep ma'a ektémakxa nak wese' Satanás; wánxa agkok apkelenxáneykmok eyke exchep apxeyenma sekwesey. Axta anhan elwáteseykmok apteme mehey'áseyam ko'o, cham'a apmatña axta Antipas, aptaha axta meyenseyam aplegaso sekwesey. Axta payhok apmatñamakxa m'a tegma apwányam ektémakxa nak wese' Satanás.

2 TIMOTEO 1:8

Neymegké' aksa eltennaha apwesey Wese' egegkok, neymegké' aksa hélanok ko'o keso sekmáxko nak eñama Wese' egegkok. Yoho kawakxohok xép xa nenlegeykegkoho nak eñama m'a ektémakxa nak nenlegaso amya'a ektakmela, yetlo m'a apwaskápeykekxoho apmésamol'a cha'a exchep Dios.

APOCALIPSIS 16:7

Ekleg'ak axta anhan ko'o kélpeywa eñama m'a ekwatnamáxchexa axta cha'a aksok ektekyawa. Entahak axta s'e: “Nakso', Xép apteme Wese', Dios ekha apyennakte, aptemék axta exchep apyekpelchásesamo ekmámnaksoho agko', tén han ekpéwomo agko'.”

APOCALIPSIS 14:18

Aptekkek axta nahan pók Dios apchásenneykha apkeñama m'a ekwatnamáxchexa axta cha'a aksok ektekyawa, aptaha axta cha'a elyaheykekxoho appeywa táxa, aptahak axta nahan apyennaktésawo appeywa appakhetchesa m'a ektaha axta apseykha sawo ekhaxé ekmahanta: “¡Emekxa sawo ekhaxé ekmahanta apagkok nak, elyaktén anmen yámet kélcheneykekxo nak keso náxop, hakte makhetchek kaxwo' ekyexna!”

APOCALIPSIS 1:2

Apkeltennáha axta Juan ekmámnaksoho agko' ekyókxoho aksok ektahakxa axta apweté, cham'a aptaha nak han apxeyenma m'a amya'a eñama nak Dios, cham'a amya'a apkeltenneykencha'a axta anhan Jesucristo.

FILIPENSES 1:23

Eyapagkánexchek ko'o alyésha xa ánet nak. Mók ekxeyenma ewáxok nahan, emenyék watsapok yakwayam axhok xamo' Cristo, hakte xénchek ko'o ewáxok ektakmela agko' hetnehek ko'o xa ektaha nak.

2 CORINTIOS 5:8

wánxa agkok, akke agya'ásekmok negko'o, egmenyék nahan negko'o agyenyók se'e negyókxa nak, yakwayam enxoho aghamok xamo' Wese' egegkok.

APOCALIPSIS 19:10

Eltekxekkek axta ko'o etapnák náxop ekpayhókxa apkenmágkaxa Dios apchásenneykha, yakwayam alpeykesho', wánxa agkok, aptahak axta seyáneya s'e: “Ná etne aksa xa, ko'o sekteme Dios apchásenneykha, ekhawók ko'o exchep, ekhawók nahan ma'a apkelyáxeg'a ektaha nak melyenseyam apkeltenneykha Jesús apwesey. Elpeykesho m'a Dios.” Hakte, cháxa eyewáneseso énxet'ák ektaha nak apkellegaso Dios appeywa xa apkeltenneykha nak Jesús apwesey.

APOCALIPSIS 8:3

Keñe axta nahan apxegakmo pók Dios apchásenneykha apkeñama néten, egheykok ektakmela elyenma axta apmeykha ekwatnamáxkoho axta cha'a kañe' aksok ekmátsa nak ekpakneyam éten agkok, apkenegwokmek axta amonye ekwatnamáxchexa aksok; apxakak axta nahan ekxámokma m'a aksok ekmátsa nak ekpakneyam éten agkok, yakwayam ewatnek néten sawo ekyátekto elyenma ekwatnamáxchexa axta cha'a aksok ekyetnama axta keto' ekyetnamakxa m'a taháno ektakmalma nak. Axta anhan apyepetchásak ma'a nempeywa nelmaxnagko apagkok nak ma'a apyókxoho Dios énxet'ák apagkok apkelpagkanamap nak.

2 TIMOTEO 4:6

Ko'o nak se'e, chágketwokmek yakwánxa amátog ektémol'a aksok kélmésamol'a Dios; keto' kaxwo' setsapmakxa.

APOCALIPSIS 9:13

Seis axta apwokmok Dios apchásenneykha appawaso apchakkahaso, ekleg'ak axta ko'o kélpeywa eñama neyseksa hawók nekha aksok egkepet'ák, cham'a ekyetnama axta néten sawo ekyátekto elyenma ekwatnamáxchexa axta cha'a aksok, cham'a ekyetnama nak nápakto' Dios.

FILIPENSES 2:17

Kayegkenaxchek eykhe ko'o éma ahagkok yakwayam kasawhaxkohok ma'a ektémakxa nak kéxegke kélméso aksok Dios eñama m'a megkólya'áseyam nak, kapayhekxak akke aksa ko'o ewáxok, kawakxohok nahan kélyókxoho kéxegke ektahakxa enxoho ekpayheykekxa ewáxok ko'o.

HEBREOS 12:23

kélágketchesekmek nahan ma'a apchaknákxexa nak Dios apketchek eknaktáxésamaxko nak apkelwesey m'a néten, cham'a aptaha nak apmonye'e Dios apketchek. Kélágketchesekmek nahan aphakxa m'a Dios aptaha nak segyekpelchémo negyókxoho, kélágketchesekmek nahan ma'a kélekhéseykemxa nak cha'a aphagák ma'a énxet ektakmela nak apkeltémakxa, cham'a aptemésesama axta apkelpéwomo Dios,