APOCALIPSIS 6:17 - Lengua Sur (Enxet) Nuevo Testamento

¹⁷ Hakte wa'ak kaxwo' ekhem ekyawe sẽllegasáseykegkoho nak, ¿Yaksak sat awanchek kalenmaxaxkohok xa?”

APOCALIPSIS 6:17 Referans Kwoze

APOCALIPSIS 16:14

kelyekhama' axta m'a, eláneyo axta cha'a aksok sempelakkaso nak agweta', kelántekkek axta yakwayam kanchásekxak apyókxoho kelwese'e keso náxop, yakwayam enxoho elmahagkok empakháxchexa, cham'a ekwokmo enxoho ekhem apagkok ma'a Dios ekha nak apyennakte.

ROMANOS 2:5

Wánxa agkok, kayhek eyke apwáxok xép, ékeso eñamakxa memoko nak etnekxak mey'áseyam Dios, apyanchásegkok aksa cha'a exchep yakwayam kóllegásesagkohok ma'a ekhem ekwa'a sat Dios aplo, cham'a yakwánxa sat exekmósakpohok Dios, yakwayam exének ekpéwomo yakwánxa kóltemésesek énxet,

APOCALIPSIS 11:18

Apkellókek axta apyókxoho énxet'ák apheykha nak ekyókxoho yókxexma, wánxa agkok, wa'ak eyke exchep aplo, cham'a yakwánxa nak xép elyekpelkohok ma'a énxet'ák apkeletsapma axta; egkések sat nahan aksok apméso naksa m'a énxet'ák ektaha axta apkellegaso xép appeywa, tén han ma'a ektaha nak xép énxet'ák apagkok apkelpagkanamap tén han ma'a énxet apteme nak cha'a apcháyo exchep apwesey, apkelwányam, tén han ma'a meyke kéláyo nak, emasesók sat nahan xép ma'a énxet'ák ektaha nak aptawáseykha keso naxop.”

SAN JUDAS 1:6

Apkekhésekmek axta Dios neyseksa ekyaktesóxma aptemésesama apkelmomap megkatnegwayam enéxa m'a apkelásenneykha apkeleñama nak néten, axta apkeleyxchásak ma'a ekhem ekyawe nelyekpelchamáxchexa sat. Aptemésesegkek axta xa hakte apkelyenseykmek axta m'a ektémakxa axta apkelxaweyak apkeltamheykha, apkexakhamchek axta anhan apxanák.

SAN LUCAS 21:36

Kóllánekxa kéltahakxa kéxegke, nágkólyensem kélteme nempeywa nelmaxnagko, yakwayam enxoho kólegketaxchek kéxegke neyseksa ekyókxoho xa aksok peya nak katnehek, yakwayam enxoho anhan kólchánwók nápakto' ma'a aptaha nak Apketche énxet.”