APOCALIPSIS 6:16 - Lengua Sur (Enxet) Nuevo Testamento

¹⁶ aptahak axta nahan apkeláneya xóp elekháhéyak elyawe s'e, tén han ma'a meteymog elyawe nak: “¡Hegahapwata' negko'o, henxeganegkes negko'o nápakto' ma'a apha nak kaxwo' néten taháno ektakmalma, hegeys nahan negko'o ma'a Nekkések Apketkok aplo nak!

APOCALIPSIS 6:16 Referans Kwoze

SAN LUCAS 23:30

Keñe sat etnehek yának énxet'ák egkexe s'e: ‘¡Hegahapwata' negko'o!’, keñe sat etnehek nahan yának egkexe étkók se'e: ‘¡Hẽlpós negko'o!’

APOCALIPSIS 4:2

Apmeyk axta ko'o sekwanmagko Espíritu, ekwet'ak axta ko'o ekyetna taháno ektakmalma m'a néten, ekwet'ak axta anhan apha énxet ma'a néten taháno nak.

APOCALIPSIS 20:11

Ekwet'ak axta ko'o taháno ekmopé ekyawe, tén han ma'a ektaha axta apha néten. Massék axta aksa xóp tén han néten apwakto m'a ektaha axta apha néten xa taháno nak, massawók axta ekwetáxko cha'a.

SAN MATEO 26:64

Aptahak axta apchátegmowágko Jesús se'e: —Cháxa aptahakxa nak appeywa exchep. Eltennásek nahan ko'o xa kéxegke peya kólwetak exek ekpayhókxa apkelya'asamakxa Dios ekha apyennakte m'a aptaha nak Apketche énxet, tén han kólwetak exyók neyseksa yaphopé m'a néten.

APOCALIPSIS 19:15

Sókwenakte ekmahanta axta nahan tépak apátog, yakwayam emha ellegásesagkohok ma'a apyókxoho pók aptémakxa énxet'ák nak. Wese' sat etnehek yetlo meyke apmopyósa elanok pók, etnehek sat nahan apkelyekpelchémo apyókxoho énxet ekhawo aptémakxal'a m'a ektaha nak apkelyakhapma anmen yámet ekyexna, elagkok sat nahan ma'a Dios aplo ekxegakmo nak ektémol'a agyenek vino, cham'a Dios meyke ekhémo nak.

APOCALIPSIS 10:6

Keñe axta aptemésesa ekmámnaksoho agko' appeywa xa, apkeltamhok axta étagkohok ma'a aptaha nak memassegwayam, cham'a ektaha axta apkelané néten, tén han keso náxop, tén han ma'a wátsam ekwányam, tén han ma'a ekyókxoho aksok ekheyak nak. Aptahak axta s'e: “Néxa peyk kammok kaxwo',

APOCALIPSIS 6:10

Axta aptemék cha'a apkelyennaktésamo apkelpeywa s'e: “Wese' aptakmalma, aptaha nak han mehegyenyaweykha, ¿Yaksak sat ekhem elyekpelcháseshok xép énxet'ák apheykha nak náxop, tén han heghéseshok mók ma'a nentekyawa axta negko'o?”

APOCALIPSIS 4:9

Apkeltemésesek agkok cha'a apcheymákpoho Dios xa énxet'ák apkeleñama nak néten, etnehek nahan cha'a apcháyo, egkéshok nahan cha'a ekpayheykekxa apwáxók Dios, cham'a apha nak néten aptaháno ektakmalma, cham'a apha nak han megkatnegwayam enéxa, keñe cha'a eltekxeyagkok aptapnák nápakto' Dios xa veinticuatro apkelámha apmonye'e nak, elpeykeshok nahan cha'a, ekxeygkok nahan cha'a apkelatcheso apkatkók eltakmela apmonye aphamakxa m'a Dios, etnehek nahan cha'a apkelpeywa s'e:

APOCALIPSIS 4:5

Tekkek axta cha'a elyenma ekyetnakxa m'a taháno ektakmalma nak, tekkek axta anhan cha'a kélpeywa, tén han ekhó takha' appáwá, kelálewágkek axta anhan siete táxa amonye ekhágkaxa xa taháno nak. Siete espíritus apkeleñama Dios axta m'a.

SAN MARCOS 3:5

Aplókek axta Jesús apkelanawo énxet'ák apchaknákxo axta m'a, kelapwokmek axta anhan hakte axta emokók elya'ásegwomhok xa énxet'ák nak. Keñe axta aptaha apcháneya énxet ekyame apmek se'e: —Epékes apaktog. Appékesek axta apaktog xa énxet ekyame apmek nak, takmelákxeyk axta anhan apmek.

APOCALIPSIS 5:1

Ekwet'ak axta ko'o apmeyncha'a weykcha'áhak kélpexteteykekxoho ekpayhókxa apkelya'asamakxa m'a ektaha axta apha néten aptaháno ektakmalma, kañe' axta táxesamaxchek xa weykcha'áhak kélpexteteykekxoho nak, tén han ma'a empehek. Siete yampápa axta kélyepetchesók kélapma xa.

APOCALIPSIS 9:6

Etegyaha sat eykhe apkeletsapma énxet'ák ma'a ekhem sat, wánxa agkok melwetyehek sat eyke apkeletsapma; emawhok sat eykhe eletsapok, kamaskok sat eyke ekyetna nepyeseksa nétsapma xa énxet'ák nak.