APOCALIPSIS 4:7 - Lengua Sur (Enxet) Nuevo Testamento

⁷ Máxa axta méwa m'a aphó énxet sekwet'a axta sekxo', keñe axta m'a pók aphawo m'a weyke kenawókla'a, keñe axta m'a pók aphawo énxet, keñe axta m'a pók aphawo m'a ektémol'a kampak náta ekyawel'a.

APOCALIPSIS 4:7 Referans Kwoze

APOCALIPSIS 4:6

Máxa axta anhan wátsam ekwányam ekyetna amonye xa taháno ektakmalma nak, máxa axta aksok elyenmal'a. Ekwet'ak axta anhan ko'o aphó énxet neyseksa xa taháno nak, tén han ma'a neyáwa, xámok axta kélakta'ák apnenyek, tén han ma'a akkapok.

1 CORINTIOS 14:20

Elyáxeg, nágkatne aksa elchetamso kélwáxok kéxegke ektémakxal'a sakcha'a elchetamso awáxok; kólhésaxkoho m'a ektémakxal'a sakcha'a megkalané aksok ekmaso. Kólteme elchetamso kélwáxok ma'a ektémakxal'a elchetamso apwáxok énxet apkelwányam nak.

APOCALIPSIS 6:3

Xama axta apleya makham Nekkések Apketkok ma'a mók yampápa kélapma axta, ekleg'ak axta nahan ko'o appakmeta pók xa hawók nápakha énxet apkeleñama nak néten. Aptahak axta makham appakmeta s'e: “¡Empoho!”

APOCALIPSIS 6:5

Xama axta ektaha antanxo apleklo Nekkések Apketkok ma'a yampápa kélapma axta, keñe axta anhan apwokmo apkántanxo seklegé apteme appeywa énxet apkeleñama nak néten. Aptahak axta s'e: “¡Empoho!” Enmexawok axta ko'o m'a, ekwet'ak axta xama yatnáxeg appeysyam, kelyetsáteyak axta apmeykha m'a ektaha axta apchánte.

APOCALIPSIS 6:7

Xama axta ekwokmo hawók nekha apleklo Nekkések Apketkok yampápa kélapma, hawók nápakha axta nahan entahak seklegé appeywa m'a énxet apkeñama nak néten. Aptahak axta makham se'e: “¡Empoho!”