APOCALIPSIS 4:1 - Lengua Sur (Enxet) Nuevo Testamento

¹ Enmexawok axta ko'o néten natámen xa, ekwet'ak axta ekmayha átog ma'a néten, ekleg'ak axta ko'o sekxo' kélpeywa máxa axta m'a kélakkahasol'a ekpáwá, entahak axta amya'a seyáneyáxko s'e: “Yenátwata' é, axekmósek sat xép aksok peya nak katnehek natámen se'e.”

APOCALIPSIS 4:1 Referans Kwoze

APOCALIPSIS 11:12

Keñe axta apkelleg'a ekyennakte kélpeywa eñama néten xa apkánet énxet ektaha axta ekmámnaksoho apkelxeyenma amya'a eñama nak Dios. Entahak axta amya'a apkeláneyákpo s'e: “¡Kólchenátwata s'e!” Apkelmahágkek axta néten xa, neyseksa yaphopé axta apkelxegak, apyókxoho apkelenmexma axta anhan apkelwet'ak.

APOCALIPSIS 1:19

Etaxés ektahakxa nak aksok apweté: cham'a ekyetna nak kaxwo' tén han ma'a peya sat nahan kataxchek.

APOCALIPSIS 1:10

Apmeyk axta ko'o sekwanmagko Espíritu Santo cham'a Wese' egegkok ekhem apagkok ekpagkanamaxchel'a, ekleg'ak axta ko'o netámen kélpeywa ekyennakte agko' ektémol'a kapáwak kélakkahaso.

SAN MARCOS 1:10

Xama axta aptepa neygmen Jesús, apwet'ak axta ekmayhékxo néten, keñe axta anhan apwet'a apweywento Espíritu Santo ekpayhókxa apkenmágkaxa, máxa axta aptahak wáx'ay.

APOCALIPSIS 22:6

Aptahak axta seyáneya Dios apchásenneykha s'e; “Ekmámnaksoho agko' se'e amya'a nak, kélwanchek megkólya'asók, apcháphásek axta apchásenneykha Dios Wese' egegkok, aptaha axta apméso Espíritu apagkok ma'a énxet'ák ektaha nak apkellegaso appeywa, yakwayam enxoho exekmósek apkelásenneykha peya kañehémhok katnehek xa.”

APOCALIPSIS 16:17

Siete axta apwokmok apyegkenma Dios apchásenneykha aksok ekyetno kañe' egheykok, apkexpakha'ak axta m'a exchahayam. Kañe' tegma appagkanamap apkeñama néten axta entépak kélpeywa ekyennakte agko' eñama m'a ekyetnamakxa nak taháno ektakmalma. Entahak axta amya'a s'e: “¡Penchásexchek elánamáxche!”

LOS HECHOS 7:56

Keñe axta aptaha appakmeta s'e: —¡Kóllano! Ekwet'ak ko'o ekmayhekxo néten, ekwet'ak nahan apkenmeyncha'a ekpayhókxa apkelya'asamakxa Dios ma'a ektaha nak Apketche énxet.

SAN JUAN 16:13

Apxegakmek sat agkok Espíritu aptaha nak apmámnaksoho, elya'asásegwók sat kéxegke ektémakxa m'a ektaha nak ekmámnaksoho agko'; hakte metnehek sat apxeyenma apagko' ma'a aptahakxa enxoho appeywa, wánxa sat exének ma'a ekyókxoho ektémakxa nak aplegé, elya'asásegwók sat nahan kéxegke m'a peya nak katnehek.

SAN LUCAS 3:21

Apyakpasásegkek axta yegmen Juan apyókxoho énxet, Jesús axta anhan kélyakpasásak yegmen; mayhekxeyk axta néten neyseksa apteme nempeywa nelmaxnagko Jesús.

LOS HECHOS 10:11

Apwet'ak axta ekmayhekxo néten, keñe axta apweywento xama apáwa, hawók nápakha napwe'ek axta kélnakteté.

SAN MATEO 3:16

Aptekkek axta Jesús neygmen natámen kélyakpáseso yegmen. Mayhekxeyk axta néten, keñe axta apwet'a Jesús apweywento Dios Espíritu apagkok ekpayhókxa apkenmágkaxa, máxa axta aptahak wáx'ay.

APOCALIPSIS 1:12

Ekpeynchaxkok axta ko'o seltamho ótak ma'a ektaha axta sepakhetcheso, ekwet'ak axta siete chálewaso elyátekto elyenma.

APOCALIPSIS 11:19

Keñe axta ekmayhekxo átog ma'a Dios tegma appagkanamap apagkok apyetna nak néten, keñe axta ekwetáxko ekyetna yántéseksek kélxátamakxa axta m'a ekhémo mók nelpakhetchásamáxkoho nak Dios kañe' xa tegma appagkanamap nak, keñe axta ektepa apkelyenmayam, kélpeywa, extegyawá, tén han ma'a xóp ekyawheykha nak, yegmen elyennakte ekxámokma axta nahan palleynta'.

APOCALIPSIS 19:11

Ekwet'ak axta ko'o aptepa yatnáxeg apmopé ekmayhekxo m'a néten. Enxet ekmámnaksoho meyenseyam apyetlo Dios axta apwesey m'a ektaha axta apchánte, hakte ekpéwomo agko' axta m'a ektémakxa axta apyekpelchémo énxet'ák, tén han ma'a ektémakxa axta apkelané kempakhakma.