APOCALIPSIS 3:4 - Lengua Sur (Enxet) Nuevo Testamento

⁴ Yetneyk eyke nápakha énxet melpeysegkeso apkelnakta xa Sardis; selxegexma'a sat ko'o atnehek yetlo nelántaxneykekxa apáwa apkelmopé, hakte payhawók elántaxnekxak xa énxet'ák nak.

APOCALIPSIS 3:4 Referans Kwoze

APOCALIPSIS 7:9

Enmexawok axta ko'o natámen xa, ekwet'ak axta ko'o énxet apxámokma apyókxoho pók aptémakxa énxet nak, tén han ma'a móktémakxa nak apkelpakmeyesma. Amonye taháno ektakmalma axta apchakneykha m'a, nápakto' ma'a Nekkések Apketkok. Apxámok apagko' axta m'a, megkólwanchek axta kólyetsetek. Apkelmopé axta nahan apkelántaxno, áxa áwa' axta anhan apkelmeykha.

APOCALIPSIS 3:5

Enxet'ák ektahakxa enxoho apkelmalanma, apkelmopé sat etnahagkok apkelnakta, mamasésesek sat nahan apkelwesey m'a weykcha'áhak eknaktáxésamaxko nak apkelwesey m'a peya nak elxawagkok elyennakte apnenya'ák, axének sat nahan ko'o selyekpelchawo nápakto' ma'a Táta, tén han nápakto' ma'a apkelásenneykha apkeleñama nak néten.

APOCALIPSIS 6:11

Keñe axta kélmeyásegko apkelántaxno apkelmopé, kéltennásek axta peya sekxo' makham kóllókasesek apkelyampé yakwatakxoho, ekwokmoho aptahanyekxo ekwánxa apxámokma m'a apkelyáxeg'a yakwayam nak han etekyok eñama apkelané apkeltamheykha eñama nak Cristo, ekhawo aptamheykegkaxa axta xa énxet'ák nak.

APOCALIPSIS 19:14

Apkelyetlókek axta nahan sẽlpextétamo apkeleñama nak néten, apkelexyawáyo axta nahan apkelántaxno, apkelmopé apkeláxñeyo axta eyke, yatnáxeg apkelmopé axta nahan apkelchánte.

APOCALIPSIS 4:4

Ekwet'ak axta anhan ko'o veinticuatro taháno eltakmela yetlo apheykha néten veinticuatro apkelámha apmonye'e neyáwa xa taháno ektakmalma nak; apkelmopé axta apkelántaxno, sawo elyenma axta anhan ma'a apkelatcheso apkatkók.

APOCALIPSIS 3:18

Ekeso eñamakxa seltennasa nak xép seltamho etegyek sawo ekyátekto elyenma ekmomnáwa kélyamasmol'a neyseksa táxa yakwayam kólyenmaksek, eñama nak ko'o, yakwayam enxoho etnehek xép ekmámnaksoho ekxákma aksok apagkok; emenyék nahan ko'o etegyek xép aptaxno apmopé apkeñama nak ko'o, yakwayam enxoho etaxnekxa', yakwayam enxoho nahan kamaskok etnehek xép meyke apáwa segmegkasamo nak, emenyék nahan ko'o etegyek panakte eñama nak ko'o, yakwayam enxoho eltexnagkok apakta'ák keñe étekxak makháxma exchep.

APOCALIPSIS 19:8

kel'awok axta kataxnekxak apáwa apkexyawáyo apcháxñeyo apagko'la'a, tén han ma'a apkelyenmeyakla'a, hakte cháxa apáwa apkexyawáyo nak ekyetchesamaxkoho m'a nentémakxa ekpéwomo nak, cham'a apkeltémakxa nak Dios énxet'ák apagkok.”

SAN JUDAS 1:23

Kólhexyawásekxa' nahan neyseksa táxa kólwagkasek teyp ma'a pók énxet'ák nak, kapyósho nahan cha'a kóllanok kélmók, wánxa agkok, kólawho eyke, kawomho nahan kéltaknawáseso m'a apkelnakta ekpeysegkeso nak eñama ekmaso apkeltémakxa.

SAN LUCAS 21:36

Kóllánekxa kéltahakxa kéxegke, nágkólyensem kélteme nempeywa nelmaxnagko, yakwayam enxoho kólegketaxchek kéxegke neyseksa ekyókxoho xa aksok peya nak katnehek, yakwayam enxoho anhan kólchánwók nápakto' ma'a aptaha nak Apketche énxet.”

SAN MARCOS 16:5

Xama axta elántaxna kañe' takhaxpop, wet'ak axta xama wokma'ák apha m'a ekpayhókxa nak nelya'asamakxa, aphóxek axta aptaxno apmopé m'a wokma'ák nak. Kelyegwakkek axta xa kelán'ák nak.

SAN LUCAS 20:35

énxet'ák ekpayhawo nak elántexek ma'a axnagkok negókxa nak, cham'a ekpayhawo nak han enakxétekhágwók, kamaskok sat elyamhápegko énxet tén han kelán'ák,

SAN MATEO 10:11

“Kélwokmek agkok xama tegma apwányam, esenhan ma'a nátegma apheykegkaxa enxoho énxet, kólchetam sat sekxo' ma'a énxet kéláyo nak, kólhakha sat apxagkok ekwokmoho kélxegákxo makham ma'a.

APOCALIPSIS 11:13

Keñe axta ektepa ekyawheykha xóp ekyennakte agko', palchesakmek axta anhan nápakha tegma ekwokmo axta cha'a diez apyókxoho, siete mil axta anhan apyókxoho apkeletsapma énxet'ák. Keñe m'a ektaha axta meletsapma, apchekakxoho axta apkelpeykásawók Dios apha nak néten.

2 TESALONICENSES 1:5

Cháxa senxekmóso ektaha ekpéwomo agko' ma'a ektémakxa nak segyekpelchémo Dios, cham'a ekxeyenma nak apwáxok ekpayhawo kólántexek kéxegke m'a aptémakxa nak Wese' apwányam Dios. Cháxa keñamak kéllegágkoho nak kéxegke xa.

LOS HECHOS 1:15

Yáma wenaktémok axta, keñe axta apkeltennáseyncha'a Pedro apnámokkok ektaha axta melya'áseyam xamo', ciento veinte axta apyókxoho énxet. Aptahak axta apkeláneya s'e:

APOCALIPSIS 1:11

Entahak axta amya'a seyáneyáxko s'e; “Etaxés sat weykcha'áhak ektahakxa nak apweté, yapháses sat ma'a siete apchakneykekxexa nak yókxexma Asia, cham'a Efeso tén han ma'a Esmirna, tén han ma'a Pérgamo, tén han ma'a Tiatira, Sardis, Filadelfia, tén han ma'a Laodicea.”

APOCALIPSIS 14:4

Axta etnéseseykmohóxma kelán'a xa énxet'ák nak, axta elánesók ekmaso nak nentémakxa mansexta, wánxa aksa apkelyetlama apmahágkaxa enxoho m'a Nekkések Apketkok. Apkelwagkáseykpek axta teyp xa énxet'ák nak nepyeseksa énxet'ák keso náxop, ektémol'a émha amonye aksok kélméso Dios, tén han ma'a kélmésamol'a Nekkések Apketkok.