APOCALIPSIS 3:3 - Lengua Sur (Enxet) Nuevo Testamento

³ Kaxén apwáxok ma'a nelxekmowásamáxche kélxekmósa axta exchep; néyensem aksa xa, eyakmagkas apwáxok ey'ókxa m'a Dios. Apténawok sat agkok xép, máxa apmenyexma sat atnehek ay'ótak xép neyseksók melhaxneykha.

APOCALIPSIS 3:3 Referans Kwoze

APOCALIPSIS 2:5

Kaxénwakxoho apwáxok xép aptémakxa axta sekxo' metyekemxa axta, ey'ókxa makham Dios, elána makham ma'a apkeláneya axta sekxo' agko'. Sat agkok etnahak xa, kaxwo' sat ay'óta' yakwayam ataknawagwata', tén han alyementagwatak xép ma'a chálewaso ekheykegkaxa nak, cham'a mey'aweykxo enxoho exchep Dios.

2 SAN PEDRO 3:10

Katlakkasek sat ewatak Wese' egegkok, ektémol'a énxet apmenyexma ekpelakkaso ewa'. Keñe sat kamaskok ma'a néten yetlo ekyennakte extegyawa. Táxa sat kamasesók ekyókxoho aksok ekhéyak nak néten tén han náxop, kasawhaxkohok sat kalmétek ekyókxoho aksok

1 TESALONICENSES 5:2

Kélya'ásegkok ektakmela kéxegke yakwánxa nak katnehek apweykta Wese' egegkok, ewatak sat neyseksa megkólhaxneykha, ekhawo ektémakxal'a énxet apmenyexma ewak axta'a.

APOCALIPSIS 16:15

“Kóllano hana, exyekmek ko'o mehelháxanmakxoho ekhawo aptémakxal'a apmenyexma. Apkeleñémo agko' énxet ektaha nak apkelhaxneykha, tén han ma'a apkeláneykekxa nak apkelnakta yakwayam elántaxnekxa', yakwayam enxoho nahan metyesha meyke apáwa tén han megkataxchek ma'a segmegkasamo nak.”

SAN MATEO 25:13

Keñe axta anhan aptaha apkeláneya Jesús énxet'ák se'e: “Nágkólnakténho aksa kéxegke, hakte megkólya'ásegkok kéxegke ekwánxa ekhem, megkólya'ásegkok nahan ekwánxa hora.

HEBREOS 2:1

Ekeso eñamakxa eyéméxko agko' nak antakmelcheshok negháxenmo negko'o m'a amya'a nenleg'a axta, yakwayam enxoho mólyetnakhágwomek negko'o negyetlo xa.

1 TIMOTEO 6:20

Xép, Timoteo, etakmelches ma'a aptamheykha apxaka axta exchep. Nágyeyxho aksa exchep ektémakxa nak amya'a eñama keso náxop ektaha nak han mékoho, nágyeyxho nahan ma'a kélya'ásegwayam megkamámnaksoho ekxénamaxkoho nak ektaha negya'ásegwayam.

SAN MARCOS 13:36

katlakkasek katnehek ewata', keñe eteyágwatak kélnaktenakxa kéxegke.

SAN MARCOS 13:33

“Kólleyxmakha, nágkólnakténho aksa, hakte megkólya'ásegkok kéxegke yakwánxa katnehek xa.

APOCALIPSIS 3:19

Agkéshok cha'a ko'o sekpeywa apyókxoho ektaha nak selásekhayo, altennásekxohok nahan cha'a ekyetna enxoho megyakhémo aptahakxa. Etne exchep ekmáheyo agko' apwáxok, eyakmagkas apwáxok, ey'ókxa Dios.

2 SAN PEDRO 3:1

Elyáxeg selásekhayo, keso ektaha nak ánet sektáxéseso weykcha'áhak kéxegke s'e seyáphásesa nak. Emenyék axta ko'o agkések sekpeywa kéxegke tén han seyámenyého kapewhok elchetamso kélwáxok, cháxa ánet sektáxéseso nak weykcha'áhak kéxegke.

APOCALIPSIS 3:11

Kaxwo' sat awata'. Etakmelches xa aptémakxa nak cha'a, yakwayam enxoho méko keymentók ma'a aksok apxawé naksa nak xép.

APOCALIPSIS 2:25

Kóltakmelches ma'a kéltémakxa nak cha'a kéxegke ekwokmoho sekwakto ko'o.

2 SAN PEDRO 1:13

Xénchek ko'o ewáxok eyéméxko altennásekxohok cha'a kéxegke xa sektahakxa exchek seláneya neyseksók sekha makham.

2 TIMOTEO 1:13

Etlaw xép ma'a nelxekmowásamáxche ektakmela apxaka axta eñama ko'o, neylwatés nahan apteme mey'áseyam, tén han ma'a ektémakxa nak nelásekhamaxkoho ekyetna nak negko'o eñama negyepetcheyo Cristo Jesús.

APOCALIPSIS 3:2

Exatakha, elmeyásekxa' makham elyennakte m'a aksok ekyetna nak makham xép, cham'a peya nak kalmassegwók, hakte ekwet'ak ko'o megkapéwo makham aptahakxa exchep nápakto' Dios ahagkok.

APOCALIPSIS 22:7

“¡Kaxwo' sat awata'! ¡Apkeleñémo sat ma'a ektaha nak apkelyaheykekxoho amya'a ekxeyenma nak yakwánxa katnehek egmonye eknaktáxesamaxko nak se'e weykcha'áhak nak!”