APOCALIPSIS 3:14 - Lengua Sur (Enxet) Nuevo Testamento

¹⁴ “Etáxéses nahan Dios apchásenneykha nak ma'a apchakneykekxexa nak énxet tegma apwányam Laodicea: ‘Keso aptahakxa nak appeywa aptaha nak apmámnaksoho s'e, aptaha nak han meyeykháseykegkoho appeywa, ekmámnaksoho agko' nahan etnehek appeywa, aptaha nak han eñamakxa ekyókxoho aksok ektaha axta Dios apkelané:

APOCALIPSIS 3:14 Referans Kwoze

COLOSENSES 1:15

Cristo apteme negweté aptémakxa m'a Dios aptaha nak metémap, cham'a Cristo aptaha nak apkemha apmonye Dios Apketche, aphegkek axta amonye elánamáxche ekyókxoho aksok.

APOCALIPSIS 1:5

tén han eleñama m'a Jesucristo, aptaha nak ekmámnaksoho agko' apxeyenma aptémakxa Dios, aptaha axta nahan apmonye apxátekhágwayam nepyeseksa apkeletsapma axta, aptaha nak han ekha kélyaheykekxoho nepyeseksa kelwese'e apkelwányam nak keso náxop. Egásekhayok negko'o Cristo, egmasésesek axta nahan mólya'asáxma, cham'a apyegkena axta éma apagkok,

COLOSENSES 1:18

Cristo nahan apteme apkemha apmonye nepyeseksa Dios énxet'ák apagkok, ektaha nak han apyókxa. Aphegkek axta Cristo sekxo' agko', apmonye axta anhan apxátekhágwayam nepyeseksa énxet'ák apkeletsapma nak, yakwayam enxoho etnehek Cristo apkemha apmonye neyseksa m'a ekyókxoho aksok nak.

2 CORINTIOS 1:20

Cristo nahan keñamak eksawhomáxkoho ektéma m'a apxeyenma axta elának Dios. Ekeso eñamakxa nentéma nak cha'a nempeywa neltemésesa enxoho apcheymákpoho Dios se'e: “Katnahagkok sat” eñama m'a Cristo Jesús.

APOCALIPSIS 3:7

“Etáxéses nahan Dios apchásenneykha nak ma'a apchakneykekxexa nak énxet tegma apwányam Filadelfia: ‘Keso aptahakxa nak appeywa m'a aptaha nak aptakmalma, aptaha nak han apmámnaksoho, cham'a apmeykencha'a nak wese' apwányam David ketchesama átog apagkok, cham'a magmowána nak agápekxa' apmeykesa enxoho m'a, magwanchek nahan agmeykesek apchapeykxo enxoho;

APOCALIPSIS 22:13

Ko'o sekteme sémha emonye tén han ektemegwánxa néxa, sekteme nahan eyeynókxa tén han ektemegwánxa néxa, sekteme nahan ektepakxa, tén han eksawhexchexa.”

APOCALIPSIS 19:11

Ekwet'ak axta ko'o aptepa yatnáxeg apmopé ekmayhekxo m'a néten. Enxet ekmámnaksoho meyenseyam apyetlo Dios axta apwesey m'a ektaha axta apchánte, hakte ekpéwomo agko' axta m'a ektémakxa axta apyekpelchémo énxet'ák, tén han ma'a ektémakxa axta apkelané kempakhakma.

APOCALIPSIS 22:6

Aptahak axta seyáneya Dios apchásenneykha s'e; “Ekmámnaksoho agko' se'e amya'a nak, kélwanchek megkólya'asók, apcháphásek axta apchásenneykha Dios Wese' egegkok, aptaha axta apméso Espíritu apagkok ma'a énxet'ák ektaha nak apkellegaso appeywa, yakwayam enxoho exekmósek apkelásenneykha peya kañehémhok katnehek xa.”

APOCALIPSIS 21:6

Keñe axta aptaha seyáneya s'e: “Penchásexchek elánamáxche ekyókxoho aksok, ko'o sekteme sémha emonye, tén han ektemegwánxa néxa, ko'o nahan sekteme eyeynókxa tén han ektemegwánxa néxa. Hem agkok enchakhak énxet, wagkok sat ko'o yegmen eñama m'a ekteyapmakxa nak yegmen ekyennaktésamo nak egnenyek, agkések sat meyke ekyanmaga.

APOCALIPSIS 1:11

Entahak axta amya'a seyáneyáxko s'e; “Etaxés sat weykcha'áhak ektahakxa nak apweté, yapháses sat ma'a siete apchakneykekxexa nak yókxexma Asia, cham'a Efeso tén han ma'a Esmirna, tén han ma'a Pérgamo, tén han ma'a Tiatira, Sardis, Filadelfia, tén han ma'a Laodicea.”

APOCALIPSIS 2:1

“Etáxéses Dios apchásenneykha nak ma'a apchakneykekxexa nak énxet tegma apwányam Efeso: ‘Keso ektémakxa nak appeywa aphágko nak siete yaw'a apmek ekpayhókxa apkelya'asamakxa, cham'a apweynchamencha'a nak neyseksa chálewaso ekyátekto elyenma:

COLOSENSES 4:16

kélpenchesek sat agkok kélyetseté s'e weykcha'áhak nak, kólaphés sat nahan ma'a apchakneykekxexa nak énxet'ák tegma apwányam Laodicea, yakwayam enxoho kalyetsetaxchek nahan ma'a. Kólyetset sat nahan kéxegkáxa weykcha'áhak ekwe enxoho kélhágkaxa eñama m'a Laodicea.

COLOSENSES 2:1

Eltamhok ko'o kólya'ásegwomhok selenxanakmoho sektamheykha ekyentaxno agko' yakwayam apasmok kéxegke, tén han ma'a énxet'ák apheykha nak tegma apwányam Laodicea, tén han ma'a apyókxoho énxet mehetaya nak makham sekyókxoho.

SAN JUAN 1:3

Axta keñamak apkeláneya Dios ekyókxoho aksok ma'a, megkalanaxchek axta ekyókxoho aksok ekhágko nak, méko enxoho m'a ektaha nak Appeywa.

SAN JUAN 8:14

Aptahak axta apchátegmowágko Jesús se'e: —Sekxénamaxchekxoho ahagko' eykhe ektahak ko'o, háwe eyke eyakhémo xa sektahakxa nak sekpeywa. Hakte ekya'ásegkok ko'o m'a señamakxa axta, ekya'ásegkok nahan ma'a yakwánxa nak amhagkok. Akke kólya'ásegkok kéxegke.