APOCALIPSIS 22:14 - Lengua Sur (Enxet) Nuevo Testamento

¹⁴ Apkeleñémo agko' énxet apkelyenyeso nak apkelnakta, hakte kaphemmok sat yakwayam etawagkok ekyexna m'a yámet ekyennaktésamo nak egnenyek, elepwának sat nahan elántexek ma'a tegma apwányam nak.

APOCALIPSIS 22:14 Referans Kwoze

APOCALIPSIS 21:27

Wánxa agkok, megkatxek sat eyke aksok ekmanyása m'a, metxek sat nahan ma'a énxet ekmaso agko' nak aptémakxa, esenhan ma'a aksok sẽlyexancheseykha nak, wánxa sat elántexek ma'a énxet'ák eknaktáxésamaxko nak apkelwesey weykcha'áhak eknaktáxésamaxchexa nak apkelwesey énxet'ák peya nak elwagkasakpok teyp, cham'a weykcha'áhak ektaha nak Nekkések Apketkok apagkok.

1 SAN JUAN 5:3

Cha'a negásekhayo Dios ma'a nelyaheykekxoho nak apkeltémókxa antehek; kexyókok ma'a apkeltémókxa nak antehek Dios.

APOCALIPSIS 22:7

“¡Kaxwo' sat awata'! ¡Apkeleñémo sat ma'a ektaha nak apkelyaheykekxoho amya'a ekxeyenma nak yakwánxa katnehek egmonye eknaktáxesamaxko nak se'e weykcha'áhak nak!”

1 SAN JUAN 3:3

Negyókxoho ekyetnakxa enxoho xa nelhaxanma nak, nentemesásamáxkoho egagko' antehek negáxñeyo, ekhawo m'a ektémakxa nak megkeypetchegweykmoho Jesucristo xama aksok ekmanyása.

SAN JUAN 14:15

“Elásekha'awók agkok ko'o kéxegke, kólyahakxoho sat ma'a seltémókxa nak kóltehek.

APOCALIPSIS 2:7

¡Kéxegke ekha nak kélheyk'ák, kóleyxho ektahakxa apxeyenma Espíritu kélakneykekxexa! Enxet'ák ektahakxa enxoho apkelmalanma, agkések sat ko'o yámet ekyexna yakwayam etawagkok, cham'a ekyennaktésamo nak egnenyek énma nak ma'a néten Dios yókxexma apagkok ektakmela.’

1 CORINTIOS 7:19

Akke tásek negko'o ólyahakxohok ma'a apkeltémókxa nak antehek Dios, megkeyxek ma'a ekyetna enxoho sẽlkahaso kélyenyekhamol'a egyempehek esenhan ma'a méko enxoho.

APOCALIPSIS 22:2

kenyeyk axta yegmen ámay nepyeseksa tegma apwányam. Kenmeyk axta yámet ekyennaktésamo egnenyek neyáwa wátsam ektakmalma, kenmeyk axta nahan mók ma'a mók nekha wátsam, yókxoho pelten axta nahan cha'a katnehek ekyexno xa yámet nak, doce axta cha'a katnehek ekyexneykekxa xama apyeyam, kaltakmelchesamhok axta cha'a apyókxoho énxet'ák apheykha náxop áwa' xa yámet nak.

SAN JUAN 10:7

Aptahak axta makham Jesús apkeláneya énxet'ák se'e: “Ko'o sekteme átog apkelántaxnegweyktamxal'a nekkések. Nakso' xa sektahakxa nak seláneya kéxegke.

SAN JUAN 10:9

Ko'o sekteme átog; ewagkasakpok sat teyp énxet ektahakxa enxoho aptaxnegwé. Máxa sat etnehek ma'a nekkések aptaxnegweyktal'a apxagkok keñe m'a aptepa enxoho étak pa'at.

APOCALIPSIS 7:14

“Wese', xép apya'ásegko'”, axta ektahak seyátegmowágko ko'o. Keñe axta aptaha seyáneya s'e: “Cháxa énxet'ák ektaha axta apkelyeykhé ekyawe apkellegeykegkoho xa, apkelyenyések axta apkelántaxno Nekkések Apketkok éma apagkok xa, kelmopeyásekxók axta anhan.

GÁLATAS 5:6

Nentemék agkok negko'o negyepetcheyo Cristo, méko katnehek ekha enxoho sẽlkahaso kélyenyekhamol'a egyempehek esenhan ma'a méko enxoho. Akke tásek keytek negko'o m'a magya'áseyam nak, cham'a magya'áseyam sentemésesamol'a ekha nelásekhamaxkoho.

APOCALIPSIS 21:12

Netna'awok axta nahan nepyáwa kélhaxta xa tegma apwányam nak, elyawa axta nahan kélhaxta, doce axta nahan ekyókxoho átog, apchakneykha axta nahan Dios apkelásenneykha ekyókxoho atña'ák, ekyókxoho átog axta nahan naktáxésamaxchek apkelwesey m'a doce pók aptémakxa énxet'ák apkeleñama nak Israel.

1 CORINTIOS 9:5

Payhawók eykhe nahan negko'o xa annaklawha egnakteyegka'a megkalya'áseyam nak Wese' egegkok, ekha enxoho, ekhawo aptamheykegkaxal'a pók seykha amya'a nak, ekhawo aptamheykegkaxal'a nahan ma'a Wese' egegkok apkelyáxeg apancha'awo nak, tén han ma'a Cefas.

1 CORINTIOS 8:9

Nágkólho aksa kalanaksek melya'asáxma énxet'ák elyelkamáxkoho apteme melya'áseyam xa kélmowána nak kóllának kéxegke kélmokókxa enxoho kóllának.

SAN JUAN 14:6

Aptahak axta apchátegmowágko Jesús se'e: —Ko'o sekteme ámay, ekmámnaksoho, tén han ekyennakte egnenyek. Ko'o sekwánxa ahagkok apkelmeyeykemxa énxet yakwayam elmahagkok ma'a aphakxa nak Táta.

SAN JUAN 4:12

Nelyeyheyncha'a Jacob axta sempekkencháseykekxa negko'o s'e yámelchet nak, keso apyamakxa axta nahan cha'a yegmen se'e, axta nahan apyeneykegkaxa cha'a yegmen apketchek se'e, tén han ma'a apnaktóso. ¿Xép enxeykel'a apteme apyekhágweykmoho Jacob?