APOCALIPSIS 22:13 - Lengua Sur (Enxet) Nuevo Testamento

¹³ Ko'o sekteme sémha emonye tén han ektemegwánxa néxa, sekteme nahan eyeynókxa tén han ektemegwánxa néxa, sekteme nahan ektepakxa, tén han eksawhexchexa.”

APOCALIPSIS 22:13 Referans Kwoze

APOCALIPSIS 21:6

Keñe axta aptaha seyáneya s'e: “Penchásexchek elánamáxche ekyókxoho aksok, ko'o sekteme sémha emonye, tén han ektemegwánxa néxa, ko'o nahan sekteme eyeynókxa tén han ektemegwánxa néxa. Hem agkok enchakhak énxet, wagkok sat ko'o yegmen eñama m'a ekteyapmakxa nak yegmen ekyennaktésamo nak egnenyek, agkések sat meyke ekyanmaga.

APOCALIPSIS 1:8

Aptahak Wese' Dios ekha apyennakte s'e: “Ko'o sekteme eyeynókxa tén han ektemegwánxa néxa,” cham'a apha nak kaxwo', cham'a aphama axta nahan nano' axta, cham'a peya nak han ewata'.

APOCALIPSIS 1:17

Xama axta sekwet'a ko'o xa, elpólenteyk axta náxop apkenmágkaxa ektémol'a ótsapok, wánxa agkok, aptahak axta seyáneya sepaknegwa'awo apmek ekpayhókxa apkelya'asamakxa s'e: “Náheyé', ko'o sekteme eyeynókxa tén han ektemegwánxa néxa,

APOCALIPSIS 1:11

Entahak axta amya'a seyáneyáxko s'e; “Etaxés sat weykcha'áhak ektahakxa nak apweté, yapháses sat ma'a siete apchakneykekxexa nak yókxexma Asia, cham'a Efeso tén han ma'a Esmirna, tén han ma'a Pérgamo, tén han ma'a Tiatira, Sardis, Filadelfia, tén han ma'a Laodicea.”

APOCALIPSIS 2:8

“Etáxéses nahan Dios apchásenneykha nak ma'a apchakneykekxexa nak énxet tegma apwányam Esmirna: ‘Keso ektémakxa nak appeywa aptaha nak eyeynókxa tén han ma'a ektemegwánxa néxa, cham'a apketsapma axta, cham'a apha nak makham:

APOCALIPSIS 3:14

“Etáxéses nahan Dios apchásenneykha nak ma'a apchakneykekxexa nak énxet tegma apwányam Laodicea: ‘Keso aptahakxa nak appeywa aptaha nak apmámnaksoho s'e, aptaha nak han meyeykháseykegkoho appeywa, ekmámnaksoho agko' nahan etnehek appeywa, aptaha nak han eñamakxa ekyókxoho aksok ektaha axta Dios apkelané:

SAN JUAN 13:32

Apxekmósek agkok ektémakxa apcheymákpoho Dios ma'a ektaha nak Apketche énxet, keñe sat nahan Dios exekmósek ektémakxa apcheymákpoho m'a ektaha nak Apketche énxet; kaxwo' sat nahan henxekmósek.