APOCALIPSIS 21:21 - Lengua Sur (Enxet) Nuevo Testamento

²¹ Doce aksok elyakye ekhó lamom axta m'a doce átog nak, xama aksok ekyakye ekhó lamom axta cha'a elánamáxche xama átog, sawo ekyátekto elyenma agko' axta nahan ma'a ámay nepyeseksa xa tegma apwányam nak, máxa axta m'a sokpeysyamla'a elyenma.

APOCALIPSIS 21:21 Referans Kwoze

APOCALIPSIS 21:18

Meteymog ekyennakte axta nahan elánamáxche kélhaxtegkeso nepyáwa xa tegma apwányam nak, keñe axta sawo ekyátekto elyenma m'a tegma apwányam nak, máxa axta m'a sokpeysyam la'a elyenma.

APOCALIPSIS 17:4

Hómáyok axta ektaxno xa kelán'a nak, apyexwasé axta nahan, wakhésamaxchek axta nahan eknatanma sawo ekyátekto elyenma, tén han ma'a meteymog eltakmalma nak, tén han ma'a aksok ekmomnáwa elyakyel'a, egheykok ektakmalma axta nahan ekmeykha láneyók axta aksok ekmanyása eñama m'a ekmaso ektémakxa axta kamasexta;

APOCALIPSIS 22:2

kenyeyk axta yegmen ámay nepyeseksa tegma apwányam. Kenmeyk axta yámet ekyennaktésamo egnenyek neyáwa wátsam ektakmalma, kenmeyk axta nahan mók ma'a mók nekha wátsam, yókxoho pelten axta nahan cha'a katnehek ekyexno xa yámet nak, doce axta cha'a katnehek ekyexneykekxa xama apyeyam, kaltakmelchesamhok axta cha'a apyókxoho énxet'ák apheykha náxop áwa' xa yámet nak.

APOCALIPSIS 18:16

Sat nahan etnehek elpakmétek se'e: “¡Xép laye tegma apwányam! aphawók axta exchep kelan'a apkexyawáyol'a ektaxno, ektaxneykekxal'a apáwa hómáyok tén han ma'a apyexwasél'a, cham'a ekmeykencha'awol'a sawo ekyátekto elyenma ekmomnáwa kalnáxamha, tén han ma'a eknatanma ekmomnáwal'a, tén han ma'a meteymog ektakmalmal'a.

APOCALIPSIS 4:6

Máxa axta anhan wátsam ekwányam ekyetna amonye xa taháno ektakmalma nak, máxa axta aksok elyenmal'a. Ekwet'ak axta anhan ko'o aphó énxet neyseksa xa taháno nak, tén han ma'a neyáwa, xámok axta kélakta'ák apnenyek, tén han ma'a akkapok.

APOCALIPSIS 21:15

Apsókha axta nahan kélyetsáteyak ekyátekto elyenma m'a Dios apchásenneykha sepakhetchesa axta ko'o, yakwayam elyetsetagkok xa tegma apwányam nak, tén han ma'a atña'ák nak, tén han ma'a kélhaxta nak nepyáwa.