APOCALIPSIS 21:14 - Lengua Sur (Enxet) Nuevo Testamento

¹⁴ Doce meteymog axta nahan héyegkok ekméyak xa tegma nepyáwa kélhaxta nak, cham'a meteymog eknaktáxésamaxko nak apkelwesey doce Nekkések Apketkok seykha amya'a apagkok nak.”

APOCALIPSIS 21:14 Referans Kwoze

HEBREOS 11:10

Hakte axta apkelhaxanmak Abraham ma'a tegma apwányam aptaha nak memassegwayam, aptaha nak Dios apkelané yakwánxa katnehek apkelánamap, Dios apagko' nahan apkelané xa tegma nak.

EFESIOS 2:20

Kéxegke kélteme máxa xama tegma apkelánamapla'a néten tegma apówhak ekyennaktesol'a tegma, cham'a aptaha nak seykha amya'a, tén han ma'a énxet'ák Dios appeywa apkellegaso nak. Jesucristo eyke apteme meteymog apyennakteso xa tegma nak.

APOCALIPSIS 18:20

Kalpayhekxa' kélwaxok kéxegke kélheykha nak néten, kélwet'a ektahakxa xa tegma apwányam nak, kalpayhekxa' nahan kélwáxok kéxegke kéltaha nak Dios énxet'ák apagkok tén han ma'a aptaha nak seykha amya'a tén han ma'a ektaha nak Dios appeywa apkellegaso, hakte aphésásók mók Dios aptemésesamakxa axta kéxegke xa tegma apwányam nak, cham'a apxéna axta Dios yakwánxa katnehek kéllegasáseykegkoho xa tegma apwányam nak.

SAN JUDAS 1:17

Elyáxeg selásekhayo, kaxénwakxoho kélwáxok kéxegke aptemésesakxa axta Jesucristo seykha amya'a apagkok,

EFESIOS 3:5

Axta kólhayok elyekpelkohok énxet'ák xa amya'a ekpowásamáxkoho nak, cham'a nano' axta, wánxa agkok, apxekmósek eyke kaxwo' Dios ma'a seykha amya'a apkelpagkanamap nak, tén han ma'a énxet'ák ektaha nak apkellegaso appeywa eñama m'a Espíritu apagkok nak.

SAN MATEO 16:18

Keñe ko'o sekxéna exchep aptaha Pedro, neltéma nak meteymog. Axamásekxak sat ko'o énxet'ák ahagkok ekyetnakxa xa meteymog nak; yawanchek sat nahan kamasesók nétsapma xa.

EFESIOS 4:11

Cristo axta anhan apkelmeyáseyak nápakha énxet yakwayam etnahagkok seykha amya'a, keñe axta anhan nápakha énxet'ák apkelmeyásegko yakwayam etnahagkok Dios appeywa apkellegaso, keñe axta anhan apkelmeyásegko nápakha énxet'ák yakwayam etnahagkok apkeltenneykha tásek amya'a, keñe axta anhan nápakha énxet'ák apkelmeyásegko yakwayam etnahagkok apkelmeykha apnámokkok kélakneykekxexa, tén han ma'a énxet'ák apkelxekmóso nak apnámokkok.

GÁLATAS 2:9

Apkelya'ásegkok axta aptaha Dios segkéso ko'o sektamheykha ektakmela Santiago, Pedro tén han Juan, cham'a apkelxénamakpo axta aptaha apkelámha apmonye'e kélakneykekxexa. Ẽlpeykásegkek axta negko'o xa énxet'ák nak, ko'o tén han Bernabé, yakwayam enxoho etnésesek ekmámnaksoho nentamheykha xamo'. Hawók axta anhan mók apkelpakmeyesma apkeltamho ólmahagkok óltemeykha negko'o m'a nepyeseksa énxet'ák metnaha nak judíos, keñe peya eltemeykha nepyeseksa énxet'ák judíos xa énxet'ák nak.

LOS HECHOS 1:26

Keñe axta aptawásegko xama aksok yakwayam enxoho étak ma'a ektaha axta kélyéseykha, Matías axta pehewokmok ma'a, keñe axta appaxka'a m'a once seykha amya'a nak.

APOCALIPSIS 21:13

Antanxo axta átog ekpayho ekteyapmakxa ekhem, antanxo axta nahan átog ekpayho nexcheyha, antanxo axta nahan átog ekpayho nepyeyam, antanxo axta nahan átog ekpayho nak taxnegwánxa ekhem.