APOCALIPSIS 20:4 - Lengua Sur (Enxet) Nuevo Testamento

⁴ Ekwet'ak axta ko'o taháno ektakmalma yetlo apheykha néten ma'a apkelxawágko axta kélyaheykekxoho yakwayam etnehek apkelyekpelchémo apyókxoho énxet'ák. Ekwet'ak axta nahan ko'o aphagák ma'a ektaha axta kélyaktencháseyak apyespa'ák eñama meyenseyam apkeltenneykha Jesús apwesey tén han ma'a amya'a eñama nak Dios. Axta elpeykesamok aksok nawhak eklo xa énxet'ák nak, axta nahan elpeykesamok ma'a kéleykmáseso kélheyásekegkoho nak aksok nawhak eklo, axta nahan yahayók keytek elkahaso aksok nawhak eklo m'a ekpayhakxa nápát, esenhan ma'a apmek. Ekwet'ak axta nahan ko'o apnakxétekhágwokmo xa énxet'ák nak. Kelwese'e axta aptamhágkok xamo' Cristo ekweykmoho mil apyeyam.

APOCALIPSIS 20:4 Referans Kwoze

SAN MATEO 19:28

Aptahak axta apchátegmowágko Jesús se'e: —Wokmek sat agkok ekhem yakwánxa katnekxak axnagcha'ák ekyókxoho aksok, cham'a apha sat néten aptaháno eyeymáxkoho m'a aptaha nak Apketche énxet, kólhakha sat nahan kéxegkáxa doce taháno, kéxegke kéltaha nak sétleykha, yakwayam enxoho kóltehek kélyekpelchémo m'a doce pók aptémakxa nak énxet'ák Israel. Nakso' xa sektahakxa nak seláneya kéxegke.

APOCALIPSIS 6:9

Xama axta ekwokmo cinco apleklo yampápa kélapma Nekkések Apketkok, ekwet'ak axta ko'o m'a énxet'ák aptekyawa axta eñama apkellegaso Dios appeywa kóneg ma'a ekwatnamáxchexa axta cha'a aksok nawha'ák ekyanmaga mólya'asáxma.

APOCALIPSIS 3:21

Enxet'ák ektahakxa enxoho apkelmalanma, agkések sat ko'o yakwayam exek nekha sektáhano sekhamakxa nak, ekhawo ektémakxa axta ko'o xa sekmalanmá, ekhákxek axta m'a nekha aphamakxa nak Táta.

2 TIMOTEO 2:12

nenlegágkok agkok negko'o, hegwakxohok sat negko'o xa m'a aptémakxa nak Wese' apwányam Dios; agkok anxénak apwesey Cristo, mexének sat nahan negko'o xa negwesey;

APOCALIPSIS 20:6

Apkeleñémo agko' ektaha nak apmonye kélxátekháseyam eñama apteme Dios énxet'ák apagkok. Megkatnehek sat nahan ánet apkeletsapeykekxoho xa énxet'ák nak, appasmo apkelmaxnéseso Dios énxet'ák apagkok sat etnahagkok, tén han appasmo apkelmaxnéseso m'a Cristo énxet'ák apagkok, etnahagkok sat nahan kelwese'e xamo' Cristo ekweykmoho mil apyeyam.

SAN LUCAS 22:30

kóltawagkok sat kéxegke kéltéyak nekha mésa m'a sektémakxa nak ko'o Wese' apwányam, kólyenagkok sat nahan kélyenéyak; kólhakha sat nahan néten taháno eltakmela yakwayam kóltehek kélyekpelchémo m'a doce pók aptémakxa énxet'ák Israel nak.”

APOCALIPSIS 22:5

Méko sat nahan katnehek axta'a m'a tegma apwányam nak, kamaskok sat nahan apkepmenyého chálewaso ektaha nak apheykha m'a, tén han ma'a elsasó nak exma ekhem, hakte Dios Wese' egegkok sat egkések elseyexma, kelwese'e sat nahan etnahagkok megkatnegwayam enéxa.

APOCALIPSIS 12:11

Apkelmalanchek axta ẽlyáxeg'a xa eñama m'a apyegkenma axta éma apagkok Nekkések Apketkok eñama nahan ma'a apkellegaso axta amya'a ektakmela agko' xa énxet'ák nak; axta elayeyk eletsapok apmayheykegkok axta aksa eletsapok.

APOCALIPSIS 1:9

Ko'o Juan sektaha nak may'áseykmoho xamo' kéxegke Cristo, Jesús sekyepetcheyo keñamak sewákxoho nahan ko'o xa sekteme señama nepyeseksa Dios énxet'ák apagkok tén han sewákxoho seklegeykegkoho xamo' kéxegke, tén han sewákxoho m'a ektémakxa nak kélwaskápeykekxoho, yakwayam enxoho alenmaxaxkohok seklegeykegkoho ko'o. Elhésekmek axta ko'o yókxexma étkok ekwesey Patmos, eñama seklegaso m'a amya'a eñama nak Dios, cham'a aptemésesama axta ekmámnaksoho Jesús.

ROMANOS 8:17

Hegwakxohok sat nahan negko'o xa nenxawé m'a sempagkanchesama axta Dios hegmeyásekxak, cham'a sẽltennasama axta, cháxa peya sat anxawhok xamo' Cristo xa, eyámnaksoho enxoho nenlegagkoho xamo' ma'a Cristo, yakwayam enxoho ampasmok ma'a ektémakxa nak apcheymákpoho.

APOCALIPSIS 15:2

Ekwet'ak axta makham ko'o xama aksok ekyetchesamaxkoho wátsam ekwányam elyenma, táxa axta nahan ekyepetche, apchaknáha axta nahan nekha wátsam ekwányam ma'a ektaha axta apkelyaphogweykmoho apkenmexa m'a aksok nawhak eklo tén han apkenmexa m'a kéleykmáseso kélheyaseykegkoho nak aksok nawhak eklo, cham'a aksok nawhak eklo ekha nak elkahaso. Yát'axpog apyawe axta nahan apkelmeykha xa énxet'ák nak, ektaha axta Dios apkelmeyáseyak.

APOCALIPSIS 14:11

Néten cha'a kamhagkok éten agkok kéllegasáseykegkoho ekmaso agko' xa énxet'ák nak, megkatnegwayam enéxa, megkalyetyapagkek nahan cha'a kéllegasáseykegkoho énxet'ák apkelpeykesamo nak aksok nawhak eklo, tén han ma'a apkelpeykesamo nak kéleykmáseso kélheyáseykegkoho nak, cham'a énxet'ák kélkaháseyak nak ekwesey aksok nawhak eklo, yókxoho ekhem, tén han yókxoho axta'a cha'a katnehek kéllegasáseykegkoho.”

APOCALIPSIS 11:7

Apsawhakyek sat agkok apkeltenneykha m'a amya'a eñama nak Dios, keñe sat katyapok aksok nawhak eklo eñama nak kañók agko' máxek, kanmexek sat xa énxet'ák nak, kamalánek sat nahan nepyeseksa, kalnápok sat nahan.

SAN JUAN 14:19

Kaxwo' sat kamaskok sét'a énxet'ák apkeleñamakxa apagko' nak keso náxop; kéxegke sat eyke hélwetak cha'a, kólwetak sat nahan ekyennakte kélnenya'ák, hakte kayhek ko'o egkenyek.

APOCALIPSIS 17:8

Yáktegkek axta nano' xa aksok nawhak eklo apwet'a exchek xép, massegkek eyke kaxwo' ekyákto, kañe' máxek ekmatawóneg sat eyke kañentak katyapok amonye ekmaheyak ma'a yakwánxa nak kólmasesamhok agko'. Katlakkasek sat étak énxet'ák apheykha nak keso náxop, cham'a megkanaktáxesamaxko nak apkelwesey weykcha'áhak ekyennaktésamo nak egnenyek eyeynamókxa m'a sekxo' elánamáxko keso náxop, cham'a apwet'a sat xa aksok nawhak eklo ekyáktama axta nano' axta, massegkek eyke kaxwo' ekyákto, wánxa agkok kawatak sat eyke makham.

APOCALIPSIS 11:15

Siete axta apwokmok Dios apkelásenneykha appawaso apchakkahaso, keñe axta eklegáxko ekyennakte agko' kélpeywa eñama néten. Entahak axta amya'a s'e: “Wese' egegkok kaxwo' aptahak Wese' apwányam keso náxop, tén han ma'a Mesías apkeñama nak Dios. Etnahagkok sat Kelwese'e apkelwányam megkatnegwayam enéxa.”

APOCALIPSIS 11:11

Yeyk'ak axta xa antanxo ekhem náxet mók nak, apnakxetekhásekmek axta Dios xa énxet'ák nak, apchaknákxeyk axta nahan néten, apkelakak agko' axta nahan ma'a ektaha axta apkelweté.

APOCALIPSIS 11:3

Aláphaksek sat ko'o apkánet ektaha nak ekmámnaksoho apkelxeyenma amya'a ahagkok, yetlo apkelántaxno apáwa sẽlwáxakxamo nak, ellegaksek sat nahan ko'o sekpeywa ekweykmoho mil doscientos sesenta ekhem.”

ROMANOS 11:15

Sawheykxók agkok Dios segásekheykekxoho keso náxop, eñama m'a apkelyetnakhaso axta Dios énxet'ák judíos, ¿háxko katnehek apkelásekhákxoho enxoho makham Dios xa énxet'ák judíos? Elmekxak apkelyennakte m'a énxet apkeletsapma axta.

SAN LUCAS 1:17

Wese' egegkok apmonye sat exog xa Juan, exhok sat ma'a Elías aptaha axta Dios appeywa aplegaso, cham'a ektémakxa axta apmopwána tén han ekha apyennakte, yakwayam enxoho yásekhasásekxohok apketchek ma'a énxet'ák, yakwayam enxoho kaltámeyagkok apkelyaheykekxoho m'a énxet'ák meyke apkelyaheykekxoho nak. Sat etnésesek apkeláneseykekxa apkeltémakxa énxet'ák yakwayam emok takha' Wese' egegkok xa ektaha nak.

SAN MARCOS 9:11

Aptahak axta Jesús apkeltámeséyak apkelmaxneyeyncha'a s'e: —¿Yaksak ektéma apkelxeyenma nak apmáheyo ewak apmonye Elías ma'a énxet'ák apkelxekmóso nak apnámokkok ektémakxa segánamakxa?

SAN MARCOS 6:27

Keñe axta apcháphasa heykxa xama sẽlpextétamo yetlo apkeltémo esantámho Juan apkátek.

SAN MARCOS 6:16

Xama axta apleg'a Herodes ektaha amya'a xa, aptahak axta s'e: —Juan neykhe m'a. Eltamhok axta ko'o kólyakténchesek apyespok, apxátekhágwokmek eyke kaxwo'.

SAN MATEO 24:10

Apxámok sat énxet apkelyenseyam apteme melya'áseyam ma'a ekhem sat, etaknaweykxak sat cha'a pók apagko' énxet, etlakkasesek sat nahan cha'a yának emakpok pók.

SAN LUCAS 14:14

kapayhekxak sat nahan kélwáxók, hakte mopwancha'ak eyanmagkasesek kéxegke xa énxet'ák nak, keytek sat eyke kéxegke ekyakmageykekxa kéltahakxa m'a ekhem apnakxétekhágwokmo sat énxet'ák apkelpéwomo nak.

APOCALIPSIS 1:2

Apkeltennáha axta Juan ekmámnaksoho agko' ekyókxoho aksok ektahakxa axta apweté, cham'a aptaha nak han apxeyenma m'a amya'a eñama nak Dios, cham'a amya'a apkeltenneykencha'a axta anhan Jesucristo.

APOCALIPSIS 2:26

Enxet'ák ektahakxa enxoho apkelmalanma, cham'a apkelwagkasamo nak néxa apkeláneyak ma'a ektémakxa nak sekmámenyého, atnésesek sat ko'o ekha kélyaheykekxoho nepyeseksa apyókxoho pók aptémakxa énxet'ák nak,

APOCALIPSIS 4:4

Ekwet'ak axta anhan ko'o veinticuatro taháno eltakmela yetlo apheykha néten veinticuatro apkelámha apmonye'e neyáwa xa taháno ektakmalma nak; apkelmopé axta apkelántaxno, sawo elyenma axta anhan ma'a apkelatcheso apkatkók.

APOCALIPSIS 7:3

“¡Nágkóltawasha sekxo' náxop, nágkóltawasha nahan wátsam ekwányam, nágkóltawasha nahan yenta'a mampekkena nak makham sekxo' kélkahaso ekpayhakxa nápát ma'a Dios egagkok apkelásenneykha nak!”