APOCALIPSIS 2:22 - Lengua Sur (Enxet) Nuevo Testamento

^22-23 Cháxa keñamak sekmoko nak ko'o agkések ekháxamáxche xa kelán'a nak, annahakkasek sat nahan étchek; Allegásesagkohok agko' sat ko'o m'a énxet'ák apnaktawáseykencha'a nak elyamhápeyak apkeláneykegko xa kelán'a nak, cham'a melwáteságko enxoho apkeláneyak ektémakxa nak xa kelán'a nak. Sat kañék apkelya'ásegwayam énxet ekyókxoho apchakneykekxexa sekya'áseykegkoho ko'o ekweykmoho kañók agko' apwáxok énxet, ayakmagkásekxak sat ekyókxoho ektémakxa nak kéllané kéxegke megkólya'asáxma.

APOCALIPSIS 2:22 Referans Kwoze

APOCALIPSIS 17:2

Apyakmagkáseykegkek axta nahan cha'a pók kelwese'e apheykha náxop apatheteykegko xa kelán'a nak, kelnáhakkasek axta nahan anmen énxet apheykha náxop elánésa ekmaso nentémakxa mansexta xa kelán'a nak.”

SAN LUCAS 13:5

Eltennásek ko'o megkañama xa; agkok kólyakmagkásak kéxegkáxa kélwáxok, kóletsapok sat.”

APOCALIPSIS 18:9

Ellekxagwaha sat kelwese'e apkelwányam apkeleñama náxop apwet'a enxoho ekpakna éten apmeta xa tegma apwányam nak, ektaha nak ekyetchesamaxkoho kelán'a ekmaso ektémakxa, cham'a apyakmagkáseykegko axta pók appatheteykegko, cham'a ekweykekxoho axta anhan ma'a ektémakxa nak ektakmelmo ekha.

APOCALIPSIS 18:3

Ekyókxoho yókxexma nahan kelnahakkásak anmen eñama m'a ektémakxa nak kamasexta Babilonia; apyakmagkáseykegkek axta anhan pók kelwese'e apheykha náxop appathetéyak xa, keñe anhan ektemesáseykegko kelwese'e m'a énxet'ák apkelyanmagkásamap nak keso náxop, eñama m'a ekyeykhásamáxkoho nak elma aksa cha'a aksok.”

SAN LUCAS 13:3

Eltennásek ko'o megkañama xa; agkok kéxegkáxa kólyakmagkásak kélwáxók, kóletsapok sat nahan kéxegkáxa.

2 CORINTIOS 12:21

Eyekak nahan ko'o hegkések sekmegkakto Wese' egegkok kéxegke eñamakxa, cham'a sektaha sat makham meyk'a kéxegke, hegkések nahan katnehek selekxagweykha eñama megkólwáteseyam kéllané megkólya'asáxma kélnápakha kéxegke, megkólwáteseykmók nahan kéllané kéltémakxa ekmanyása, tén han ma'a ekmaso kéltémakxa megkólmasexta nak, tén han megkólwateseykmo kéllané m'a aksok ekmaso kélyespagkamakxa nak.

APOCALIPSIS 2:5

Kaxénwakxoho apwáxok xép aptémakxa axta sekxo' metyekemxa axta, ey'ókxa makham Dios, elána makham ma'a apkeláneya axta sekxo' agko'. Sat agkok etnahak xa, kaxwo' sat ay'óta' yakwayam ataknawagwata', tén han alyementagwatak xép ma'a chálewaso ekheykegkaxa nak, cham'a mey'aweykxo enxoho exchep Dios.