APOCALIPSIS 2:18 - Lengua Sur (Enxet) Nuevo Testamento

¹⁸ “Etáxéses nahan Dios apchásenneykha nak ma'a apchakneykekxexa nak énxet tegma apwányam Tiatira: ‘Keso apxeyenma nak Dios Apketche s'e, cham'a ekhó nak táxa eyálewe apakta'ák, keñe m'a apmagkok ekhó sawo ekyentaxno kélyamasmol'a neyseksa táxa amonye kélyenmaso;

APOCALIPSIS 2:18 Referans Kwoze

APOCALIPSIS 1:11

Entahak axta amya'a seyáneyáxko s'e; “Etaxés sat weykcha'áhak ektahakxa nak apweté, yapháses sat ma'a siete apchakneykekxexa nak yókxexma Asia, cham'a Efeso tén han ma'a Esmirna, tén han ma'a Pérgamo, tén han ma'a Tiatira, Sardis, Filadelfia, tén han ma'a Laodicea.”

SAN JUAN 1:14

Enxet apagko' axta aptamheykekxak ma'a ektaha nak Appeywa, aphegkek axta nahan negyeseksa, negwet'ak axta anhan negko'o ektémakxa apcheymákpoho. Cháxa apcheymákpoho apmésa axta Apyap eñama apteme wánxa xama Apketche xa. Láneyok axta apwáxok segásekhayo tén han ma'a ekmámnaksoho nak.

SAN MATEO 3:17

Legáxchek axta kélpeywa eñama néten, entahak axta s'e: “Keso hatte seyásekhayo nak ko'o s'e, selyéseykha ahagko' axta.”

ROMANOS 8:32

Axta emyágweykekxak Apketche Dios segmésa negko'o, apcha'awok axta aksa apmatña negko'o eñamakxa, ékeso eñamakxa peya nak hegmések negko'o Dios ekyókxoho aksok xamo' ma'a Apketche.

SAN JUAN 10:36

Epagkanchek axta ko'o Dios, eyáphásek axta nahan keso náxop, ¿yaksak ektaha kélxéna nak kéxegke sekwañeyncha'a ko'o m'a Dios, cham'a sekxéna nak ko'o sektaha Dios Apketche?

SAN JUAN 5:25

Peyk kaxwo' kammok xa ekhem nak, keso kaxwo' nak, cháxa yakwánxa sat ellegak Dios Apketche appeywa m'a énxet'ák apkeletsapma axta; Enakxétekhágwók sat ma'a ektahakxa enxoho apkellegé appeywa. Nakso' xa sektahakxa nak sekpeywa seláneya kéxegke.

SAN JUAN 3:18

“Negko'o ektahakxa enxoho nenteme magya'áseyam Dios Apketche mantehek nensexnánemaxche; keñe m'a énxet ektahakxa enxoho apteme apya'áseyam aptemék apsexnánémap eñama apya'áseyam ma'a Dios Apketche aptaha nak wánxa xama.

SAN JUAN 3:16

“Awanhek axta apkelásekhayo Dios énxet'ák apheykha nak keso náxop, apmések axta Apketche apwánxa xama apagko', yakwayam enxoho megyetsepek ma'a ektahakxa enxoho apteme mey'áseyam, wánxa aksa étak ma'a ekyennakte apnenyek megkatnegwayam enéxa nak.

SAN LUCAS 1:35

Aptahak axta apchátegmowágko Dios apchásenneykha s'e: Eweywenták sat Espíritu Santo takháxet xeye', káhapwatak sat Dios meyke ekhémo apmopwána, máxa yaphopé sat katnehek. Ekeso eñamakxa peya nak eltamhakpok Appagkanamap, tén han Dios Apketche m'a sakcha'a peya nak etyamok.

SAN MATEO 27:54

Apwet'ak axta ektahakxa ekyawheykha xóp ma'a sẽlpextétamo apkemha apmonye tén han ma'a apkelxegexma'a axta, cham'a ektaha axta apkeláneykha apyexnakxa Jesús. Apkelakak axta nahan ma'a ekyókxoho ektahakxa axta. Aptahak axta apkelpakmeta s'e: —¡Nakso' neyke agkok aptaha Dios Apketche xa énxet nak.

SAN MATEO 17:5

Neyseksa appakmeyesma axta Pedro eyahapwa'a xama yaphopé elyenma xa énxet'ák nak. Keñe axta ektepa kélpeywa neyseksa xa yaphopé nak. Entahak axta kélpeywa s'e: “Keso hatte seyásekhayo nak ko'o s'e, selyéseykha ahagko' axta anhan: kóleyxho appeywa.”,

APOCALIPSIS 2:1

“Etáxéses Dios apchásenneykha nak ma'a apchakneykekxexa nak énxet tegma apwányam Efeso: ‘Keso ektémakxa nak appeywa aphágko nak siete yaw'a apmek ekpayhókxa apkelya'asamakxa, cham'a apweynchamencha'a nak neyseksa chálewaso ekyátekto elyenma:

SAN JUAN 1:49

Aptahak axta Natanael apcháneya Jesús se'e: —Sẽlxekmóso, ¡Xép apteme Dios Apketche, xép nahan apteme Israel Wese' apwányam apagkok!

LOS HECHOS 8:36

Xama axta apyeykhágwokmo xama yókxexma ekyetnakxa axta yegmen, aptahak axta wese' eyásenneykha s'e: —Yetné nak yegmen se'e. ¿Apwancheya sat heyakpásesek yegmen?

LOS HECHOS 16:14

Lidia axta ekwesey xama xa kelán'ák nak, tegma apwányam Tiatira axta keñamak. Apáwa hómáyok apkeltakmalma axta exeykekxa. Kalpeykeshok axta cha'a Dios xa kelán'a nak, haxnawók axta kéltenneykha, keñe axta aptemésesa Wese' egegkok yakwayam katakmelcheshok agko' ekháxenmo ektahakxa apkeltenneykha Pablo.

APOCALIPSIS 2:24

Kéxegke kélheykha nak tegma apwányam Tiatira megkólyetleykekxa nak xa nelxekmowásamáxche nak, megkaltámeyeykegko nak han ma'a apkeltamhomol'a cha'a nápakha énxet aksok ekyexamaxche eñama Satanás, eltennásek ko'o mamoko agkeyásekxak makham kéxegke kéltamheykha ekyentaxno.