APOCALIPSIS 19:7 - Lengua Sur (Enxet) Nuevo Testamento

⁷ Kalpayhekxa' hana egwáxok, agyáncheshok hana ekpayheykekxa egwáxok, óltemésesek hana apcheymákpoho Dios, hakte wa'ak kaxwo' ekhem yakwánxa nak kalyamhápok Nekkések Apketkok, keláneykxek ektahakxa m'a yakwayam nak etnehek aptáwa:

APOCALIPSIS 19:7 Referans Kwoze

APOCALIPSIS 21:9

Apxegakmek axta xama Dios apchásenneykha apkeñama nepyeseksa m'a siete Dios apkelásenneykha nak, cham'a apkelmeykha axta siete egheykok elláneykegkoho siete ektemegwánxa néxa aksok elmasagcha'a. Aptahak axta seyáneya s'e: “Empoho hana, axekmósek sat xép ektémakxa kelán'a ekpagkanamaxche nak, cham'a peya nak etnehek aptáwa Nekkések Apketkok.”

APOCALIPSIS 21:2

Ekwet'ak axta ko'o tegma apwányam aptakmalma Jerusalén aphaxnagkok, apweywentek axta apkeñama m'a néten, apkeñama m'a nápakto' Dios, penchásamáxchek axta kéláneykekxa ektémol'a kelán'a ektaxneykekxa ektaxno yakwayam kalyamhápok.

2 CORINTIOS 11:2

Hakte Dios keñamak ektémakxa nak selmeyeykha kéxegke. Ekpagkanchesek axta ko'o kéxegke yakwayam agkések wánxa xama kéltáwa, cham'a Cristo, emenyék nahan anaklók kéxegke nápakto' Cristo meyke ekyepetche xama aksok sempeysegkesamo nak, ektémol'a kelán'a étkok meyke kélteméseseykmohoxmal'a.

SAN MATEO 22:2

“Máxa xama wese' apkeláneso ektámáxche nento elyamhopma apketche m'a aptémakxa nak Wese' apwányam Dios.

APOCALIPSIS 19:9

Aptahak axta seyáneya Dios apchásenneykha s'e: “Etaxés ektéma nak se'e: ‘Apkeleñémo sat énxet ektaha nak kéláneyeykha yakwayam epásegwók Nekkések Apketkok elyamhopma.’ ” Axta nahan aptahak seyáneya s'e: “Cháxa amya'a ektaha nak ekmámnaksoho agko' eñama Dios xa.”

EFESIOS 5:32

Cháxa ektaha nak ekpowásamáxkoho agko' xa, ekxénchek ko'o m'a Cristo tén han ma'a Dios énxet'ák apagkok nak.

SAN JUAN 3:29

Enxet ekha nak appagkanma apteme appagkanamap yakwayam kalyamhápok; exek nahan kaxwé elyamhopma apteme pók ma'a, eñak nahan aptahakxa enxoho appeywa m'a, awanhek nahan katnehek ekpayheykekxa apwáxok apleg'a enxoho aptahakxa appeywa. Cháxa setnahakxa nak ko'o xa, awanho' agko' kaxwo' ekpayheykekxa ewáxok.

EFESIOS 5:23

Hakte énxet ekha nak aptáwa, apteme apkemha apmonye agkok ma'a aptáwa, ekhawo ektémakxa nak Cristo apteme apkemha apmonye nepyeseksa Dios énxet'ák apagkok. Cristo nahan apteme apkelwagkaso teyp ma'a ektaha nak Dios énxet'ák apagkok, hakte cháxa Cristo apyókxa xa.

SAN LUCAS 12:36

Kólteme kéxegkáxa m'a aptamheykegkaxal'a wese' apkeláneykha apkelhaxanmol'a ewatak wese' apagkok yenyentak elánéxchexa sẽlyamhopma, yakwayam enxoho emeykesesek átog ekmanyehe agko', cham'a aptekpagwakto enxoho átog apwa'akto m'a wese'.

FILIPENSES 3:3

Hakte negko'o nenteme m'a ekmámnaksoho sẽlkahaso kélyenyekhamol'a egyempehek, negko'o nelpeykesamol'a cha'a Dios eñama senteméseso m'a Espíritu apagkok nak. Kelpayheykxek nahan egwáxok negko'o nentaha Cristo Jesús énxet'ák apagkok, mantahak cha'a negko'o negáyo m'a kéltemésesamakxal'a cha'a egyempehek.

SAN MATEO 1:20

Xéneykha axta apwáxok etnehek xa, cham'a apxekmowásekpoho axta xama Wese' egegkok apchásenneykha apwanmagko. Aptahak axta apcháneya s'e: “José, David aptáwen neptámen, nágyé' aksa etnehek aptáwa María, Espíritu Santo keñamak apteméseso m'a peya nak kóta' étche.

APOCALIPSIS 11:13

Keñe axta ektepa ekyawheykha xóp ekyennakte agko', palchesakmek axta anhan nápakha tegma ekwokmo axta cha'a diez apyókxoho, siete mil axta anhan apyókxoho apkeletsapma énxet'ák. Keñe m'a ektaha axta meletsapma, apchekakxoho axta apkelpeykásawók Dios apha nak néten.