APOCALIPSIS 16:14 - Lengua Sur (Enxet) Nuevo Testamento

¹⁴ kelyekhama' axta m'a, eláneyo axta cha'a aksok sempelakkaso nak agweta', kelántekkek axta yakwayam kanchásekxak apyókxoho kelwese'e keso náxop, yakwayam enxoho elmahagkok empakháxchexa, cham'a ekwokmo enxoho ekhem apagkok ma'a Dios ekha nak apyennakte.

APOCALIPSIS 16:14 Referans Kwoze

APOCALIPSIS 17:14

Elnapakpok sat Nekkések Apketkok xa kelwese'e nak, emalánek sat eyke Nekkések Apketkok nepyeseksa xa kelwese'e apkelwányam nak, yetlo apkelxegexma'a Nekkések Apketkok ma'a ektaha axta Dios apkelwóneykha, cham'a ektaha axta anhan Dios apkelyeseykha, cham'a meyenseyam nak han apteme melya'áseyam, hakte Nekkések Apketkok apteme Wese' nepyeseksa m'a kelwese'e nak, apteme nahan Wese' apwányam nepyeseksa kelwese'e apkelwányam nak.”

1 TIMOTEO 4:1

Tásek apxeyenma Espíritu peya elwátesagkok aptamheyak melya'áseyam nápakha énxet'ák ektemegwánxa sat néxa ekhem, apkelyetlákxo sat ma'a espíritu sẽlyexancháseykha nak, tén han apkelyetlákxo enxoho m'a nelxekmowásamáxche eñama nak kelyekhama'.

APOCALIPSIS 20:8

Katyapok sat yakwayam kalyexanchesha apyókxoho énxet'ák apheykha nak keso náxop; kalyexanchesha sat ma'a Gog tén han ma'a Magog, cham'a apxámokma nak sẽlpextétamo apagkok ektémol'a xóp ánek neyáwa wátsam ekwányam. Yaknekxak sat yakwayam yempakha'.

1 SAN JUAN 5:19

Negya'ásegkok negko'o nentaha Dios énxet'ák apagkok, negya'ásegkok nahan eláneykencha'a kelyekhama' ekyókxoho keso náxop.

SANTIAGO 3:15

Hakte megkañamak Dios xa ektéma nak negya'ásegwayam, náxop akke keñamak xa, ekteme nahan énxet elchetamso apwáxok, kelyekhama' nahan keñamak xa.

APOCALIPSIS 16:16

Chanchesákxeyk axta kelyekhama' kelwese'e m'a yókxexma apkeltémakxa nak énxet'ák hebreos Armagedón.

APOCALIPSIS 12:9

Kéltekkesek axta yéwa ekwányam ma'a néten, cham'a nano' yéwa eltamhomaxko nak kelyekhama', ekwesey nak Satanás, cham'a elyexancháseykencha'a nak cha'a apyókxoho énxet'ák keso náxop. Kélyenyenteyk axta yéwa ekwányam keso náxop yetlo elásenneykha.

SAN JUAN 8:44

Kelyekhama' kélyap kéxegke; cha'a kéleñamak kéxegke m'a, kóllenxanmok nahan cha'a kóllának eyámenyéxa enxoho kóllának ma'a. Ekyetno ekyógkexma axta entemék kelyekhama' sekxo' agko'. Megkameykha cha'a m'a amya'a ekmámnaksoho nak, megkatnehek nahan cha'a ekmámnaksoho ekpeywa. Temék agkok cha'a ekmowána amya'a, katnehek cha'a m'a ektémakxal'a cha'a; hakte ekmowána amya'a m'a, cha'a keñamak negmowána amya'a m'a.

2 TESALONICENSES 2:9

Yetlo ekpasmo Satanás sat ewak xa énxet megyéso nak yenmexmakha Dios; ewak sat yetlo ekyawe agko' apmopwána, tén han yetlo apxekmóso ekyókxoho ektémakxa m'a aksok melwetaya nak énxet tén han ma'a aksok ekpelakkasamo nak kataxchek, wánxa agkok, megkamámnaksoho eyke.

SAN MARCOS 13:22

Hakte elwak sat énxet'ák apkeltemesásamap nak Mesías, tén han ma'a Dios appeywa apkellegaso apkelmopwána amya'a nak; elának sat nahan aksok magkenatcheso agko' nak agweta', tén han ma'a sempelakkaso nak agweta', yakwayam enxoho elyexanchesha énxet'ák, kawomhok sat nahan apkelyexancháseykha m'a ektaha nak Dios apkelyéseykha, apkepwagkexa enxoho.

SAN MATEO 24:24

Hakte elwak sat énxet'ák apkeltemesásamap nak Mesías, tén han ma'a Dios appeywa apkellegaso apkelmopwána amya'a nak; elának sat nahan aksok magkenatcheso agko' nak agweta', tén han ma'a sempelakkaso nak agweta', yakwayam enxoho elyexanchesha énxet'ák, kawomhok sat nahan apkelyexancháseykha m'a ektaha nak Dios apkelyéseykha, apkepwagko enxoho.

APOCALIPSIS 3:10

Apkelanak axta exchep seltémókxa etnehek, cham'a meyensakmo nak. Ekeso eñamakxa sekmoko nak ko'o amyók xép ekwa'a sat ma'a ekhem ekyawe nenlegeykegkoho keso náxop, yakwayam enxoho keykkónek apyókxoho énxet'ák apheykha nak keso náxop.

ROMANOS 1:8

Eyeynókxa, ekmések ko'o ekxeyenma ewáxok Dios kéxegke eñamakxa, yetlo sekxeyenma apwesey Jesucristo, hakte ekyókxoho yókxexma xénaxchek cha'a ektémakxa nak megkólya'áseyam kéxegke.

APOCALIPSIS 16:7

Ekleg'ak axta anhan ko'o kélpeywa eñama m'a ekwatnamáxchexa axta cha'a aksok ektekyawa. Entahak axta s'e: “Nakso', Xép apteme Wese', Dios ekha apyennakte, aptemék axta exchep apyekpelchásesamo ekmámnaksoho agko', tén han ekpéwomo agko'.”

APOCALIPSIS 13:3

Máxa axta entahak ekyawa enxoho ekyensé xama akkátek xa aksok nawhak eklo nak, takmelákxeyk axta eyke ekyensé, kelyegwakkasek axta nahan apkelwet'a apyókxoho énxet'ák apheykha nak keso náxop, apkelyetlákxeyk axta nahan énxet xa aksok nawhak eklo nak.

APOCALIPSIS 6:17

Hakte wa'ak kaxwo' ekhem ekyawe sẽllegasáseykegkoho nak, ¿Yaksak sat awanchek kalenmaxaxkohok xa?”

SAN LUCAS 2:1

Apkeltamhok axta kanaktáxesaxchek apkelwesey weykcha'áhak apkelánamákpoho énxet apheykha axta ekyókxoho yókxexma apmomakxa axta romano m'a wese' apwányam apwesey axta Augusto.

SAN MATEO 24:14

Ekyókxoho yókxexma sat kóllegaksek xa amya'a ektakmela ekxeyenma nak ma'a aptémakxa nak Wese' apwányam Dios, yakwayam enxoho elya'ásegwók apyókxoho pók aptémakxa énxet; keñe sat kammok néxa ekhem.