APOCALIPSIS 15:8 - Lengua Sur (Enxet) Nuevo Testamento

⁸ Lanawok axta éten tegma appagkanamap eñama m'a ektémakxa nak Dios apmopwána, tén han eñama m'a ektémakxa nak meyke ekhémo; méko axta eyegwagko katxek megkamassegwokmo m'a siete aksok elmaso apkelseykha axta m'a siete Dios apkelásenneykha.

APOCALIPSIS 15:8 Referans Kwoze

APOCALIPSIS 15:1

Ekwet'ak axta makham ko'o mók aksok sempelakkaso agko' nak agweta' ma'a néten, cham'a aksok segyegwakkasamo nak agweta'; siete Dios apkelásenneykha axta m'a, yetlo m'a siete ektemegwánxa nak néxa aksok elmaso senlegasáseykegkoho. Cháxa ektahakxa axta ektemegwokmo néxa Dios aplo xa.

2 TESALONICENSES 1:9

Kóllegásesagkohok sat xa énxet'ák nak, kólmasésamhok agko' sat nahan, meyke teyp. Makhawók sat nahan kólchexakhagwók nápakto' Wese' egegkok, tén han eyátepexa m'a ektémakxa nak apcheymákpoho tén han apmopwána,

ROMANOS 11:33

¡Xámok agko' aksok eltakmela eleñama nak Dios, magwanchek agya'asagkohok ekwánxa, tén han ma'a ektémakxa nak apya'áseykegkoho, cham'a ektémakxa nak han ekha apyekpelchémo, méko kawának kaxének ektémakxa enxoho aksok apmáheyo elának, méko nahan keykpelkohok apmáheyókxa nak etnehek!

APOCALIPSIS 21:11

Dios elseyexma apagkok axta nahan kelsasóxma xa tegma apwányam nak, máxa axta apkelsasóxma tegma m'a meteymog ektakmalmal'a elyenma, máxa axta m'a meteymog ekyennaktel'a, cham'a ektémakxal'a sokpeysyam elyenma.