APOCALIPSIS 14:15 - Lengua Sur (Enxet) Nuevo Testamento

¹⁵ Aptekkek axta nahan pók Dios apchásenneykha apkeñama kañe' tegma appagkanamap, aptahak axta apyennaktésawo appeywa appakhetchesa m'a apha axta néten yaphopé: “¡Ema sawo ekhaxé apagkok, elmekxa nahan ma'a aksok apnakxo nak ekyexna; hakte wokmek kaxwo' ekhem, makhetchek nahan kaxwo' ekyexna m'a aksok peya nak kanakxaxchek keso náxop!”

APOCALIPSIS 14:15 Referans Kwoze

SAN MARCOS 4:29

Kelyennakkak agkok aktek, kanakxaxche, hakte kawók ekhem eknakxamáxchexa ekyexna.”

SAN MATEO 13:39

keñe apkenmexma ektaha nak apkeneykekxa menóke ekyetchesamaxkoho m'a kelyekhama'. Keñe m'a eknakxamáxche nak ekyexna ekyetchesamaxkoho m'a ektemegwánxa sat néxa ekhem, Dios apkelásenneykha m'a ektaha nak apnakxo ekyexna.

APOCALIPSIS 14:18

Aptekkek axta nahan pók Dios apchásenneykha apkeñama m'a ekwatnamáxchexa axta cha'a aksok ektekyawa, aptaha axta cha'a elyaheykekxoho appeywa táxa, aptahak axta nahan apyennaktésawo appeywa appakhetchesa m'a ektaha axta apseykha sawo ekhaxé ekmahanta: “¡Emekxa sawo ekhaxé ekmahanta apagkok nak, elyaktén anmen yámet kélcheneykekxo nak keso náxop, hakte makhetchek kaxwo' ekyexna!”

SAN MATEO 13:30

Tásek óghok aksa kaktegagkohok xamo' ekwokmoho m'a nennakxamakxal'a apyexna hótahap; keñe sat ko'o aláphaksek ma'a énxet'ák apnakxamol'a hótahap apyexna yakwayam enxoho yánchesekxak sekxo' amonye m'a menóke, tén han enaktétek ma'a nennaktetmol'a yakwayam enxoho ewatnekxa', keñe ekxakhagwók hótahap ma'a tegma sekxátamakxal'a cha'a.’ ”

APOCALIPSIS 16:17

Siete axta apwokmok apyegkenma Dios apchásenneykha aksok ekyetno kañe' egheykok, apkexpakha'ak axta m'a exchahayam. Kañe' tegma appagkanamap apkeñama néten axta entépak kélpeywa ekyennakte agko' eñama m'a ekyetnamakxa nak taháno ektakmalma. Entahak axta amya'a s'e: “¡Penchásexchek elánamáxche!”

SAN MATEO 23:32

¡Kóllenxanmoho kéllané m'a apchénamo axta apkelaneykegko kélyepmeyk nano' kéxegke!

APOCALIPSIS 15:6

Ekwet'ak axta anhan apkelántepa kañe' tegma appagkanamap siete Dios apkelásenneykha, yetlo apkelseykha siete aksok elmaso senlegasáseykegkoho nak. Apáwa apmopé apcháxñeyo axta apkelántaxno, apkelyenméyak axta nahan, sawo ekyátekto elyenma axta nahan apnakteté apnenya'ák.

APOCALIPSIS 14:14

Enmexawok axta ko'o néten, ekwet'ak axta yaphopé ekmopé, yetlo apha apyetchesamakpoho énxet ma'a néten. Sawo ekyátekto elyenma axta nahan apketcheso apkátek, keñe axta xama ekhó yánsawo ekhaxé ekmahanta m'a apmeykha.

APOCALIPSIS 6:10

Axta aptemék cha'a apkelyennaktésamo apkelpeywa s'e: “Wese' aptakmalma, aptaha nak han mehegyenyaweykha, ¿Yaksak sat ekhem elyekpelcháseshok xép énxet'ák apheykha nak náxop, tén han heghéseshok mók ma'a nentekyawa axta negko'o?”

1 TESALONICENSES 2:16

Negmokók agkok cha'a negko'o óltennasha amya'a eñama Dios ma'a énxet'ák metnaha nak judíos yakwayam enxoho nahan elwagkasakpok teyp, wánxa agkok, meheghók eyke cha'a énxet'ák judíos. Cháxa ektahakxa nak ekyeykhágwokmoho apteme melya'asáxma xa. Kaxwo' eyke, wa'ak yakwayam ellegásesagkohok ekmaso agko' Dios xa énxet'ák nak.

APOCALIPSIS 13:12

Hawók axta ektémakxa kélyaheykekxoho m'a émha amonye aksok nawhak eklo nak, cham'a ekyepetcha'awo enxoho mók, keltemók axta nahan elpeykeshok apyókxoho énxet apheykha nak náxop xa émha amonye aksok nawhak eklo nak, cham'a ektakmelákxo axta aksa ekyensé ekyawe.

APOCALIPSIS 11:19

Keñe axta ekmayhekxo átog ma'a Dios tegma appagkanamap apagkok apyetna nak néten, keñe axta ekwetáxko ekyetna yántéseksek kélxátamakxa axta m'a ekhémo mók nelpakhetchásamáxkoho nak Dios kañe' xa tegma appagkanamap nak, keñe axta ektepa apkelyenmayam, kélpeywa, extegyawá, tén han ma'a xóp ekyawheykha nak, yegmen elyennakte ekxámokma axta nahan palleynta'.

APOCALIPSIS 14:16

Apya'asakmek axta sawo ekhaxé apagkok náxop ma'a Dios apchásenneykha apha axta néten yaphopé, apkelmákxeyk axta aksok apnakxo keso náxop.

APOCALIPSIS 14:17

Aptekkek axta nahan pók Dios apchásenneykha apkeñama m'a kañe' tegma appagkanamap apyetna nak néten, apsókha axta nahan ma'a sawo ekhaxé ekmahanta.