APOCALIPSIS 14:13 - Lengua Sur (Enxet) Nuevo Testamento

¹³ Keñe axta sekleg'a ko'o kélpeywa eñama néten. Entahak axta amya'a s'e: “Etne aptáxéso s'e: ‘Apkeleñémo agko' kaxwo' énxet'ák peya nak eletsapok eñama apkelyepetcheyo Wese' egegkok. Apkeleñémo agko' sat nahan ma'a egmonye sat’ ” “Nakso', —aptahak Espíritu—, kamaskok sat apkeltamheyncha'a, hakte pasmomchek ma'a ektémakxa axta apkeltamheykha.”

APOCALIPSIS 14:13 Referans Kwoze

APOCALIPSIS 20:6

Apkeleñémo agko' ektaha nak apmonye kélxátekháseyam eñama apteme Dios énxet'ák apagkok. Megkatnehek sat nahan ánet apkeletsapeykekxoho xa énxet'ák nak, appasmo apkelmaxnéseso Dios énxet'ák apagkok sat etnahagkok, tén han appasmo apkelmaxnéseso m'a Cristo énxet'ák apagkok, etnahagkok sat nahan kelwese'e xamo' Cristo ekweykmoho mil apyeyam.

1 TESALONICENSES 5:10

Apketsekkek axta Jesucristo negko'o eñamakxa, yakwayam enxoho anxek xamo', megkeyxek ma'a nétsapa enxoho esenhan ma'a mótsapa enxoho.

1 TESALONICENSES 4:16

Hakte kañexchek sat ekyennakte kélpeywa, kañexchek sat nahan appeywa m'a apkemha apmomye Dios apchásenneykha, kañexchek sat nahan ekpáwá kélakkahaso eñama nak Dios, Wese' egegkok apagko' sat eweywentak apkeñama m'a néten, apmonye'e sat nahan enakxátekhágwók énxet'ák apkeletsapma apteme axta melya'áseyam Cristo.

1 CORINTIOS 15:58

Elyáxeg selásekhayo, kóllenxanmoho kélyennaktésamo kélteme megkólya'áseyam, nágkólyensem, kólyanchesagkoho cha'a kéltamheykha kélláneya nak ma'a nentamheykha eñama nak Wese' egegkok, hakte kélya'ásegkok kéxegke megkatnaha eyakhémo kéllané kéltamheykha kélláneyol'a cha'a, eñama kélyepetcheyo Wese' egegkok.

APOCALIPSIS 19:9

Aptahak axta seyáneya Dios apchásenneykha s'e: “Etaxés ektéma nak se'e: ‘Apkeleñémo sat énxet ektaha nak kéláneyeykha yakwayam epásegwók Nekkések Apketkok elyamhopma.’ ” Axta nahan aptahak seyáneya s'e: “Cháxa amya'a ektaha nak ekmámnaksoho agko' eñama Dios xa.”

APOCALIPSIS 21:5

Aptahak axta appeywa m'a ektaha axta apha néten aptaháno ektakmalma. Entahak axta appeywa s'e: “Elanak ko'o axnagcha'ák ekyókxoho aksok.” Aptahak axta nahan se'e: “Etaxés xa, hakte ekmámnaksoho agko' xa amya'a nak, payhawok nahan kóltehek megkólya'áseyam.”

APOCALIPSIS 6:11

Keñe axta kélmeyásegko apkelántaxno apkelmopé, kéltennásek axta peya sekxo' makham kóllókasesek apkelyampé yakwatakxoho, ekwokmoho aptahanyekxo ekwánxa apxámokma m'a apkelyáxeg'a yakwayam nak han etekyok eñama apkelané apkeltamheykha eñama nak Cristo, ekhawo aptamheykegkaxa axta xa énxet'ák nak.

2 CORINTIOS 5:8

wánxa agkok, akke agya'ásekmok negko'o, egmenyék nahan negko'o agyenyók se'e negyókxa nak, yakwayam enxoho aghamok xamo' Wese' egegkok.

APOCALIPSIS 16:17

Siete axta apwokmok apyegkenma Dios apchásenneykha aksok ekyetno kañe' egheykok, apkexpakha'ak axta m'a exchahayam. Kañe' tegma appagkanamap apkeñama néten axta entépak kélpeywa ekyennakte agko' eñama m'a ekyetnamakxa nak taháno ektakmalma. Entahak axta amya'a s'e: “¡Penchásexchek elánamáxche!”

1 TESALONICENSES 4:14

Magya'áseykmok negko'o apketsapma axta Jesús tén han ma'a apxátekhágweykmo axta, ékeso eñamakxa magya'ásekmo nak han peya enakxátekhásók Dios xamo' Jesús ma'a énxet'ák apkeletsapma apteme axta melya'áseyam Jesús.

1 CORINTIOS 15:18

Temegkek axta agkok xa ektaha nak, elmassegwók axta m'a énxet apkeletsapma axta apteme melya'áseyam Cristo.

SAN LUCAS 16:9

“Eltennásek ko'o kéxegke seltamho kólmaha ekyókxoho aksok kélagkok ekyetna nak keso náxop ekyetnamakxa nak mólya'asáxma, yakwayam enxoho kólxamásekxak kélnámokkok, yakwayam enxoho anhan kólmaxchek takha' kéxegke m'a yakwánxa sat kólhamok meyke néxa, cham'a eksawhéxko enxoho ekyókxoho aksok kélagkok.

SAN MATEO 3:17

Legáxchek axta kélpeywa eñama néten, entahak axta s'e: “Keso hatte seyásekhayo nak ko'o s'e, selyéseykha ahagko' axta.”

APOCALIPSIS 11:19

Keñe axta ekmayhekxo átog ma'a Dios tegma appagkanamap apagkok apyetna nak néten, keñe axta ekwetáxko ekyetna yántéseksek kélxátamakxa axta m'a ekhémo mók nelpakhetchásamáxkoho nak Dios kañe' xa tegma appagkanamap nak, keñe axta ektepa apkelyenmayam, kélpeywa, extegyawá, tén han ma'a xóp ekyawheykha nak, yegmen elyennakte ekxámokma axta nahan palleynta'.

APOCALIPSIS 11:15

Siete axta apwokmok Dios apkelásenneykha appawaso apchakkahaso, keñe axta eklegáxko ekyennakte agko' kélpeywa eñama néten. Entahak axta amya'a s'e: “Wese' egegkok kaxwo' aptahak Wese' apwányam keso náxop, tén han ma'a Mesías apkeñama nak Dios. Etnahagkok sat Kelwese'e apkelwányam megkatnegwayam enéxa.”

APOCALIPSIS 10:4

Peyk axta eykhe ko'o ataxaksek ekmassa apkelpáwá xa siete takha' nak, wánxa agkok, ekleg'ak axta ko'o kélpeywa eñama néten. Entahak axta amya'a s'e: “Né etekkesha aksa amya'a aptahakxa nak apkelpakmeyesma xa siete takha' nak, né etaxés nahan.”

APOCALIPSIS 2:1

“Etáxéses Dios apchásenneykha nak ma'a apchakneykekxexa nak énxet tegma apwányam Efeso: ‘Keso ektémakxa nak appeywa aphágko nak siete yaw'a apmek ekpayhókxa apkelya'asamakxa, cham'a apweynchamencha'a nak neyseksa chálewaso ekyátekto elyenma:

FILIPENSES 2:17

Kayegkenaxchek eykhe ko'o éma ahagkok yakwayam kasawhaxkohok ma'a ektémakxa nak kéxegke kélméso aksok Dios eñama m'a megkólya'áseyam nak, kapayhekxak akke aksa ko'o ewáxok, kawakxohok nahan kélyókxoho kéxegke ektahakxa enxoho ekpayheykekxa ewáxok ko'o.

SAN LUCAS 16:25

Aptahak axta apchátegmowágko Abraham se'e: ‘Hatte, kaxénwakxoho apwáxok ektakmelmo axta apha exchep apyennaktamakxa axta, keñe axta Lázaro aplegeykegkoho ekmaso agko'. Apxakak kaxwo' Lázaro ekpayheykekxa apwáxok, keñe exchep aplegágkoho xa.

APOCALIPSIS 1:11

Entahak axta amya'a seyáneyáxko s'e; “Etaxés sat weykcha'áhak ektahakxa nak apweté, yapháses sat ma'a siete apchakneykekxexa nak yókxexma Asia, cham'a Efeso tén han ma'a Esmirna, tén han ma'a Pérgamo, tén han ma'a Tiatira, Sardis, Filadelfia, tén han ma'a Laodicea.”

1 CORINTIOS 15:20

Nakso' agko' axta eyke apxátekhágweykmo Cristo. Cristo apteme aphawo m'a émha amonye eknakxamáxchel'a aksok ekyexna: Cristo axta nahan apmonye kélxátekháseyam.

1 TIMOTEO 5:24

Tásek cha'a katnehek ekwetamaxche ektémakxa melya'asáxma nápakha énxet'ák amonye enxoho apkelmaheyak ma'a yakwánxa enxoho kóltehek kélyekpelchémo, axayók sat eyke kataxchek ektémakxa melya'asáxma m'a pók énxet'ák nak.

1 TIMOTEO 5:25

Hawók nahan ektémakxa m'a nenlané nak nentamheykha ektakmela, tásek katnehek ekwetamaxche. Keñe m'a aksok ektakmela nenlané megkótemaxche nak, yawanchek sat cha'a kakpósaxkohok.

APOCALIPSIS 2:7

¡Kéxegke ekha nak kélheyk'ák, kóleyxho ektahakxa apxeyenma Espíritu kélakneykekxexa! Enxet'ák ektahakxa enxoho apkelmalanma, agkések sat ko'o yámet ekyexna yakwayam etawagkok, cham'a ekyennaktésamo nak egnenyek énma nak ma'a néten Dios yókxexma apagkok ektakmela.’

APOCALIPSIS 22:17

Aptahak seyáneya Espíritu aptakmalma tén han Nekkések Apketkok aptáwa s'e: “¡Empoho!” Enxet ektahakxa enxoho aplegé etne nahan appeywa s'e: “Empoho” Hem agkok enchakhak énxet, cham'a, apmopmenyého nak ének yegmen, empoho eyhagwata s'e yegmen ekyennaktésamo nak egnenyek meyke ekyanmaga.