APOCALIPSIS 12:12 - Lengua Sur (Enxet) Nuevo Testamento

¹² ¡Kalpayhekxa' kélwáxok kéxegke kélheykha nak néten! ¡Wánxa agkok, kéxegke sat laye kélheykha nak náxop tén han ma'a ekheyak nak wátsam ekwányam, hakte weywenték kelyekhama' yetlo eklómo agko' enmexa kéxegke, ya'ásegwokmek eyéméxko antawók ekhem!”

APOCALIPSIS 12:12 Referans Kwoze

APOCALIPSIS 8:13

Enmexawok axta ko'o néten, ekleg'ak axta elpáwokmo axempenák náta ekyawel'a. Entahak axta ekyennaktésawo ekpeywa s'e: “¡Enxet'ák laye apheykha nak náxop, cham'a apkelpáwasa sat apkelakkahaso m'a apkántanxo Dios apkelásenneykha apkeleñama nak néten!”

APOCALIPSIS 18:20

Kalpayhekxa' kélwaxok kéxegke kélheykha nak néten, kélwet'a ektahakxa xa tegma apwányam nak, kalpayhekxa' nahan kélwáxok kéxegke kéltaha nak Dios énxet'ák apagkok tén han ma'a aptaha nak seykha amya'a tén han ma'a ektaha nak Dios appeywa apkellegaso, hakte aphésásók mók Dios aptemésesamakxa axta kéxegke xa tegma apwányam nak, cham'a apxéna axta Dios yakwánxa katnehek kéllegasáseykegkoho xa tegma apwányam nak.

APOCALIPSIS 10:6

Keñe axta aptemésesa ekmámnaksoho agko' appeywa xa, apkeltamhok axta étagkohok ma'a aptaha nak memassegwayam, cham'a ektaha axta apkelané néten, tén han keso náxop, tén han ma'a wátsam ekwányam, tén han ma'a ekyókxoho aksok ekheyak nak. Aptahak axta s'e: “Néxa peyk kammok kaxwo',

APOCALIPSIS 11:10

Kalpayhekxak sat nahan apwáxók énxet'ák apheykha nak keso náxop apkeletsapa enxoho xa. Kalpayhekxohok agko' sat nahan apwáxók, emlasakpok sat aksok apméso naksa cha'a pók, hakte cháxa apkánet énxet ektaha axta apkellegaso Dios appeywa apkellegasáseykegkoho agko' axta cha'a xa énxet'ák nak.

APOCALIPSIS 9:12

Yeyk'ak ma'a émha amonye aksok ekmaso nak; wánxa agkok, ánet akke makham keléméxche'.

SAN LUCAS 15:10

Eltennásek ko'o kéxegke m'a apyakmagkasa enxoho apwáxok xama énxet ekmaso nak aptémakxa, kalpayhekxak apwáxók Dios apkelásenneykha m'a néten.”

APOCALIPSIS 11:14

Anet entahak ekyeykhe kéláphaso aksok ekmaso agko', wánxa agkok, xegakmek eyke makham yakwayam katnehek antanxo.

2 SAN PEDRO 3:8

Elyáxeg selásekhayo; nágkalwagkamák aksa aptemésesama Wese' egegkok máxa xama ekhem agko' ma'a mil apyeyam nak, keñe m'a mil apyeyam nak aptemésesa máxa xama ekhem agko' la'a.

HEBREOS 10:37

Hakte temegkek eknaktáxésamaxche s'e: “Yahamók agko' sat ewatak ma'a peya nak ewata', epekhaksohok sat ewata'.

SAN LUCAS 2:14

“¡Apcheymákpoho sat kóltemésesek Dios apha nak ma'a néten! ¡Keytek sat meyke ektahakxa egwáxók keso náxop nepyeseksa m'a énxet'ák appasmoma nak cha'a Dios!”

APOCALIPSIS 12:9

Kéltekkesek axta yéwa ekwányam ma'a néten, cham'a nano' yéwa eltamhomaxko nak kelyekhama', ekwesey nak Satanás, cham'a elyexancháseykencha'a nak cha'a apyókxoho énxet'ák keso náxop. Kélyenyenteyk axta yéwa ekwányam keso náxop yetlo elásenneykha.

APOCALIPSIS 13:6

Temék axta ekpeywa aksok nawhak eklo xa, kenmexáha axta ekpeywa Dios, wanyeyha axta nahan ma'a Dios, wanyeyha axta nahan ekpeywa m'a aphamakxa nak Dios, kenmexáha axta nahan ekpeywa m'a ektaha nak apheykha néten.