APOCALIPSIS 11:3 - Lengua Sur (Enxet) Nuevo Testamento

³ Aláphaksek sat ko'o apkánet ektaha nak ekmámnaksoho apkelxeyenma amya'a ahagkok, yetlo apkelántaxno apáwa sẽlwáxakxamo nak, ellegaksek sat nahan ko'o sekpeywa ekweykmoho mil doscientos sesenta ekhem.”

APOCALIPSIS 11:3 Referans Kwoze

APOCALIPSIS 12:6

keñe axta ekmahágko enyaha yókxexma meykexa énxet xa kelán'a nak, cham'a apkelanésamakxa axta Dios yakwánxa cha'a kólmések ekto ekweykmoho mil doscientos sesenta ekhem.

APOCALIPSIS 11:2

Wánxa aksa, né elyetseták nepyáwa xa tegma appagkanamap nak, hakte énxet'ák melya'áseyak Dios axta apxakak xa, cháxa peya nak elteyammaha tegma apwányam appagkanamap ekweykmoho cuarenta y dos pelten xa énxet'ák nak.

APOCALIPSIS 13:5

Kél'awók axta nahan katnehek eyeymáxkoho ekpeywa xa aksok nawhak eklo nak, tén han kél'awo kawañaha ekpeywa m'a Dios, kél'awók axta nahan keytek kélyaheykekxoho ekweykmoho cuarenta y dos pelten.

LOS HECHOS 13:31

Wenaktémok axta apweteykekxa Jesús ma'a énxet'ák apkelyetlawa axta apmeyákxo Jesús ma'a tegma apwányam Jerusalén, axta apkeleñamak ma'a Galilea; apkeltenneykha Jesús apwesey nahan aptamhágkok kaxwo' xa énxet'ák nak.

LOS HECHOS 1:8

Wánxa agkok, apwa'ak sat agkok Espíritu Santo kélnepyeseksa kéxegke, kólxawak sat kélmowána, kólxog sat nahan cha'a yakwayam kólxének sekwesey ko'o, Jerusalén, tén han kólmahagkok ma'a ekyókxoho yókxexma Judea, tén han ma'a Samaria, kawomhok sat nahan kélmaheyak ma'a eyátépexa nak.

SAN LUCAS 24:48

Kéxegke ektaha kélweteykegkoho xa.

2 CORINTIOS 13:1

Antanxo peyk katnehek kaxwo' sekteme meyk'a kéxegke. Sat kólánekxak ekyókxoho amya'a m'a apkelxéna enxoho apkánet énxet ektaha apkelweteykegkoho, apkántanxo esenhan.

LOS HECHOS 2:32

Ekeso eñamakxa apxátekhásekmo axta Dios ma'a Jesús, negko'o axta eyke negweteykegkoho negyókxoho xa.

SAN JUAN 15:27

Kéxegke sat nahan kóltehek kélxeyenma sekwesey, hakte selxegexma'a axta ektemék kéxegke sekxo' agko' sekmoma sektamheykha.

SAN MATEO 18:16

Agkok nahan yahaxnók aptahakxa appeywa exchep, yáneyha xama énxet, apkánet esenhan, yakwayam enxoho kóllánekxak amya'a eñama apkelxeyenma apkánet énxet, apkántanxo esenhan, cham'a ektaha enxoho apkellegé ektahakxa kélláneykekxa kélpeywa.

APOCALIPSIS 19:10

Eltekxekkek axta ko'o etapnák náxop ekpayhókxa apkenmágkaxa Dios apchásenneykha, yakwayam alpeykesho', wánxa agkok, aptahak axta seyáneya s'e: “Ná etne aksa xa, ko'o sekteme Dios apchásenneykha, ekhawók ko'o exchep, ekhawók nahan ma'a apkelyáxeg'a ektaha nak melyenseyam apkeltenneykha Jesús apwesey. Elpeykesho m'a Dios.” Hakte, cháxa eyewáneseso énxet'ák ektaha nak apkellegaso Dios appeywa xa apkeltenneykha nak Jesús apwesey.

APOCALIPSIS 1:5

tén han eleñama m'a Jesucristo, aptaha nak ekmámnaksoho agko' apxeyenma aptémakxa Dios, aptaha axta nahan apmonye apxátekhágwayam nepyeseksa apkeletsapma axta, aptaha nak han ekha kélyaheykekxoho nepyeseksa kelwese'e apkelwányam nak keso náxop. Egásekhayok negko'o Cristo, egmasésesek axta nahan mólya'asáxma, cham'a apyegkena axta éma apagkok,

LOS HECHOS 3:15

Cháxa ektahakxa axta kélakha kéxegke m'a énxet segmésamo nak ekyennakte egnenyek. Wánxa agkok, Dios axta eyke apxátekhásekmok, negko'o eyke ektaha negweteykegkoho xa.

APOCALIPSIS 20:4

Ekwet'ak axta ko'o taháno ektakmalma yetlo apheykha néten ma'a apkelxawágko axta kélyaheykekxoho yakwayam etnehek apkelyekpelchémo apyókxoho énxet'ák. Ekwet'ak axta nahan ko'o aphagák ma'a ektaha axta kélyaktencháseyak apyespa'ák eñama meyenseyam apkeltenneykha Jesús apwesey tén han ma'a amya'a eñama nak Dios. Axta elpeykesamok aksok nawhak eklo xa énxet'ák nak, axta nahan elpeykesamok ma'a kéleykmáseso kélheyásekegkoho nak aksok nawhak eklo, axta nahan yahayók keytek elkahaso aksok nawhak eklo m'a ekpayhakxa nápát, esenhan ma'a apmek. Ekwet'ak axta nahan ko'o apnakxétekhágwokmo xa énxet'ák nak. Kelwese'e axta aptamhágkok xamo' Cristo ekweykmoho mil apyeyam.

EFESIOS 4:11

Cristo axta anhan apkelmeyáseyak nápakha énxet yakwayam etnahagkok seykha amya'a, keñe axta anhan nápakha énxet'ák apkelmeyásegko yakwayam etnahagkok Dios appeywa apkellegaso, keñe axta anhan apkelmeyásegko nápakha énxet'ák yakwayam etnahagkok apkeltenneykha tásek amya'a, keñe axta anhan nápakha énxet'ák apkelmeyásegko yakwayam etnahagkok apkelmeykha apnámokkok kélakneykekxexa, tén han ma'a énxet'ák apkelxekmóso nak apnámokkok.

1 CORINTIOS 12:28

Apmenyék axta Dios etnehek apkemha apmonye nepyeseksa énxet'ák apagkok ma'a seykha amya'a apwetaya axta Jesús; keñe etnehek aptéteyak ma'a énxet'ák apkelxeyenmo nak amya'a eñama Dios; keñe xa etnehek aptéteyak ma'a énxet apkelxekmóso nak apnámokkok; tén han ma'a énxet apmopwána nak elának aksok sempelakkaso nak agweta', tén han ma'a énxet apmopwána nak eltakmelchesók elháxamáxche, esenhan ma'a énxet appasmo nak apnámokkok, esenhan ma'a apxegkeso nak kélakneykekxexa, esenhan ma'a ekteyapmol'a aksa mók ektémakxa appeywa magya'áseyak nak.

SAN JUAN 3:27

Aptahak axta Juan apkeláneya s'e: —Megkeytek negko'o xama aksok mehegmésa enxoho Dios.

SAN MATEO 11:21

“Sagkek sat katnehek kéltemésesakxa kéxegke kélheykha nak tegma apwányam Corazín, sagkek sat nahan katnehek kéltemésesakxa kéxegkáxa kélheykha nak tegma apwányam Betsaida, hakte kaxtemek axta elánamáxche aksok sempelakkaso agweta' ma'a tegma apwányam Tiro tén han ma'a Sidón, cham'a elánamáxko axta kélnepyeseksa kéxegke, nano' axta elyakmagkasek apwáxók, exekmóshok axta anhan aptamhágkaxa apkelyakmagkasa apwáxók, elántaxnekxak axta m'a apáwa sẽlwaxkamo nak, énegkenagkok axta anhan apyetseksa'ák táhap.

SAN LUCAS 10:13

“¡Kéxegke sat laye kélheykha nak tegma apwányam Corazín, tén han ma'a tegma apwányam Betsaida! Hakte kaxtemek axta elánamáxche aksok sempelakkaso agweta' ma'a tegma apwányam Tiro tén han ma'a Sidón, cham'a elánéxko axta kélnepyeseksa kéxegke, nano' axta elyakmagkasek apwáxók, exekmóshok axta anhan aptamhágkaxa apkelyakmagkasa apwáxók, elántaxnekxak axta m'a apáwa sẽlwaxkamo nak, neyseksa tahap axta anhan exmakha.

APOCALIPSIS 11:6

Cháxa énxet'ák ektaha nak ekmámnaksoho apkelxeyenma amya'a ahagkok xa, yetneyk apmopwancha'a yápekxak ma'a néten, yakwayam enxoho megkamakye' neyseksók apkellegaso amya'a eñama nak Dios, yetneyk nahan apmopwancha'a etnesásekxak yegmen éma, yetneyk nahan apmopwancha'a ellegásesagkohok apyókxoho énxet'ák keso náxop ekyókxoho ektémakxa nak nenlegeykegkoho ekmaso, cham'a apkepmenyéxa enxoho etnahagkok.