APOCALIPSIS 11:17 - Lengua Sur (Enxet) Nuevo Testamento

¹⁷ Aptahak axta apkelpeywa s'e: “Negmések negko'o ekxeyenma egwáxok xép Wese' egegkok Dios ekha nak apyennakte, apheyk makham xép, aphegkek axta nahan nano' axta, hakte apmeyk axta exchep ekyawe agko' apmopwána, apcheynawok axta nahan apteme Wese' apwányam.

APOCALIPSIS 11:17 Referans Kwoze

APOCALIPSIS 1:8

Aptahak Wese' Dios ekha apyennakte s'e: “Ko'o sekteme eyeynókxa tén han ektemegwánxa néxa,” cham'a apha nak kaxwo', cham'a aphama axta nahan nano' axta, cham'a peya nak han ewata'.

APOCALIPSIS 16:5

Keñe axta sekleg'a ko'o appeywa Dios apchásenneykha ektaha nak aptakmelcheso yegmen. Aptahak axta s'e: “Xép apteme appéwomo eñama apyekpelchásesamo xa ektaha nak, Xép O Dios aptakmalma, apha nak kaxwo', tén han ma'a aphama axta nahan nano' axta,

APOCALIPSIS 19:6

Ekleg'ak axta nahan ko'o ekyennamáxma, máxa axta entahak ma'a apxámakxal'a énxet apyennegkesóxma, máxa axta nahan entahak extegyawa m'a ekteyeykenxal'a yegmen cham'a ektémol'a takha' appáwá ekyennakte agko'. Entahak axta apkelpakmeyesma s'e: “¡Apcheymákpoho sat cha'a kóltemésesek Wese' egegkok Dios! hakte apcheynawok kaxwo' aptamheykha Wese' egegkok, Dios egagkok ekha nak apyennakte.

APOCALIPSIS 1:4

Ko'o Juan, ektáxésesek ko'o siete apchakneykekxexa nak ma'a yókxexma Asia. Kólma kéxegke segméso naksa nak Dios segemleykekxoho, tén han ma'a meyke ektahakxa egwáxok eñama nak ma'a Dios, cham'a apha nak kaxwo', cham'a aphama axta nahan nano' axta, cham'a peya nak han ewata', cháxa eleñama nak han ma'a siete espíritu apheyncha'a nak nápakto' Wese' apwányam Dios aphamakxa xa,

APOCALIPSIS 19:11

Ekwet'ak axta ko'o aptepa yatnáxeg apmopé ekmayhekxo m'a néten. Enxet ekmámnaksoho meyenseyam apyetlo Dios axta apwesey m'a ektaha axta apchánte, hakte ekpéwomo agko' axta m'a ektémakxa axta apyekpelchémo énxet'ák, tén han ma'a ektémakxa axta apkelané kempakhakma.

APOCALIPSIS 16:7

Ekleg'ak axta anhan ko'o kélpeywa eñama m'a ekwatnamáxchexa axta cha'a aksok ektekyawa. Entahak axta s'e: “Nakso', Xép apteme Wese', Dios ekha apyennakte, aptemék axta exchep apyekpelchásesamo ekmámnaksoho agko', tén han ekpéwomo agko'.”

APOCALIPSIS 16:14

kelyekhama' axta m'a, eláneyo axta cha'a aksok sempelakkaso nak agweta', kelántekkek axta yakwayam kanchásekxak apyókxoho kelwese'e keso náxop, yakwayam enxoho elmahagkok empakháxchexa, cham'a ekwokmo enxoho ekhem apagkok ma'a Dios ekha nak apyennakte.

APOCALIPSIS 15:3

Apkelmeneykmásek axta nahan Moisés apmeneykmaso, aptaha axta Dios apchásenneykha. Nekkések Apketkok apmeneykmaso axta nahan apkelmeneykmásak. Entahak axta apkelmeneykmaso s'e: “Awanhok agko', tások agko' nahan ekyókxoho aksok apkelané axta exchep Wese', Dios ekha nak apyennakte; ekpéwomo exchep ámay apagkok, ekmámnaksoho nahan, Xép Wese' apwányam nepyeseksa énxet'ák keso náxop.

APOCALIPSIS 11:15

Siete axta apwokmok Dios apkelásenneykha appawaso apchakkahaso, keñe axta eklegáxko ekyennakte agko' kélpeywa eñama néten. Entahak axta amya'a s'e: “Wese' egegkok kaxwo' aptahak Wese' apwányam keso náxop, tén han ma'a Mesías apkeñama nak Dios. Etnahagkok sat Kelwese'e apkelwányam megkatnegwayam enéxa.”

1 TIMOTEO 1:12

Ekmések cha'a ko'o ekpayheykekxa ewáxok Wese' egegkok Jesucristo, aptaha axta segkéso sekyennakte, hakte xeyenmék axta apwáxok Dios mayensemek sektamheykha, etnésesek axta nahan ko'o apchásenneykha,

SAN LUCAS 10:21

Yetlókók axta ekpayheykekxa agko' apwáxok Jesús eñama apméso m'a Espíritu Santo. Aptahak axta s'e: “Ektemésesek ko'o exchep apcheymákpoho Táta aptaha nak Wese' néten tén han Wese' keso náxop, hakte apxekmósek xép aksok ma'a énxet'ák ekmasextoho nak makham apkelya'áseyak, cham'a aksok mexekmósama axta exchep ma'a énxet'ák ekha nak apkelmopwána, tén han ma'a ekha nak apkelya'áseyak. Nakso' Táta, cháxa apkepmenyého axta katnehek xép xa.

SAN MATEO 11:25

Keñe axta aptaha anhan appeywa Jesús se'e: “Eltemésesek ko'o apcheymákpoho exchep Táta aptaha nak Wese' néten, tén han Wese' keso náxop, hakte apxekmósek xép aksok ma'a énxet'ák ekmasextoho nak makham apkelya'áseyak, cham'a aksok mexekmósama axta exchep ma'a énxet'ák ekha nak apkelmopwána, tén han ma'a ekha nak apkelya'áseyak.

2 CORINTIOS 9:15

Negmések negko'o ekpayheykekxa egwáxok Dios, hakte egmések axta negko'o aksok segméso naksa ektaha nak ekyawe agko' magkegwagko nak han anxének ektémakxa.

2 CORINTIOS 2:14

Agmések sat ekpayheykekxa egwáxok Dios, aptaha nak cha'a segnakleykekxa apkeleweykxexa enxoho ektaha nak apkelyaphogweykmoho xamo' Cristo. Negko'o nahan keñamak apkelya'asásegwokmo Cristo énxet'ák ma'a ektémakxa nak appeywa, cham'a ekpayheykxo nak ekyókxoho yókxexma ektémol'a sokmátsa ekpakneyam.

SAN JUAN 11:41

Kéllekkek axta meteymog kélapma átog, apkenmexawók axta néten Jesús, aptahak axta s'e: —Ekmések ko'o ekxeyenma ewáxok xép Táta, hakte apleg'awók xép selmaxnagko.

APOCALIPSIS 18:8

Ekeso eñamakxa peya nak kahapwak aksok ekmaso ektéma nak se'e: étsapma, eklegeykegkoho tén han ma'a meyk eyakhe, kawatnaxchek sat nahan neyseksa táxa; hakte apmopwána eghak ma'a Dios Wese' egegkok, aptaha nak apxeyenma yakwánxa katnehek kéllegasáseykegkoho xa.”