APOCALIPSIS 10:5 - Lengua Sur (Enxet) Nuevo Testamento

⁵ Keñe axta apya'asa néten apmek ekpayhókxa nak apkelya'asamakxa xa Dios apchásenneykha nak, cham'a sekwet'a axta apteyókmo xama apmenek wátsam ekwányam, tén han apteyókmo mók apmenek xóp.

APOCALIPSIS 10:5 Referans Kwoze

APOCALIPSIS 16:17

Siete axta apwokmok apyegkenma Dios apchásenneykha aksok ekyetno kañe' egheykok, apkexpakha'ak axta m'a exchahayam. Kañe' tegma appagkanamap apkeñama néten axta entépak kélpeywa ekyennakte agko' eñama m'a ekyetnamakxa nak taháno ektakmalma. Entahak axta amya'a s'e: “¡Penchásexchek elánamáxche!”

APOCALIPSIS 14:7

Aptahak axta apyennaktésawo appeywa s'e: “Kólé' hana Dios, kólteméses apcheymákpoho, wa'ak kaxwo' ekhem yakwánxa nak hẽlyekpelkoho', kólpeykesho m'a ektaha axta apkelané néten, tén han keso náxop, tén han ma'a wátsam ekwányam nak, tén han ma'a ekteyapmakxa nak yegmen.”

APOCALIPSIS 10:2

Weykcha'áhak étkok kélmeykeso axta apmeykha, keñe axta apteyókmo wátsam ekwányam ma'a apmenek ekpayhókxa nak apkelya'asamakxa, keñe axta apmenek ekpayhókxa nak nepsagkalwa apteyókmo xóp.

APOCALIPSIS 4:11

“Payhawók kóltemésesek Xép apcheymákpoho, Wese' egegkok Dios, tén han kóltehek kéláyo, payhawók nahan keytek ma'a apmopwána, hakte apkelanak axta exchep ekyókxoho aksok; Xép apmopmenyého axta keñamak ekheykegko ekyókxoho aksok, tén han elánamáxko.”

LOS HECHOS 14:15

—Enxet'ák, ¿Yaksak ektaha kéltaha nak xa? Enxet negko'o, neghawo negko'o kéxegke. Axta keñamak nelwa'a negko'o neltamho kólyenyók xa ektémakxa nak kélpeykesamo ektaha nak mékoho, neltamhok negko'o kóltemekxa megkólya'áseyam Dios aptaha nak memassegwayam, aptaha axta apkelané néten, tén han keso náxop, tén han ma'a wátsam ekwányam, tén han ekyókxoho aksok ekheykegko nak.

APOCALIPSIS 4:9

Apkeltemésesek agkok cha'a apcheymákpoho Dios xa énxet'ák apkeleñama nak néten, etnehek nahan cha'a apcháyo, egkéshok nahan cha'a ekpayheykekxa apwáxók Dios, cham'a apha nak néten aptaháno ektakmalma, cham'a apha nak han megkatnegwayam enéxa, keñe cha'a eltekxeyagkok aptapnák nápakto' Dios xa veinticuatro apkelámha apmonye'e nak, elpeykeshok nahan cha'a, ekxeygkok nahan cha'a apkelatcheso apkatkók eltakmela apmonye aphamakxa m'a Dios, etnehek nahan cha'a apkelpeywa s'e:

APOCALIPSIS 1:18

sekteme nahan mamassegwayam. Etsepmeyk axta ko'o, kaxwo' eyke ekheyk megkatnegwayam enéxa. Yetneyk ko'o ketchesama átog sekmowána alkok átog ma'a apkelmaheykegkaxa nak apkeletsapma axta.

HEBREOS 6:13

Xama axta apmésa appeywa Dios Abraham, apteméseso apagko' axta nahan ekmámnaksoho Dios ma'a aptahakxa axta appeywa, hakte méko pók aphawo Dios yakwayam enxoho etnésesek ekmámnaksoho m'a aptahakxa enxoho appeywa Dios;

ROMANOS 1:20

egwanchek agyekpelchágwók ma'a aksok magwetayo nak eñama Dios, ekxéna enxoho egwáxok ma'a aksok ektaha axta Dios apkelané. Tásek ekwetamaxche aptaha Dios ma'a Dios, eyeynamókxa m'a sekxo' axta elánamáxko keso náxop, megkamassegwomek nahan ma'a ektémakxa nak apmopwána.

LOS HECHOS 17:23

Neyseksa sekxega axta elanawók kélpeykesamókxa nak cha'a kéxegke aksok kéleykmáseso, ekwet'ak axta ko'o aksok ekwatnamáxchexa yetlo kéltáxéso ektéma nak se'e: ‘Dios megkólyekpelchémo’. Cháxa Dios kélpeykáso nak kéxegke neyseksa megkólya'áseyak xa, cham'a seltennasa nak kéxegke.