3 SAN JUAN 1:8 - Lengua Sur (Enxet) Nuevo Testamento

⁸ Ekeso eñamakxa eyéméxko nak negko'o ampasmok xa énxet'ák nak, yakwayam enxoho ampasmok ma'a ektémakxa nak apkeltenneykha amya'a ekmámnaksoho.

3 SAN JUAN 1:8 Referans Kwoze

3 SAN JUAN 1:10

Ekeso eñamakxa peya nak altennásekxohok kéxegke sekwákxo sat ma'a, hakte aptekkesekmek aksa cha'a amya'a senxéna negko'o xa énxet nak, keñe nahan aptaha apmopwána amya'a senxéna negko'o. Háwe eyke ekwánxa agkok apteme xa, melmak nahan cha'a takha' ẽlyáxeg'a ektaha apkelwayam ma'a, megya'awok nahan cha'a elmok takha' apnámokkok ma'a énxet'ák apmáheyo neykhe elmok takha' apnámokkok, apkelántekkesek cha'a kañe' kélakneykekxexa.

FILEMÓN 1:24

tén han apcháphásesa ekxeyenma apwáxok xép ma'a Marcos, Aristarco, Demas tén han ma'a Lucas, aptaha nak cha'a sewháneyo sektamheykha.

FILEMÓN 1:2

Negyepetchásawok nahan nentáxéseso m'a énxet'ák apchakneykekxoho nak apxagkok xép, cham'a egyáxeg kelán'a ekwesey nak Apia, tén han ma'a egyáxeg apwesey nak Arquipo, aptaha nak sempasmo ektémakxa nak nelwaskápeykekxoho negko'o.

1 TESALONICENSES 3:2

egyáxeg Timoteo axta eyke eyáphásak ko'o, aptaha nak han sempasmo nenlané nentamheykha eñama nak Dios, cham'a ektémakxa nak nenlegaso amya'a ektakmela ekxeyenma nak Cristo. Eyáphásek axta ko'o xa egyáxeg nak, yakwayam enxoho etnehek meyk'a kéxegke, tén han elyennaktésesek kélteme megkólya'áseyam, tén han yának kóllenxanmoho,

COLOSENSES 4:11

Apcháphásesek nahan ekxeyenma apwáxok kéxegke m'a Jesús apkeltamhomakpo nak han Justo. Cháxa sepasmeykencha'a nak ko'o sektamheykha yakwayam kawak ma'a aptémakxa nak Wese' apwányam Dios, apkeleñama nepyeseksa m'a énxet'ák judíos apteme nak han melya'áseyam, kaxnók ma'a pók énxet'ák nak. Awanhek axta anhan sepeykesáseykekxa ewáxok ko'o xa énxet'ák nak.

FILIPENSES 4:3

Xép apteme nak cha'a sekxegexma ahagko' sektamheykha, eltamhok ko'o epasmok xép xa ẽlyáxeg'a nak, hakte kelenxáneykmók axta sepasmo ko'o ektémakxa seltenneykha tásek amya'a xa kelán'ák nak, Clemente axta anhan, tén han ma'a pók énxet'ák ektaha axta sektamheykha xamo' ko'o. Naktáxésamaxchek nahan apkelwesey m'a weykcha'áhak eknaktáxésamaxchexa nak apkelwesey énxet'ák ekyetnama nak ekyennakte apnenya'ák.

2 CORINTIOS 8:23

Ewanchek ko'o axének Tito aptaha sekxegexma, aptaha anhan sektamheykha xamo' yakwayam ampasmok kéxegke. Ewanchek nahan axének ko'o m'a apkánet ẽlyáxeg'a ektaha axta eláphaso kélakneykekxexa, cham'a, kélayókxa nak Cristo.

2 CORINTIOS 6:1

Nágkólteméses aksa eyakhémo apméso kéxegke Dios ma'a ektémakxa nak segásekhayo, cham'a apxekmósa axta kéxegke eñama nenteme nelpasmomaxkoho nenlané m'a Dios aptamheykha nak.

SAN LUCAS 11:7

Wánxa agkok metnehek eyke yátegmowagkok pók neyseksa apyetno kañe' tegma s'e: ‘Náhexátekhes; kayhek átog, naktenchek ko'o étchek, neghágkek nahan negko'o xa; mowanchek axnekxak néten yakwayam agkések aksok.’

SAN MATEO 10:40

“Enxet ektahakxa enxoho apma takha' kéxegke, hemok nahan ko'o xa takha'; keñe m'a ektahakxa enxoho sema takha' ko'o, emok takha' m'a aptaha nak seyáphaso ko'o.

SAN MATEO 10:14

Sat agkok emak takha' kéxegke énxet kélwayam apxagkok, tén han ma'a memoko enxoho yeyxhok kéltenneykha, kólántep sat ma'a tegma nak, esenhan ma'a nepyeseksa tegma apwányam nak, kólpalches sat nahan kélmagkok xóp ánek elyepetche.

3 SAN JUAN 1:7

Hakte apchénawok apkelxega yakwayam elanagkok apkeltamheykha eñama Jesucristo xa énxet'ák nak, axta anhan eltamhok epasmok ma'a énxet'ák melya'áseyak nak Dios.

3 SAN JUAN 1:9

Ektáxésesek axta ko'o weykcha'áhak ma'a énxet'ák apchakneykekxoho nak, melyahakxék eyke cha'a Diótrefes nentahakxa nempeywa, hakte apmenyék etnehek apkemha apmonye nepyeseksa apnámokkok.