3 SAN JUAN 1:7 - Lengua Sur (Enxet) Nuevo Testamento

⁷ Hakte apchénawok apkelxega yakwayam elanagkok apkeltamheykha eñama Jesucristo xa énxet'ák nak, axta anhan eltamhok epasmok ma'a énxet'ák melya'áseyak nak Dios.

3 SAN JUAN 1:7 Referans Kwoze

APOCALIPSIS 2:3

Apkelenxáneykmok axta exchep, awanhek axta nahan aplegeykegkoho meyke ekleklágwayam ko'o eñamakxa.

COLOSENSES 1:24

Payhekxeyk kaxwo' ko'o ewáxok seklegágkoho kéxegke eñamakxa, cháxa seksawhegwokmo ko'o eklegeykegkoho sekyókxa xa, cham'a eyéméxko nak eñegkohok Cristo, énxet'ák apagkok eñamakxa, ektaha nak han apyókxa.

2 CORINTIOS 12:13

Helemlekxoho aksa kélnathawo enxoho sektahakxa sekpeywa, xama aksok aksa megkaxnawok sekteméseso kéxegke m'a sektemésesamakxa nak cha'a m'a mók apchakneykekxexa nak, cham'a maltémo nak cha'a helpasmok kéxegke.

2 CORINTIOS 4:5

Manxénáxchekxohok cha'a negko'o egagko' neltenneyncha'a, wánxa cha'a nenxéna m'a Jesucristo aptaha nak Wese' egegkok; nenxénchek eyke cha'a negko'o nentaha sẽlásenneykha kéxegke eñama negásekhayo m'a Jesús.

1 CORINTIOS 9:18

Cha'a segkéso ko'o Dios ekyakmageykekxa sektamheykha m'a ekpayheykekxa nak ewáxok neyseksa seltenneykha tásek amya'a meyke sekma ekyanmaga xama enxoho; meyke nahan seyasenneykekxa m'a ekpayhawo nak hepasmok ko'o ektémakxa nak sektamheykha seltenneykha tásek amya'a.

LOS HECHOS 9:16

Axekmósek sat ko'o yakwánxa katnehek ekyawe aplegeykegkoho m'a énxet nak, ko'o eñamakxa.”

LOS HECHOS 8:4

Apkeltennáha axta cha'a amya'a segwagkasamo teyp apkelmahágkaxa m'a énxet'ák ektaha axta apkelánteyapma Jerusalén.

LOS HECHOS 5:41

Apkelántekkek axta énxet'ák seykha amya'a apkelenyekto nápakta'awo' ma'a énxet'ák kelwese'e nak, hakte apcha'awók axta Dios ellegagkohok ekmaso agko' eñama apkellegaso Jesús apwesey.

SAN JUAN 15:21

Etnésesek sat kéxegke énxet'ák ekyókxoho xa, ko'o eñamakxa, hakte melya'ásegkok énxet'ák ma'a aptaha axta seyáphaso ko'o.

LOS HECHOS 20:33

Axta ko'o katsapmak egkenyek selyakye xama enxoho tén han ma'a émók nak aksok apagkok;

LOS HECHOS 20:35

Alxekmóshok axta cha'a kéxegke eyéméxko antehek nentamheykha xa, ampasmok ma'a énxet'ák ekha nak eyéméxchexa aksok yetlo ekxeyenma egwáxok aptémakxa axta appeywa Wese' egegkok Jesús se'e: ‘Kapayhekxak cha'a egwáxok negmésa enxoho aksok egmók, kaxnók ma'a nenxawé nak aksok.’ ”

FILIPENSES 2:9

Ekeso eñamakxa apmésa nak Dios yakwayam etnehek néten agko' meyke ekhémo, aptemésesek axta nahan ektakmela agko' apwesey neyseksa m'a ekxámokxoho kélwesey nak.

3 SAN JUAN 1:8

Ekeso eñamakxa eyéméxko nak negko'o ampasmok xa énxet'ák nak, yakwayam enxoho ampasmok ma'a ektémakxa nak apkeltenneykha amya'a ekmámnaksoho.