3 SAN JUAN 1:6 - Lengua Sur (Enxet) Nuevo Testamento

⁶ Apxénchek axta nápakta'awo' énxet'ák apchakneykekxexa ektémakxa apkelásekhayo exchep xa énxet'ák nak. Epásem sat xép xa énxet'ák nak, yakwayam enxoho elenxanmohok apkelxega, cham'a ekleklamókxa nak apwáxok antehek Dios.

3 SAN JUAN 1:6 Referans Kwoze

1 TESALONICENSES 2:12

Neltennásek axta kéxegke neltamho kóltehek eyéméxchexa nak antehek nenteme nak Dios énxet'ák apagkok, cham'a Dios ektaha axta apkelwóneykha kéxegke apkeltémo kawakxohok kélteme Wese' apwányam kélagkok ma'a Dios, tén han kawakxohok kéxegke m'a ektémakxa nak apcheymákpoho.

TITO 3:13

Epásem sat cha'a Zenas aptaha nak negásenneykekxexa negko'o, tén han ma'a Apolos, egkés sat aksok eyéméxchexa xa énxet'ák nak, yakwayam enxoho elenxanmohok apkelxega, yakwayam enxoho anhan megkeytek eyéméxchexa xama aksok.

LOS HECHOS 15:3

Kéláphásek axta Pablo tén han Bernabé. Apchakneykekxexa énxet tegma apwányam Antioquía axta keñamak kéláphaso. Xama axta apkelwokmo m'a yókxexma Fenicia tén han ma'a Samaria, apkeltennáseyha axta énxet'ák ektémakxa apkexeykegko nano' apcháyókxa m'a énxet'ák metnaha nak judíos yakwayam elyetlakxak ma'a Dios. Apyókxoho énxet'ák melya'áseyam Wese' egegkok axta kelpayhekxak apwáxók apkelleg'a xa amya'a nak.

1 SAN PEDRO 2:20

Kéllanak agkok kéxegke aksok ekmaso, megkólxénaxchék ektakmela m'a kélenmáxexkoho enxoho kéllegeykegkoho. Wánxa agkok, kéllegágkok agkok kéxegke eñama kéllané aksok ektakmela tén han ma'a kélenmáxexkoho enxoho kéllegeykegkoho, cháxa ekleklamo nak apwáxok Dios xa.

COLOSENSES 1:10

yakwayam enxoho kólewának kóltehek ma'a eyéméxchexa nak etnahagkok Wese' egegkok énxet'ák apagkok, kóllának cha'a m'a ekleklamókxa nak apwáxok antehek Wese' egegkok, tén han kóltehek ma'a ekyókxoho nentémakxa ektakmela nak, tén han kólyekpelchágwomhok agko' ma'a Dios.

FILIPENSES 4:14

Wánxa agkok, tásek axta eyke kéltahakxa kéxegke sepasma m'a ektahakxa axta ekyentaxnamo sekha ko'o.

2 CORINTIOS 1:16

xénchek axta ko'o ewáxok atnehek sekxo' meyk'a kéxegke sekmahágko enxoho m'a Macedonia. keñe sat sexyekmo enxoho atnehek makham meyk'a kéxegke, keñe sat kéxegke helpasmok yakwayam alenxanmohok sekxega amhagkok ma'a Judea.

ROMANOS 15:24

Emenyék ko'o atnehek meyk'a kéxegke sekmahágko sat ma'a España. Eltamhok nahan ko'o helpasmok yakwayam alenxanmohok sekxega, cham'a natámen ekpayheykekxa sat ewáxok eñama selweteykekxa kéxegke yakwatakxoho.

LOS HECHOS 21:5

Xama axta ekyeyk'a xa siete ekhem nak, nelxegákxeyk axta makham negko'o. Apsawhekpók axta énxet'ák sẽlyetlawa yetlo apnakteyegka'a tén han ma'a apketchek, ẽlyetlókek axta ekweykmoho nepyáwa tegma apwányam, nelwokmek axta negko'o neyáwa wátsam ekwányam keñe axta neltekxeya entapnák xóp nentaha nempeywa nelmaxnagko.

3 SAN JUAN 1:12

Apyókxoho énxet'ák cha'a takmelak apxeyenma Demetrio, ekmámnaksoho aptémakxa nahan keñamak ekwetamaxche aptaha ektakmela aptémakxa. Nenxénchek nahan cha'a negko'o xa aptaha ektakmela aptémakxa Demetrio. Apya'ásegkok nahan xép ekmámnaksoho cha'a nentémakxa negko'o nempeywa.

LOS HECHOS 15:29

nágkóltaw aksa ápetek kélméso nak kéleykmáseso, nágkóltaw nahan éma, nágkóltaw nahan ápetek ma'a aksok kéltóso kélyakhakkaso nak ayespok ekmatña, nágkóllána nahan ma'a ekmaso nak nentémakxa mansexta. Agkok kóllanak kéxegke xa, tásek sat katnehek kéltahakxa kéxegke. Tásek sat katnehek kélxega.”