3 SAN JUAN 1:10 - Lengua Sur (Enxet) Nuevo Testamento

¹⁰ Ekeso eñamakxa peya nak altennásekxohok kéxegke sekwákxo sat ma'a, hakte aptekkesekmek aksa cha'a amya'a senxéna negko'o xa énxet nak, keñe nahan aptaha apmopwána amya'a senxéna negko'o. Háwe eyke ekwánxa agkok apteme xa, melmak nahan cha'a takha' ẽlyáxeg'a ektaha apkelwayam ma'a, megya'awok nahan cha'a elmok takha' apnámokkok ma'a énxet'ák apmáheyo neykhe elmok takha' apnámokkok, apkelántekkesek cha'a kañe' kélakneykekxexa.

3 SAN JUAN 1:10 Referans Kwoze

2 CORINTIOS 13:2

Elenxanakmók ko'o sekméso sekpeywa énxet'ák apkeláneykegko axta melya'asáxma nano' axta, tén han ma'a apyókxoho énxet'ák nak, keso sekha nak makhawo kéxegke, ekhawo sektahakxa axta seláneya kéxegke ekwokmo axta ánet sekteme meyk'a; megkapyósek sat alanok kéxegke sektaha sat makham meyk'a kéxegke,

SAN LUCAS 6:22

“Kéleñémo agko' kéxegke kéltaknaweyxko enxoho nepyeseksa énxet'ák, tén han ma'a kéltekkesa enxoho nepyeseksa énxet'ák, tén han ma'a kélxénáxko enxoho kéltaha ekmaso kéltémakxa kéxegke eñama m'a aptaha nak Apketche énxet.

3 SAN JUAN 1:5

Eyáxeg seyásekhayo, tásek aptémakxa exchep meyenseykmo appasmo m'a ẽlyáxeg'a nentémo xamo' nak magya'áseyam, ekyagwánxa agkok ma'a appasmoma nak cha'a énxet'ák apkelwayam nak apkeleñama mók nekha.

SAN JUAN 9:22

Cháxa ektahakxa axta eyátegmoweyak enchána eyeka énxet'ák xa, hakte hawók axta mók apkelpakmeyesma énxet'ák judíos apmoko elántekkesek énxet'ák kañe' apchakneykekxexa ektahakxa enxoho apkelxeyenma Jesús aptaha Mesías.

LOS HECHOS 1:15

Yáma wenaktémok axta, keñe axta apkeltennáseyncha'a Pedro apnámokkok ektaha axta melya'áseyam xamo', ciento veinte axta apyókxoho énxet. Aptahak axta apkeláneya s'e:

GÁLATAS 6:10

Ekeso eñamakxa eyéméxko nak cha'a negko'o ampasmok apyókxoho énxet, ekyagwánxa agkok ma'a ẽlyáxeg'a apteme nak melya'áseyam, cham'a ekyetnakxa enxoho cha'a yakwayam ampasmok.

1 TIMOTEO 5:13

Kamhagkok nahan cha'a nátegma, megkamáheyo katneykha nahan katnekxa', háwe ekwánxa agkok ma'a megkamáheyo nak katneykha, wánxa agkok, eltennágwayam nátegma nahan katnehek, ñohok nahan katnehek ma'a ektahakxa enxoho amya'a, kaxénwók aksa ma'a megkapayhawo nak kaxének.

2 SAN JUAN 1:10

Aptemék agkok meyk'a kéxegke xama énxet mesóko enxoho xa nelxekmowásamáxche eñama nak Cristo, nágkólhésem aksa kélxagkok, nágkólpeykes nahan;

2 SAN JUAN 1:12

Xámok aksok yakwayam altennaksek ko'o kéxegke, momenyék eyke atáxésesek weykcha'áhak. Wánxa agkok, emenyék ko'o atyánegwakxohok kéxegke, yakwayam enxoho alpakhetchesaxkoho', yakwayam enxoho anhan kayágwomhok agko' ekpayheykekxa egwáxok nentaha enxoho xa.

3 SAN JUAN 1:3

Awanhek axta ko'o ekpayheykekxa ewáxok, seltennásakto ẽlyáxeg'a meyenseykmo apkelané exchep ma'a nentémakxa ekmámnaksoho nak, cham'a apkelenyékto axta m'a.