2 TIMOTEO 1:5 - Lengua Sur (Enxet) Nuevo Testamento

⁵ Hakte xénwákxók ko'o ewáxok ekyetna exchep ekmámnaksoho apteme mey'áseyam. Apyáma Loida axta sekxo' ekteme ekma amonye megkay'áseyam, keñe axta m'a xép egken Eunice, nakso' nahan ektemesásak ekyetna exchepxa xa magya'áseyam nak.

2 TIMOTEO 1:5 Referans Kwoze

1 TIMOTEO 1:5

Emenyék axta ko'o keytek nelásekhamaxkoho sektaha seyáneya exchep xa, cham'a negásekhayo eñama nak nenteme eyáxñeyo egwáxok, tén han eñama m'a megkaxénweykekxohol'a egwáxok nentémakxa, tén han eñama m'a magya'áseyam ekmámnaksoho nak.

LOS HECHOS 16:1

Apwokmek axta Pablo tegma apwányam Derbe, tén han ma'a tegma apwányam Listra. Axta apwetágwomhok xama énxet apteme axta mey'áseyam Wese' egegkok ma'a apwesey axta Timoteo, xama judía kelán'a ekha megkay'áseyam étche axta m'a, keñe axta apyap griego.

1 TIMOTEO 4:6

Apkelxekmósek agkok xép ẽlyáxeg'a xa ektéma nak, appekkenchek agkok nahan apwáxok xép ma'a amya'a eñama nak magya'áseyam, tén han apkelenxanakmoho enxoho apkelané m'a nelxekmowásamáxche ektakmela nak, etnehek sat xép Jesucristo apkeláneykha ektakmela aptémakxa.

2 TIMOTEO 3:15

Kaxénwakxoho apwáxok, aptémakxa apketkok axta exchep apya'áseykegkoho ektémakxa nak eknaktáxésamaxche tásek amya'a, cham'a ekmowána nak kalxekmósagkok xép tén han kawagkasek teyp eñama apteme mey'áseyam ma'a Cristo Jesús.

ROMANOS 15:14

Elyáxeg selásekhayo, ekya'ásegkok ko'o ekyetna kéxegke ekyawe kélásekhamaxkoho, tén han ekyetna ekyókxoho ektémakxa kélya'áseyak, tén han ekyetna kélya'áseyak yakwayam kólmések kélpeywa kélmók;

HEBREOS 6:9

Elyáxeg selásekhayo, nentahak eykhe negko'o neltennáseykha kéxegke xa ektaha nak, nakso' eyke nentemesásak negko'o ekyetna kéxegke aksok eltakmela agko' segya'asamol'a nelwagkásamáxchexa teyp.

2 TIMOTEO 1:12

Cháxa keñamak seklegágkoho nak ko'o kaxwo' ekyókxoho xa aksok nak, wánxa agkok mamegkayhek eyke ko'o axének, hakte ekya'ásegkok ko'o m'a aptaha nak seyayókxa; nakso' nahan ektemesásak ko'o ekyetna apmopwána hetakmelchesesek ekweykmoho néxa ekhem ma'a sektamheykha apkeltamho axta alána'.

2 CORINTIOS 6:6

Nenxekmowásawók nahan nentaha negko'o Dios apkelásenneykha eñama m'a eyáxñeyo nentémakxa nak, eñama nahan negya'ásegwayam ma'a amya'a ekmámnaksoho nak, tén han eñama m'a mampekhésamaxche nak, tén han eñama m'a ektakmeleykha nak egwáxok, tén han eñama m'a apha nak negko'o egwáxok Espíritu Santo, tén han eñama m'a negásekhayo ekmámnaksoho nak,

ROMANOS 8:38

Ekya'ásegkok eyke ko'o méko kawának hegyenyókasek ma'a ektémakxa nak Dios segásekhayo. Yawanchek ma'a ektémakxa nak nétsapma, tén han ma'a ektémakxa nak negyennakte, mopwanchek nahan ma'a Dios apkelásenneykha nak, yawanchek nahan ma'a aksok ekha nak elmowancha'a, yawanchek nahan sónegwánxa nak, yawanchek nahan ma'a aksok ekyetna nak egmonye,

ROMANOS 4:21

neyseksa mey'áseyam ekyetna apmopwána elának Dios ma'a apxeyenma axta elána'.

HEBREOS 11:13

Apsawhomakpók axta apkeletsapma xa énxet'ák nak neyseksa melxaweyák ma'a aksok apxeyenma axta egkések Dios; nano' axta eyke apkelya'áseyak ekmáheyo katnehek ma'a ektémakxa axta appekkencháseykekxa appeywa Dios eñama m'a melya'áseyam axta, leklamók axta apwáxók xa, apkelyekpelchágweykmoho apancha'awo' axta aptamheykegkok aptaha apkelwé yakwatakxoho keso náxop, megkatnahakxa nak apkeleñémekxa.

ROMANOS 14:14

Ekya'ásegkok ko'o méko xama aksok ektemésásamáxkoho agko' ekmanyása; wese' egegkok Jesús may'áseyam keñamak sektemésesa ko'o ekmámnaksoho xa. Xénchek agkok apwáxok énxet ektaha ekmanyása xama aksok, nakso' nahan etnésesek ekmanyása xa énxet nak.

ROMANOS 14:5

Yetneyk nahan énxet appagkanma nak cha'a xama ekhem, etnésesek ektakmela, yetneyk nahan énxet aptemésesamol'a meyke ekyeykhamaxche ekyókxoho ekhem. Apyókxoho énxet kéméxchek katnehek ekmámnaksoho agko' apya'áseyak ma'a ektémakxa nak elchetamso apwáxok.

LOS HECHOS 26:26

Cháxa apha wese' Agripa xa, aptaha nak apya'áseykegkoho ektakmela xa sekxéna nak ko'o, ékeso eñamakxa magweysákxo nak sekxéna nápakto' xa; hakte nakso' ko'o ektemesásak apya'ásegkoho nahan wese' Agripa ekyókxoho xa sekxéna exchek, hakte megkatnek ekpowásamáxkoho ekteyapma xa aksok nak.

SAN JUAN 1:47

Xama axta apwet'a Jesús apxegakmo Natanael, aptahak axta appakmeta s'e: —Cháxa apxegakmo aptaha nak nakso' Israel xa, melyexancháseykha anhan xama énxet enxoho.

1 SAN PEDRO 1:22

Kaxwo' eyke kéltemék kéxegke eyáxñeyo kélwáxok, yakwayam enxoho kólásekhohok ekmámnaksoho agko' ma'a ẽlyáxeg nentémo xamo' nak magya'áseyam, cham'a kélyahákxoho axta kéxegke amya'a ekmámnaksoho nak. Kéméxchek kéxegke kóltehek ekmámnaksoho kélásekhamaxkoho ekweykmoho kañók agko' kélwáxok.