2 TIMOTEO 1:4 - Lengua Sur (Enxet) Nuevo Testamento

⁴ Kaxénhok cha'a ko'o ewáxok apkelekxagweykencha'a axta exchep, emenyék kaxwo' ótak xép yakwayam enxoho kayawhok agko' ekpayheykekxa ewáxok.

2 TIMOTEO 1:4 Referans Kwoze

2 TIMOTEO 4:9

Elenxánem sat epekhaksohok exegmak yakwayam héta';

2 TIMOTEO 4:21

Elenxánem sat exegmak amonye apkepsamágexal'a. Apcháphásesek nahan ekxeyenma apwáxók xép Eubulo, Pudente, Lino, Claudia, tén han ma'a apyókxoho ẽlyáxeg nentémo xamo' nak magya'áseyam.

1 TESALONICENSES 2:17

Elyáxeg, xama axta negkexeykxo kéxegke yakwatakxoho, axta eykhe ólweteykekxak kéxegke, wánxa agkok, xéneykha axta eyke cha'a egwáxok, hakte egmenyék egagko' axta ólteyánegwakxohok kéxegke.

FILIPENSES 1:8

Hakte apya'ásegkok Dios ekwánxa nak ko'o sekmámenyého alwetekxak kélyókxoho kéxegke, eñama aptekkeso ewáxok seyásekhayo m'a Jesucristo.

APOCALIPSIS 21:4

Emasésesek sat Dios apaktégmenek xa énxet'ák nak, kamaskok sat nétsapma, kamaskok sat nahan ma'a nenlekxagweykha nak, kamaskok sat nahan ma'a senlapwayam nak, kamaskok sat nahan ma'a nenlegeykegkoho ekmáske nak, hakte massegwokmek axta m'a ekyókxoho aksok ekyetnama axta nano' axta.”

APOCALIPSIS 7:17

hakte eltakmelchesek sat ma'a Nekkések Apketkok apha nak ma'a néten aptaháno ektakmalma nak, ekhawo aptemésesamakxa nak apkeltakmelchesama m'a nekkések. Enaklók sat nahan ma'a ekteyapmakxa nak yegmen ekyennaktésamo nak egnenyek. Dios sat nahan emasésesek apaktek égmenek xa énxet'ák nak.”

1 SAN JUAN 1:4

Nentahak negko'o nentáxéseso kéxegke xa ektaha nak, yakwayam enxoho kayágwomhok agko' ekpayheykekxa egwáxok negko'o.

FILIPENSES 2:26

Awanhek apmopmenyého elwetekxak kélyókxoho kéxegke xa egyáxeg nak, yetnakha'awók nahan apwáxok, hakte kéllegayak hek kéxegke amya'a apháxamákpo.

ROMANOS 1:11

Hakte emenyék ko'o alwetak kéxegke, emenyék nahan apasmok, yakwayam enxoho kólxawak aksok segmésamol'a Espíritu Santo, tén han kayágwomhok kélteme megkólya'áseyam;

LOS HECHOS 20:31

Kólleyxmakha; kaxénwakxoho cha'a kélwáxok mayenseykmo axta seltennáseykha kélyókxoho kéxegke yetlo selekxagweykha ekweykmoho apkántanxo apyeyam, axta ayenseykmok cha'a ekyókxoho ekhem tén han ekyókxoho axta'a.

LOS HECHOS 20:19

Eláneyak axta cha'a ko'o kélnepyeseksa kéxegke sektamheykha eñama nak Wese' egegkok yetlo megkeymáxkoho ewáxok, tén han yetlo selekxagweykha cha'a neyseksa ekyóxoho aksok seyahapwayól'a cha'a eñama apmopmenyého hetnésesek ma'a énxet'ák judíos.

SAN JUAN 16:24

Akke kólmaxneyk makham kéxegke Táta xama aksok keso kaxwo' nak, eñama nak ko'o sekwesey; kólmaxna, kólxawak sat, yakwayam enxoho kayágwomhok agko' ma'a ekpayheykekxa kélwáxok nak.

SAN JUAN 16:22

Hawók ektahakxa nak han kéxegkáxa elyakhápeykha kélwáxok keso kaxwo' nak; wánxa agkok, awatak sat eyke yakwayam alwetágwatak kéxegke, keñe sat kayawhok agko' elpayheykekxa kélwáxok, cham'a ekpayheykekxa egwáxok megkólmowána nak kólyementók.