2 SAN JUAN 1:1 - Lengua Sur (Enxet) Nuevo Testamento

¹ Ko'o sektaha nak sémha emonye, apchakneykekxexa énxet'ák ektaha nak Dios apkelyéseykha ektáxesásak ko'o s'e weykcha'áhak nak, cham'a énxet'ák apkeleñama nak xa kélakneykekxexa nak, cham'a ekmámnaksoho nak selásekhayo ko'o; háwe eyke exakko' ko'o selásekhayo kéxegke, akke nahan apkelásekhayok kéxegke m'a apyókxoho énxet'ák apkelyekpelchágwayam nak amya'a ekmámnaksoho.

2 SAN JUAN 1:1 Referans Kwoze

1 SAN JUAN 3:18

Etchek selásekhayo nak, tásek mantehek wánxa negásekhayo egmók ma'a nempeywa nak, kéméxchek nahan anxekmósek ektakmela nentemésesakxa.

1 TIMOTEO 2:4

Hakte apmenyék Dios ólwagkasaxchek teyp negyókxoho nak, apmenyék nahan agya'ásegwók ma'a amya'a ekmámnaksoho nak.

SAN JUAN 8:32

kólya'ásegwók sat kéxegke ma'a amya'a ekmámnaksoho nak, katnésesek sat kéxegke megkólmomaxche xa amya'a ekmámnaksoho nak.

2 SAN JUAN 1:5

Elyáxeg selásekhayo, eltamhok ko'o kaxwo' antehek nelásekhamaxkoho. Háwe axnagkok nelánemaxchexa antehek se'e sektáxesesa nak kéxegke, cháxa nenxawaya axta sekxo' agko' xa.

1 SAN PEDRO 5:1

Emenyék ko'o agkések kaxwo' sekpeywa m'a énxet'ák apkelámha apmonye'e nak kélakneykekxexa kéxegke, ko'o sektaha nak han sémha emonye sekhawo xa énxet'ák nak, sektaha nak han sekweteykegkoho m'a ektémakxa axta aplegeykegkoho Cristo, hewatámhok sat nahan ko'o xa Cristo apcheymákpoho, cham'a peya nak hẽlxekmósho', ekhawo nak han xa énxet'ák nak.

2 SAN JUAN 1:13

Apcháphásesek ekxeyenma apwáxók kéxegke énxet'ák ekhawo nak apchakneykekxexa ektémakxa nak kélakneykekxexa kéxegke, ektaha nak han Dios apkelyéseykha.

1 SAN JUAN 2:21

Háwe eñama megkólya'áseyak amya'a ekmámnaksoho sektáxésesa kéxegke weykcha'áhak, wánxa agkok amya'a ekmámnaksoho kélya'áseyak akke keñamak sektáxésesa kéxegke; kélya'ásegkok nahan kéxegke megkañama negmowána amya'a m'a amya'a ekmámnaksoho nak.

1 SAN PEDRO 1:2

cham'a énxet'ák ektaha axta nano' apkelyéseykha Dios Egyap, ekhawo m'a ektémakxa axta apmopmenyého elának Dios. Espíritu axta anhan keñamak aptemésesama kélpagkanamaxche kéxegke Dios yakwayam enxoho kóltehek kélyaheykekxoho, yakwayam enxoho katnésesek kéláxñeyo kéxegke Jesucristo éma apagkok. Kólyánchesho kélma m'a ektémakxa nak segméso naksa Dios segemleykekxoho, tén han ma'a meyke ektahakxa kélwáxok.

HEBREOS 10:26

Nenlenxanakmók agkok negmáheyo anlának mólya'asáxma natámen negya'ásegwayam enxoho m'a amya'a ekmámnaksoho nak, kamaskok ekyetna m'a yakwayam nak kamaseksek mólya'asáxma

GÁLATAS 5:7

Tásek axta kélyetlo kéxegke m'a ámay ektakmela nak. ¿Yaksak megkahayo kéxegke kóltehek kélyaheykekxoho m'a amya'a ekmámnaksoho nak?

GÁLATAS 3:1

¡Elyéháxma kéxegke kélheykha nak Gálatas! ¿Yaksak elyeykesáxma kéxegke? Tásek axta neltennáseykha negko'o kéxegke m'a Jesucristo kélyepetchesama axta aksok ektegyéso.

GÁLATAS 2:14

Xama axta sekwet'a ko'o melánegko m'a ektémakxal'a negyetlo tásek amya'a ekmámnaksoho nak, ektahak axta seyáneya Pedro nápakta'awo' énxet'ák nentémo xamo' magya'áseyam se'e: “Aptemék axta exchep máxa metnaha enxoho judío, xép aptaha nak judío; ¿yaksak ektaha apmoko nak xép elyáteyagkohok énxet'ák metnaha judíos, yakwayam etnahagkok ma'a apkeltémakxa nak énxet'ák judíos?”

GÁLATAS 2:5

Axta eyke óghayók negko'o henlekwomhok xa énxet'ák nak, hakte egmenyék axta negko'o keytek kélnepyeseksa kéxegke tásek amya'a ekmámnaksoho nak.

COLOSENSES 1:5

cham'a kélásekhayo ektekkesesama nak kélhaxneykha yakwayam kólxawak ma'a aksok kéltakmelchesesama nak kéxegke m'a néten. Kéllegayak kéxegke kéltenneykha xa nelhaxneykha nak, cham'a kélleg'a axta kéltenneykha amya'a ekmámnaksoho, ektaha nak amya'a ektakmela agko'.

SAN LUCAS 1:3

Xép, Teófilo, aptaha nak seyásekhayo, ektakmelchesamók axta ko'o sektegyeykencha'a amya'a ekyókxoho eyeynamókxa ektéma xa. Xénchek axta ko'o ewáxok ektakmela agko' atakmelcheseshok sektáxéseso exchep xa, cham'a ektémakxa axta cha'a nentámen axta,

LOS HECHOS 11:30

Apkelánegkek axta nahan xa. Bernabé axta kélmeyásak, tén han ma'a Saulo, axta kéláphasásak aksok ma'a apkelámha apmonye'e nak yókxexma Judea.

ROMANOS 16:13

Kóltennés sat nahan seyáphásesa ekxeyenma ewáxok Rufo, apwetamakpo axta aptéma nakso' mey'áseyam Wese' egegkok, tén han ma'a egken, sektéma axta ko'o xa máxa méme seláneykencha'a.

1 SAN PEDRO 5:13

Apcháphásesek nahan ekxeyenma apwáxók kéxegke m'a énxet'ák melya'áseyam nak Cristo apheykha m'a Babilonia, aptaha axta Dios apkelyéseykha ekhawo ektémakxa nak han kéxegkáxa, apchaphásesek nahan ekxeyenma apwáxok kéxegke m'a hatte Marcos.

3 SAN JUAN 1:1

Ko'o sektaha nak sémha emonye, eyáxeg seyásekhayo Gayo ektáxesásak ko'o s'e weykcha'áhak nak, ektaha nak ekmámnaksoho seyásekhayo.