1 TIMOTEO 1:3 - Lengua Sur (Enxet) Nuevo Testamento

³ Exnekxa' sat xép Efeso, ekhawo sektahakxa axta seyáneya amonye sekmaheyak ma'a Macedonia, yakwayam enxoho yának melxekmósek nápakha énxet'ák ma'a nelxekmowásamáxche megkamámnaksoho nak,

1 TIMOTEO 1:3 Referans Kwoze

1 TIMOTEO 6:3

Yetneyk agkok énxet apkelxekmóso m'a nelxekmowásamáxche mók ektémakxa nak, megkaxnémo enxoho ekxeyenma apwáxok se'e ektémakxa nak negko'o nelxekmowásamáxche ektakmela eñama nak Wese' egegkok Jesucristo, cham'a megkaxnémo nak han apwáxok ektémakxa nak negko'o nelxekmowásamáxche eñama s'e negyetlama nak ektémakxa nelpeykesamo Dios,

2 SAN JUAN 1:7

Apsawheykekxók énxet'ák apmopwána nak hẽlyexanchesha keso náxop mexeyenmol'a m'a apwaya nak Jesucristo apyetchásamákpoho énxet. Enxet apteme enxoho xa ektaha nak, cháxa apteme énxet apmopwána nak hẽlyexanchesha xa, apteme anhan apkenmexma m'a Cristo.

1 TIMOTEO 4:11

Yána sat kólyahakxohok xép se'e amya'a nak, elxekmós nahan.

1 TIMOTEO 4:6

Apkelxekmósek agkok xép ẽlyáxeg'a xa ektéma nak, appekkenchek agkok nahan apwáxok xép ma'a amya'a eñama nak magya'áseyam, tén han apkelenxanakmoho enxoho apkelané m'a nelxekmowásamáxche ektakmela nak, etnehek sat xép Jesucristo apkeláneykha ektakmela aptémakxa.

APOCALIPSIS 2:20

Wánxa agkok, yetneyk eyke xama aksok sektaknawásesa exchep; cham'a apcha'awo nak ektahakxa kelán'a ekwesey nak Jezabel, ekxeyenma nak cha'a m'a eltenneykha nak ektaha eñama Dios, kelyexancháseyha eyke selásenneykha eñama m'a ektémakxa nak elxekmóso, kelánésegkek nahan ekmaso nentémakxa mansexta, keltémok nahan etawagkok ma'a nento kélméso nak kéleykmáseso.

APOCALIPSIS 2:14

Mók xama aksok akke ektaknawasásak xép: cham'a megkólámenyého nak kólyenyekxak kélnapakha kéxegke m'a nelxekmowásamáxche eñama nak Balaam, cham'a apkeltennasama axta Balac apkeltémo elanaksek melya'asáxma énxet'ák Israel, cham'a apkelyáteyeykegkoho axta apkeltémo etawagkok nento kélméso axta kéleykmáseso, tén han apkeltémo elanagkok ma'a ekmaso nak nentémakxa mansexta.

1 TIMOTEO 6:17

Yána sat metnehek eleymáxkoho apwáxok énxet'ák ekxákma nak aksok apagkok keso náxop, yána sat megyáseneykxék ma'a ekxákma nak aksok apagkok, hakte kamassegwomhok cha'a xa. Akke tásek kólásenneykxak ma'a Dios segyeykháseseykmoho nak segméso ekyókxoho aksok yakwayam agmaha yetlo ekmátsa egwáxok.

1 TIMOTEO 6:10

Hakte cham'a negásekhayo nak selyakye ekteme ekteyapmakxa ekyókxoho nentémakxa ekmaso nak; Yetneyk énxet apkelwáteseyam nak apteme mey'áseyam eñama apchásekhayo m'a selyakye, apkellegasásamákpoho apancha'awo' nahan aptamheykegkok.

1 TIMOTEO 5:7

Etne sat yának tampe' xa tén han ma'a námokkok, yakwayam enxoho megkólxénchásekxók ektamheykegkaxa.

FILIPENSES 2:24

May'ásekmok nahan ko'o Wese' egegkok peya kañehémhok sekmeyeykekxa ko'o xa kélhágkaxa nak kéxegke.

EFESIOS 4:14

Mantehek sat kaxwo' negko'o máxa sakcha'a, ekmanyehel'a kayakmagkasek ektahakxa elchetamso awáxok, ektemésesamol'a ekhó exchahayam segyegeyak ma'a ekyókxoho ektémakxa nak axnagkok nelxekmowásamáxche, cham'a sakcha'a eyhayol'a elyexanchesha m'a énxet'ák apkelya'áseykegkoho nak apkeltémakxa hẽlyexanchesha, cham'a énxet'ák apkelyetleykekxo nak ámay senxegánegkesamo nak.

LOS HECHOS 18:19

Xama axta apkelwákxo m'a tegma apwányam Efeso, keñe axta Pablo apkexakhagwokmo Priscila tén han Aquila m'a. Apmahágkek axta m'a apchakneykekxexa axta cha'a énxet'ák judíos. Apkelpakhetchesekmek axta anhan énxet'ák ektaha axta apchakneykekxa m'a.

LOS HECHOS 18:21

apkelpeykásegkakxók axta aksa aptakháwo. Aptahak axta apkeláneya s'e: “Apmenyék sat agkok Dios, awatak sat makham atnehek meyk'a kéxegke.” Keñe axta apchánta yántakpayhe Pablo, aptepa m'a Efeso.

ROMANOS 15:26

Hakte apmayhágkok axta yánchásekxak selyakye énxet'ák apheykha Macedonia, tén han Acaya, yakwayam yaphásesek ma'a ẽlyáxeg'a apteme nak melya'áseyam meyke aksok apagkok, apheykha m'a Jerusalén.

ROMANOS 16:17

Elyáxeg, eltamhok ko'o kóllanok apkeltémakxa énxet'ák aptekkesamo nak cha'a néxpanchásamáxche, tén han ma'a appalcheseykmohol'a ẽlyáxeg'a nentémo xamo' nak magya'áseyam, apkelmexmék nelxekmowásamáxche kelxaka axta kéxegke xa énxet'ák nak. Nágkólpaxkaha xa énxet'ák nak,

2 CORINTIOS 11:4

Kóllanha aksa anhan cha'a kéxegke yetlo ekpayheykekxa kélwáxok énxet ektahakxa enxoho apwé apkeltennasé apwesey pók Jesús, mexnawok m'a neltennáseykencha'a axta negko'o kéxegke; yetlo kélmáheyo nahan cha'a kólmok takha' m'a espíritu mexnawo nak ma'a Espíritu kélxawáya axta kéxegke, tén han kólmok takha' m'a tásek amya'a megkaxnawo nak ma'a kélmoma axta takha' kéxegke.

2 TIMOTEO 1:18

Wese' egegkok sat yemlekxohok ma'a ekhem nelyekpelchamáxchexa sat. Apya'ásegkok xép ma'a ektahakxa axta ekyawe sẽlpasmo negko'o m'a tegma apwányam Efeso.