1 TIMOTEO 1:1 - Lengua Sur (Enxet) Nuevo Testamento

¹ Ko'o Pablo, sekteme Jesucristo seykha amya'a apagkok, sektaha nak han selapháseykha eñama apkeltémo Dios segwagkasamo nak teyp, tén han apkeltémo m'a Jesucristo Wese' egegkok, aptaha nak han negayókxa negko'o.

1 TIMOTEO 1:1 Referans Kwoze

TITO 1:3

Elya'asásegwokmek eyke kaxwo' negko'o Dios keso negwánxa nak, cham'a ektémakxa nak appeywa, eñama m'a kéltenneykha nak tásek amya'a, cham'a seyánémaxko axta anhan ko'o xa altennaha, eñama apkeltémo m'a Dios segwagkasamo nak teyp.

COLOSENSES 1:27

Apmenyék axta Dios elyekpelchásesók ma'a ektaha nak énxet'ák apagkok, cham'a ekwánxa nak ekxámokma aksok eltakmela apagkok, cham'a ektemésesama axta cha'a ekpowásamáxkoho énxet'ák metnaha nak judíos. Apheyk kélwáxok kéxegke Cristo, cháxa megkólya'áseykegko axta kéxegke xa, aptaha nak han eñamakxa nelhaxneykha m'a negeymáxkoho peya nak anxawak.

LOS HECHOS 9:15

Wánxa agkok, aptahak axta Wese' egegkok apcháneya Ananías se'e: “Etyánegwomho, ko'o axta selyéseykha m'a énxet nak yakwayam enxoho eltennasha sekwesey m'a énxet'ák apheykha nak mók nekha, tén han ma'a kelwese'e apkelwányam apagkok nak, tén han eltennasha m'a énxet'ák Israel.

1 SAN PEDRO 1:3

Oltemésesek hana apcheymákpoho Dios, Jesucristo Wese' egegkok Apyap, entemésesek axta negko'o eghaxnancha'ák Dios eñama m'a ekyawe ektakmeleykha nak apwáxok henlano', eñama nahan ma'a apxátekhágwayam axta Jesucristo. Cháxa segmésa nak nelhaxneykha ektaha nak ekmámnaksoho agko' xa,

1 TIMOTEO 1:12

Ekmések cha'a ko'o ekpayheykekxa ewáxok Wese' egegkok Jesucristo, aptaha axta segkéso sekyennakte, hakte xeyenmék axta apwáxok Dios mayensemek sektamheykha, etnésesek axta nahan ko'o apchásenneykha,

GÁLATAS 1:1

Ko'o Pablo sektaha nak seykha amya'a megkatnaha énxet seyápháseykha, tén han megkatnaha énxet selyéseykha, Jesucristo apagko' axta eyke selyéseykha ko'o, tén han ma'a Dios Egyap, aptaha axta apxátekháseyam ma'a Jesús.

2 CORINTIOS 1:1

Ko'o Pablo, sekteme Jesucristo seykha amya'a apagkok eñama Dios apmopmenyého, eyáphásesek ko'o ekxeyenma ewáxok Dios énxet'ák apagkok apheykha nak xa tegma apwányam Corinto, tén han ma'a apyókxoho ẽlyáxeg'a apheykha nak yókxexma Acaya, yetlo nahan sekxegexma egyáxeg Timoteo.

2 SAN PEDRO 1:1

Ko'o Simón Pedro sekteme Jesucristo apchásenneykha sekteme nahan seykha amya'a apagkok. Kéxegke ektáxesásak se'e weykcha'áhak nak, kéxegke ekyetna nak megkólya'áseyam ektakmela agko', ekhawo s'e ekyetna nak han negko'oxa, hakte ekpéwomo aptémakxa m'a Jesucristo segwagkasamo nak teyp, aptaha nak Dios egagkok.

1 TIMOTEO 2:7

Axta keñamak selyésáxko axta ko'o yakwayam atnehek seltenneykha tásek amya'a, tén han atnehek seykha amya'a, eyáneyaxchek axta anhan ko'o alxekmósek énxet'ák metnaha judíos ma'a eñama nak magya'áseyam, tén han ma'a amya'a ekmámnaksoho nak. Nakso' xa sektahakxa nak ko'o sekpeywa; háwe sekmowána amya'a.

2 TESALONICENSES 2:16

Nelmaxnakkek negko'o Wese' egegkok Jesucristo, tén han Dios Egyap, neltamho etnésesek kéxegke ekmayheykegkoho kélwáxok, tén han etnésesek kéxegke ekha kélwaskapma, yakwayam enxoho katnehek ektakmalma m'a ekyókxoho kéltahakxa enxoho kélpeywa, tén han ma'a kéllanakxa enxoho, cham'a Dios aptaha nak segásekhayo eñama m'a ektémakxa nak ektakmeleykha apwáxok, tén han segmésama negko'o ektakmelwayam egwáxok megkatnegwayam enéxa, tén han segmésama negko'o ektakmela nak nelhaxneykha.

1 CORINTIOS 1:1

Ko'o Pablo, elwóneyha axta ko'o yakwayam atnehek Jesucristo seykha amya'a apagkok eñama Dios apmopmenyého.

1 SAN JUAN 4:14

Negko'o egagko' axta negweté xa, neltenneykha nahan nenxeyenma m'a apcháphásama axta Dios Egyap Apketche yakwayam elwagkasek teyp énxet'ák apheykha nak keso náxop.

1 SAN PEDRO 1:21

Cristo nahan keñamak kéltaha megkólya'áseyam kéxegke Dios, cham'a Dios aptaha axta apxátekháseyam Cristo, aptaha axta anhan apméso apcheymákpoho; cháxa keñamak kéltéma nak kéxegke megkólya'áseyam Dios xa, tén han ma'a ektémakxa nak elhaxneykha kélwáxok.

TITO 3:6

Jesucristo segwagkasamo teyp axta nahan keñamak nenxaka negko'o Espíritu Santo, meyke kélmeyagweykekxa.

TITO 3:4

Ẽlwagkasek axta negko'o teyp Dios, cham'a senxekmósa axta m'a ektémakxa nak segméso naksa segemleykekxoho, tén han ma'a ektémakxa nak apkelásekhayo énxet.

TITO 2:13

neyseksa nelhaxanma katnehek ma'a aptémakxa axta sempekkencháseykekxa appeywa Dios ektaha nak ektakmela: cham'a apkexyekmo sat Dios egagkok yetlo apcheymákpoho, cham'a aptaha nak Jesucristo segwagkasamo teyp.

TITO 2:10

Yána etnahagkok melmenyexeyák, tén han etnahagkok metnéseseykmohoxma aksok kélagkok, yakwayam enxoho étak apyókxoho énxet'ák ektaha ektakmela m'a ektémakxa nak nelxemowásamáxche eñama Dios segwagkasamo nak teyp, eñama ekwetamaxche apkeltémakxa xa énxet'ák nak.

1 TIMOTEO 4:10

Cháxa keñamak neltamheyncha'a nak negko'o xa, tén han nelwaskápeykxoho, hakte nentemék axta nengko'o negásenneykekxa m'a Dios memassegwayam nak, aptaha nak sẽlwagkaso teyp negyókxoho, ekyagwánxa agkok elwagkasek cha'a teyp ma'a énxet'ák apteme nak melya'áseyam.

1 TIMOTEO 2:3

Cháxa ektakmela nak antehek xa, kalkohok nahan apwáxok Dios antehek xa.

GÁLATAS 1:11

Elyáxeg, kólya'ásegwomho kéxegke s'e: megkañamak énxet elchetamso apwáxok ma'a tásek amya'a seltenneykencha'a nak ko'o.

1 CORINTIOS 9:17

Elanak agkok ko'o sektamheykha eñama nak ma'a sekmáheyo ahagko' nak altennaha, payhawók aleyxek hegkések Dios ekyanmaga sektamheykha; elanak agkok ko'o sektamheykha eñama selyáteyeykegkoho, cháxa selana ko'o apkeltamhókxa alának Dios xa.

ROMANOS 1:1

Ko'o Pablo, sekteme Jesucristo apkeláneykha, ektáxesek ko'o keso weykcha'áhak. Ewóneyha axta ko'o Dios, epagkanchek axta anhan, yakwayam hetnésesek seykha amya'a, yakwayam enxoho altennaha amya'a ektakmela eñama nak Dios.

SAN LUCAS 1:47

Payhekxeyk ewáxok eñama m'a Dios aptaha nak Semasma.

SAN LUCAS 2:11

Sakhem apteyekmok David apchókxa m'a yakwayam nak etnehek apmasma kéxegke, cham'a aptaha nak Cristo m'a, aptaha nak Wese' egegkok.